”جارىققا ءزارۋ بولعان“ 12 جاستاعى شينجياڭدىق قىز كوزىن ەمدەتۋ ءۇشىن 4000 كيلومەتر جول باسىپ، كوزى جارىق دۇنيەنى قايتا كوردى

جۋىردا شينجياڭ قاشقار ايماعىنان اكەسىمەن بىرگە جولعا شىققان قىز 4000 كيلومەتر جول باسىپ، جياڭسۋ ولكەسىنىڭ سۋجوۋ قالاسىنا جەتىپ، ءومىرىن وزگەرتەتىن ”جارىققا تالپىنۋ“ ساپارىنا قادام تاستادى.

12 جاستاعى مۇيەسەرگە بەس جىلدىڭ الدىندا كوز ءمۇيىز قابىعىندا كىلتيپان بار، ەكى كوزىنىڭ كورۋ قۋاتى بارىنشا ناشار دەگەن دياگنوز قويىلعان. قىزىنىڭ كوزىن ەمدەتۋ ءۇشىن، اكەسى تۇرسىنمۇحامەت ءۇرىمجى، گۋاڭجوۋ قاتارلى جەرلەرگە قىزىن اپارىپ ەمدەتكەن، الايدا، سايكەس كەلەتىن كوز ءمۇيىز قابىعى تابىلماي كەلگەن.

شينجياڭ ۇيعۇر اۆتونوميالى رايوندىق مۇگەدەكتەر بىرلەستىگى بالانىڭ جاعدايىن بىلگەن سوڭ، بايلانىس جاساۋعا كومەكتەسكەن، بيىل 5 – ايدا سۋجوۋداعى ءمالىم كوز اۋرۋلارى ەمحاناسىنان مۇيەسەرگە ءدال كەلەتىن كوز ءمۇيىز قابىعى تابىلعان، اكەسى دەرەۋ قىزىن الىپ سۋجوۋعا بارعان، وپەراتسيا الدىندا تەكسەرۋ جانە ساراپتاۋ ارقىلى ەمحانانىڭ ماماندار ۇجىمى ەگجەي – تەگجەيلى وپەراتسيا جوباسىن ازىرلەگەن.

سۋجوۋ داشۋەسى ليشياڭ كوز اۋرۋلارى ەمحاناسى كوز ءمۇيىز قابىعى اۋرۋلارى ءبولىمىنىڭ مەڭگەرۋشىسى جاۋ چيڭلياڭ بىلاي دەدى: ءبىز قازىر تاقتا قاباتتى ءمۇيىز قابىقتى جوتكەپ، ونىڭ اۋرۋ سەبەبىنەن وزگەرگەن ءمۇيىز قابىعىن الىپ تاستاپ، اقاۋسىز ءمۇيىز قابىقتى اۋىستىرامىز، وسى ارقىلى ونىڭ كورۋ قۋاتىن قالپىنا كەلتىرەمىز، الايدا، بالانىڭ اۋىرعان ۋاقىتى ءبىرشاما ۇزاق بولعاندىقتان، كورۋ تۇيسىگىنىڭ جەتىلۋى ىقپالعا ۇشىراعان، انىق كورە الماۋ جاعدايى تۋىلادى، كەيىنگى باسقىشتاردا انىق كورە الماۋدان ارىلۋ ءۇشىن بەلگىلى دەڭگەيدە جاتتىعۋ جاساۋى جانە ەمدەلۋى، كوز اينەك تاعۋ ارقىلى كورۋ قۋاتىن رەتتەۋى قاجەت بولۋى مۇمكىن.

ناۋقاس مۇيەسەر: كوزىمنىڭ تەزىرەك جاقسى بولىپ كەتۋىن ءۇمىت ەتەمىن، بولاشاقتا شيپاگەر بولعىم كەلەدى، ويتكەنى، سولاي ىستەسەم مەن دە كوپتەگەن ادامدارعا كومەكتەسە الامىن، — دەيدى.

ءتۇرلى جاقتاردىڭ كومەكتەسۋىندە، مۇيەسەردىڭ كوز ءمۇيىز قابىعىن اۋىستىرۋ وپەراتسياسى ءساتتى بولدى. قازىر وپەراتسيادان كەيىنگى جاعدايلاردىڭ بارلىعى ءساتتى ورىندالدى. جۋىق ارادا ول مەكتەپ اۋلاسىنا قايتادان قادام تاستاپ، جاڭا تۇرمىسىن باستايدى.

كەلۋ قاينارى: حالىق تورابى