ءتۇيىندى قاۋىمنىڭ جۇمىستانۋىن قامتاماسىزداندىرۋ تورىن قالاي بەكەمدەۋ كەرەك؟ (ساياساتتىق سۇراۋ - جاۋاپ . جۇمىستانۋدى ورنىقتىرۋدا قانداي ساياساتتار بار)

بيىل ەلىمىزدە جوعارى مەكتەپ بىتىرگەن وقۋشىلاردىڭ كولەمى تىڭ ورەگە كوتەرىلدى، كەدەيلىكتەن ارىلعانداردىڭ جۇمىس ىستەۋ كولەمى 30 ميلليوننان اسادى، جۇمىستانۋ جالپى مولشەرىنىڭ قىسىمى ازايمايدى، قۇرىلىمدىق قايشىلىق كورنەكتى بولادى. ءتۇيىندى قاۋىمنىڭ جۇمىستانۋىن قامتاماسىزداندىرۋ تورىن قالاي بەكەمدەۋ كەرەك؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى تارماق مەكەمەسىنىڭ جاۋاپتىسى قاتىستى ساياساتتىق شارالار مەن ىلگەرىلەۋ جاعدايىن تانىستىردى.

جوعارى مەكتەپ بىتىرگەن وقۋشىلار سياقتى جاستار قاۋىمىنىڭ جۇمىستانۋى − ەڭ ماڭىزدى ءتۇيىن. بيىل ادام كۇشى بايلىعى جانە قوعامدىق قامتاماسىزداندىرۋ مينيسترلىگى سياقتى تاراۋلار الدىن الا ورنالاستىرۋ جاساپ، بۇكىل ەلدەگى قالالاردا جوعارى مەكتەپ بىتىرگەن وقۋشىلاردى بىرلەسىپ قابىلداۋ ارناۋلى قيمىلى، مەملەكەت جاعىنان ۇسىنىس ەتۋ ارەكەتى، 100 كۇندە 10 ميلليون قىزمەتكەر قابىلداۋ ارناۋلى ارەكەتى سياقتى قيمىلداردى اتقارىپ، 10 ميلليوننان استام قىزمەت ورنىن جاريالادى. جۇمىسقا ورنالاسپاعان وقۋشىلارعا قاراتا كەمىندە ءبىر رەت ساياسات ۇگىتتەۋ، تانىستىرۋ، ءبىر رەت كاسىپتىك جەتەكشىلىك ەتۋ، 3 رەت قىزمەت ورنىن كورسەتۋ جانە ءبىر رەت تاربيەلەۋ نەمەسە پراكتيكا جاساۋ ورايىن بەرۋ قىزمەت وتەۋىمەن قامدادى؛ الەۋمەتتىك تاراۋلاردىڭ جۇمىس ورنى كولەمىن كۇش سالا ورنىقتىرىپ، قاتىستى جاقتارمەن بىرگە ”ۇشكە كومەكتەسۋ، ءبىردى سۇيەمەلدەۋ“، ”باتىس بولىك جوسپارى“، ”ەرەكشە جۇمىس ورنى جوسپارى“ بويىنشا جوعارى مەكتەپ بىتىرگەن وقۋشىلار سياقتى جاستاردى قابىلداۋدى ىلگەرىلەتىپ، عىلمي زەرتتەۋ كومەكشىلەرى جۇمىس ورنىن اشىپ، ءبىر ميلليون جۇمىستانۋ پراكتيكاسى جۇمىس ورنىن جيناۋ جوسپارىن اتقارىپ، جۇمىس ىزدەۋ قابىلەتى پراكتيكا لاگەرىن ۇيىمداستىرىپ، جاستاردىڭ جۇمىستانۋ قابىلەتىن جوعارىلاتتى.

نازاردى اۋىل - قىستاق ەڭبەككۇشتەرىنە شوعىرلاندىرىپ، بيىل 1 - ايدان باستاپ، جەر - جەردە كوكتەم سامالى قيمىلى، كوكتەم مەزگىلىندە شارۋا جۇمىسكەرلەرگە مەيىر باعىشتاۋ سياقتى قيمىلداردى ۇزدىكسىز ورىستەتىپ، 3 - ايدىڭ ورتا شەنىنە دەيىن جيىنى 56 مىڭ مايدان قىزمەتكەر قابىلداۋ قيمىلىن وتكىزدى. وسىدان كەيىن شىعىس، باتىس بولىكتەردىڭ ەڭبەك سەلبەستىگىن تەرەڭدەتىپ، اناعۇرلىم كوپ وڭىرلىك ەڭبەك سەلبەستىك وداعىن قۇرىپ، قالا ەڭبەك سەلبەستىك شەڭبەرىن كەڭەيتىپ، ادام مەن قىزمەت ورنىنىڭ سايكەسۋىن كۇشەيتىپ، ەڭبەك ماركاسىنىڭ التىن تانىسقىسىن جارقىراتتى. سونىمەن بىرگە، قايتا كەدەيلەسۋدەن ساقتانۋ، جۇمىستانۋدان قامال الۋ ارەكەتىن ىشكەرىلەي اتقارىپ، كەدەيلىكتەن ارىلعانداردىڭ جۇمىس ىستەۋ كولەمى مەن كىرىس دەڭگەيىن بار كۇشپەن ورنىقتىردى.

