بۇگىننەن باستاپ سىناق رەتىندە اتقارىلادى، جۇڭگونىڭ ءبىر جاقتى ۆيزاسىز ”دوستار شەڭبەرىنە“ تاعى دا 4 ەل قوسىلدى

بۇگىننەن باستاپ جۇڭگو ساۋد ارابياسى، امان، كۆەيت، باحرەيننىڭ جاي پاسپورتى بارلارىنا ۆيزاسىز قاتىناۋ ساياساتىن سىناق رەتىندە اتقارادى، جۇڭگونىڭ ءبىر جاقتى ۆيزاسىز ”دوستار شەڭبەرىنە“ تاعى دا جاڭا مۇشە قوسىلدى.

2025 – جىلى 6 - ايدىڭ 9 – كۇنىنەن باستاپ 2026 – جىلى 6 - ايدىڭ 8 – كۇنىنە دەيىن جوعارىداعى ەلدەردىڭ جاي پاسپورتى بار ازاماتتارى جۇڭگوعا كەلىپ ساۋدامەن شۇعىلدانسا، ساياحاتتاسا، تۋىس – تۋعان، دوس – جاراندارىنا امانداسا بارسا، اۋىس – كۇيىس جاساپ، ساپاردا بولسا، شەكارادان كىرگەن ۋاقىتى 30 كۇننەن اسىپ كەتپەسە شەكارادان ۆيزاسىز كىرۋىنە بولادى.

ونىڭ ۇستىنە 2018 ـ جىلى جاپپاي ءوزارا ۆيزاسىز وتەتىن شىعاناق سەلبەستىك ۇيىمىنا مۇشە ەلدەر اراب بىرىككەن امىرلىگى مەن كاتاردى قوسقاندا، جۇڭگو شىعاناق سەلبەستىك ۇيىمىنا مۇشە ەلدەرگە ۆيزاسىز ساياساتىن جاپپاي قامتۋدى جۇزەگە اسىردى.