شينجياڭ جوعارى تەمپەراتۋرادان ساقتانۋدىڭ ساقتىق سيگنالىن جوعارىلاتتى

جۇڭگو اۋا رايى تورابىنىڭ ساقتىق ينفورماتسياسىنا نەگىزدەلگەندە، 6 – ايدىڭ 8 – كۇنى ساعات 11 دەن 59 مينۋت وتكەندە، شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىنا كوتەرگەن. مەجەگە قاراعاندا، 6 – ايدىڭ 8 – كۇنى تۇستەن كەيىنەن باستاپ 13 - كۇنى كۇندىزگە دەيىن وڭتۇستىك شينجياڭ ويپاتى، تۇرپان قالاسى، قۇمىل قالاسى قاتارلى ورىنداردىڭ ءبىر ءبولىم رايوندارىندا ەڭ جوعارى تەمپەراتۋرا 37 گرادۋستان اسادى، مۇنىڭ ىشىندە قاشقار ايماعىنىڭ شىعىس بولەگى، حوتان ايماعىنىڭ سولتۇستىك بولەگى، تۇرپان قالاسى، قۇمىل قالاسىنىڭ وڭتۇستىك بولەگى قاتارلى ورىنداردىڭ ءبىر ءبولىم رايوندارىندا 40 گرادۋستان اسادى. ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولىپ، تاۋلى وڭىردەگى ءىشىنارا جەرلەردە قار ەرۋ سيپاتتى تاسقىن اپاتىنان ساقتانۋدى كۇشەيتۋ كەرەك.

6 – ايدىڭ 8 - كۇنى ساعات 13 كە دەيىن، شينجياڭنىڭ اقسۋ ايماعى، تۇرپان قالاسى، قاشقار ايماعى، بايىنعولىن وبلىسى، حوتان ايماعى، سونداي ـ اق كوپتەگەن اۋدان، قالالاردىڭ اۋا رايى ستانسيالارى جيىنى 27 جوعارى تەمپەراتۋرادان ساقتانۋدىڭ ساقتىق سيگنالىن جاريالادى، مۇنىڭ ىشىندە 26 سى تۇگەلدەي قىزعىلت سارى ءتۇستى ساقتىق سيگنالى.

تۇرپان قالالىق اۋا رايى ستانسياسىنىڭ جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىنا قاراعاندا، مەجەمەن 6 – ايدىڭ 8 – كۇنىنەن 10 - كۇنىنە دەيىن ەدىقۇت رايونى، ءپشان اۋدانى، توقسۇن اۋدانىندا 40 سەلتسي گرادۋستان جوعارى جوعارى تەمپەراتۋرالى اۋا رايى جارىققا شىعادى؛

بايىنعولىن وبلىستىق اۋا رايى ستانسياسىنىڭ جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىنا قاراعاندا، مەجەمەن 6 – ايدىڭ 8 – كۇنى تۇستەن كەيىننەن باستاپ 6 – ايدىڭ 11 – كۇنىنە دەيىن كورلا، لوپنۇر، بۇگۇر، چارقىلىق، چەرچەندە 37 سەلتسي گرادۋستان اساتىن جوعارى تەمپەراتۋرالى اۋا رايى بولادى، لوپنۇردىڭ وڭتۇستىگى، چارقىلىق جانە چەرچەننىڭ ءىشىنارا جەرلەرىندە ەڭ جوعارى تەمپەراتۋرا 40 سەلتسي گرادۋسقا جەتەدى؛

قاشقار ايماقتىق اۋا رايى ستانسياسىنىڭ جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىنا نەگىزدەلگەندە، مەجەمەن 6 ـ ايدىڭ 8 ـ كۇنىنەن 6 ـ ايدىڭ 13 ـ كۇنىنە دەيىن قاشقار جازىعىنىڭ باسىم كوپ ساندى وڭىرلەرىندە 37 سەلتسي گرادۋستان اساتىن جوعارى تەمپەراتۋرا جارىققا شىعادى، مۇنىڭ ىشىندە 6 ـ ايدىڭ 12 ـ كۇنى مارالباسى، ماكىت، ءپايزاۋات، يوپۇرعا جانە قۇمدى ءشولدىڭ جيەگىندەگى وڭىرلەردىڭ ەڭ جوعارى تەمپەراتۋراسى 40 سەلتسي گرادۋس اينالاسىندا بولادى؛

حوتان ايماقتىق اۋا رايى ستانسياسىنىڭ جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىنا نەگىزدەلگەندە، مەجەمەن 6 – ايدىڭ 8 – كۇنىنەن 12 – كۇنىنە دەيىن حوتان جازىعىنىڭ جەر ـ جەرىندە 37 سەلتسي گرادۋستان اساتىن جوعارى تەمپەراتۋرالى اۋا رايى جارىققا شىعادى، سولتۇستىكتەگى قۇمدى وڭىرلەردە ەڭ جوعارى تەمپەراتۋرا 39 سەلتسي گرادۋستان اسادى.

كەلۋ قاينارى: حالىق تورابى