جۇڭگونىڭ ءبىر جاقتى ۆيزاسىز ”دوستار شەڭبەرى“ 47 ەلگە كوبەيدى

6 – ايدىڭ 9 – كۇنىنەن باستاپ جۇڭگو ساۋد ارابياسى، امان، كۆەيت، باحرەيننىڭ ادەتتەگى پاسپورتى بارلارىنا ۆيزاسىز قاتىناۋ ساياساتىن سىناق رەتىندە اتقاردى. سونىمەن ءبىر جاقتى ۆيزاسىز كىرۋ ساياساتىمەن جۇڭگوعا كەلۋگە بولاتىن ەلدەردىڭ سانى 47 گە كوبەيدى.

2025 – جىلى 6 – ايدىڭ 9 – كۇنىنەن باستاپ 2026 – جىلى 6 – ايدىڭ 8 – كۇنىنە دەيىن ساۋد ارابياسى، امان، كۆەيت، باحرەيىننىڭ ادەتتەگى پاسپورتى بار ازاماتتارى جۇڭگوعا كەلىپ ساۋدامەن شۇعىلدانسا، ساياحاتتاسا، تۋىس – تۋعان، دوس – جاراندارىنا امانداسا كەلسە، اۋىس – كۇيىس جاساپ، ساپاردا بولسا، شەكارادان كىرگەن ۋاقىتى 30 كۇننەن اسىپ كەتپەسە، ۆيزا اشتىرماي شەكارادان كىرۋىنە بولادى. 2018 – جىلى جاپپاي ءوزارا ۆيزاسىز وتەتىن شىعاناق سەلبەستىك ۇيىمىنا مۇشە ەلدەر اراب بىرىككەن امىرلىگى مەن كاتاردى قوسقاندا، جۇڭگو شىعاناق سەلبەستىك ۇيىمىنا مۇشە ەلدەرگە ۆيزاسىز بولۋدى ”جاپپاي قامتۋدى“ جۇزەگە اسىردى.

سىرتقى ىستەر مينيسترلىگىنىڭ مالىمدەمەشىسى وسىدان بۇرىن بىلاي دەگەن بولاتىن: ۆيزاسىزدار ”تىزىمدىگىنىڭ“ ۇزدىكسىز ۇزارۋى — جۇڭگونىڭ جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋدەگى بەرىك بەكىمىن ايگىلەدى. جۇڭگو شەكارادان كىرۋ ساياساتىن ۇزدىكسىز ساپالىلاندىرىپ، ۆيزاسىز مەملەكەت كولەمىن ۇزدىكسىز كەڭەيتىپ، ءتىپتى دە كوپ شەتەلدىك دوستاردىڭ جۇڭگوعا كەلىپ اناعۇرلىم ساپالى ونىمدەرمەن قامدالۋىن، ءتىپتى دە كوپ نەگىزدى تۇتىنۋ جاعدايىمەن جانە ءتىپتى دە قولايلى قىزمەت وتەۋمەن قامتاماسىز ەتىپ، اناعۇرلىم كەڭ كولەمدە ەسىك اشۋ، ءتىپتى دە تەرەڭ قاتپارلى سەلبەستىك ارقىلى ءار ەلمەن گۇلدەنۋدەن بىرگە يگىلىكتەنۋگە مۇمكىندىك جاسايدى.

كەلۋ قاينارى: حالىق تورابى