جۇمىسسىزداردى شوعىرلى سۇيەمەلدەۋ قيمىلىن ورىستەتىپ، جۇمىستانۋ ساياساتى، تاربيەلەۋ نىسانى، بازار قىزمەت ورنى سياقتى جاقتاردان قولداۋ كورسەتتى. بۇدان سىرت، قاتىستى تاراۋلارمەن بىرگە جۇمىستانۋعا كومەكتەسۋدى ويداعىداي ىستەپ، باجىدا جەڭىلدىك بەرۋ، كەشىرىم ەتۋ، قوعامدىق قامسىزداندىرۋ قوسىمشا قاراجاتى، كاسىپتىك كۋرستان وتكىزۋ قوسىمشا قاراجاتى سياقتى ”ەكىدە جەڭىلدىك بەرۋ، ءۇش قوسىمشا قاراجات“ ساياساتىن تياناقتاندىرىپ، قاداعالاي قىزمەت وتەۋدى، باسقارۋدى ويداعىداي ىستەدى.

كاسىپورىندارعا تيىمدىلىك جاساۋ ساياساتى جاعىنان قولداۋدى كۇشەيتتى. مەملەكەت بويىنشا حالىق باسقارۋىنداعى كاسىپورىندارعا قىزمەت وتەۋ ايى قيمىلىن ورىستەتىپ، جۇمىسسىزدىق قامسىزداندىرۋى بويىنشا جۇمىس ورنىن ورنىقتىرىپ قايتارۋ، جۇمىسسىزداردى، جۇمىس ۇستىندە جارالانعانداردى قامسىزداندىرۋ اقى مولشەرىن كەزەڭدىك تومەندەتۋ ساياساتىن ۇزدىكسىز اتقارىپ، شارتقا ۇيلەسەتىن قوعامدىق ۇيىمداردى ءبىر جولدا جۇمىس ورنىن كەڭەيتۋ كومەك قاراجاتى ساياساتىنىڭ قولداۋ كولەمىنە ەنگىزدى، 1 - توقساندا جۇمىسسىزدىق قامسىزداندىرۋى اقى مولشەرىن كەزەڭدىك تومەندەتىپ، كاسىپورىنداردىڭ وزىندىك قۇنىن 45 ميلليارد 600 ميلليون يۋان ازايتتى، 588 مىڭ كاسىپورىنعا جۇمىس ورنىن ورنىقتىرىپ، جۇمىس ورنىن كەڭەيتۋ قارجىسىنان 3 ميلليارد 520 ميلليون يۋان تاراتتى. مەملەكەت مەنشىگىندەگى كاسىپورىندارعا قاراتىلعان ءبىر جولدا ادام سانىن ارتتىرۋ، قارجىنى ارتتىرۋ ساياساتىن اتقارۋ مەرزىم شەگى ۇزارتىلدى. جۇمىس ورنىن ورنىقتىرىپ، جۇمىس ورنىن كەڭەيتۋ ارناۋلى قارىز اقشاسى بەلگىلەنىپ، كاسىپورىنداردىڭ جۇمىس ورنىن ورنىقتىرىپ، جۇمىس ورنىن كەڭەيتۋ تەبىنى ارتتىرىلىپ، شاعىن، ۇساق كاسىپورىنداردىڭ ەڭ جوعارى سەنىمدىلىك مولشەرى 50 ميلليون يۋانعا جوعارىلاتىلدى. بيىل 1 - توقساننىڭ سوڭىنا دەيىن تاراتىلعان قارىز اقشا 800 ميلليارد يۋاننان استى.

تەحنيكالىق قابىلەتتى جوعارىلاتۋعا قولداۋ كورسەتىلدى. بيىل جىل باسىنان باستاپ ”شەبەرلىك ارقىلى بولاشاقتى نۇرلاندىرۋ“ باۋلۋ ارەكەتى اتقارىلىپ، نازار شارۋا جۇمىسكەرلەر، مەكتەپتەن قول ءۇزىپ جۇمىستانباعان جوعارى مەكتەپ بىتىرگەن وقۋشىلار، جۇمىسسىزدار، جۇمىستانۋى قيىن ادامدار سياقتى قاۋىمعا شوعىرلاندىرىلىپ، كاسىپتىك شەبەرلىككە باۋلۋ ورىستەتىلىپ، وزىق جاساۋ، وسى زامانعى قىزمەت وتەۋ، جاڭا كاسىپ سياقتى سالالاردا ەڭبەكشىلەردىڭ اناعۇرلىم ويداعىداي جۇمىستانۋىنا كومەك بەرىلدى.

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى تارماق مەكەمەسىنىڭ جاۋاپتىسى مىنانى ءبىلدىردى: جۇمىستانۋدى الدىمەن ويلاستىرۋ بەتالىسىن اناعۇرلىم كورنەكتىلەندىرىپ، تۇراقسىزدىققا توتەپ بەرۋ دايىندىعىن ويداعىداي ىستەپ، ىركىندى ساياساتتى جاپپاي تياناقتاندىرىپ، ارتۋ ساياساتىن دەر كەزىندە العا قويىپ، جۇمىستانۋعا الەۋمەتتىك قىزمەت وتەۋ جۇيەسىن جەدەل كەمەلدەندىرىپ، جۇمىستانۋدى ورنىقتىرۋ نىسانالىق مىندەتىن بار كۇشپەن ورىندايمىز.

كەلۋ قاينارى: حالىق تورابى