بازاردى باقىلاۋ – باسقارۋ باس مەڭگەرمەسى: ”ارىقتاتۋ“ رولى بار دەپ ۇگىتتەلگەن ازىق – تۇلىكتەرگە ازىقتىققا جاتپايتىن زاتتاردى قوسۋ سىندى زاڭعا قايشى ارەكەتتەرگە سوققى بەرەدى 

ءتىلشىنىڭ 6 – ايدىڭ 10 – كۇنى ۇعىسۋىنشا، جۋىرداعى جىلداردان بەرى، ”ارىقتاتۋ“ رولى بار دەپ ۇگىتتەلگەن ازىق – تۇلىكتەرگە ازىقتىققا جاتپايتىن زاتتاردى زاڭسىز قوسۋعا ساياتىن دەلولار كۇرت ارتىپ، بۇقارانىڭ دەنساۋلىعىنا زيان جەتكىزگەن، ءسوزسىز، قاتاڭ سوققى بەرۋ قاجەت. 6 – ايدىڭ 10 – كۇنى بازاردى باقىلاۋ – باسقارۋ باس مەڭگەرمەسىنىڭ تورابى «بازاردى باقىلاۋ – باسقارۋ باس مەڭگەرمەسى كەڭسە مەڭگەرمەسىنىڭ ازىق – تۇلىككە بيساكوديل جانە ودان تۋىنداعان جەلىلەس زاتتاردى زاڭسىز قوسۋ سىندى زاڭعا قايشى ارەكەتتەرگە سوققى بەرۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) جاريالاعان.

ۇقتىرۋدا ايتىلۋىنشا، جۋىردا بازاردى باقىلاۋ – باسقارۋ باس مەڭگەرمەسى حۋبەي ولكەلىك بازاردى باقىلاۋ – باسقارۋ تاراۋلارىن ”ارىقتاتۋ“ رولى بار دەپ ۇگىتتەلگەن ازىق – تۇلىكتەرگە ازىقتىققا جاتپايتىن زاتتاردى زاڭسىز قوسۋ سىندى جەلىلەس دەلولاردى تەكسەرىپ ءبىر جاقتى ەتۋگە ۇيىمداستىرىپ، قىلمىس كۇماندىلارىنىڭ ازىق – تۇلىككە بيساكوديلدىڭ جاڭا تيپتى تۋىندى زاتتارىن زاڭسىز قوسقانىن بايقاعان، دەلونى ءبىر جاقتى ەتۋ قىزمەتىنىڭ قاجەتىنە ساي، بازاردى باقىلاۋ – باسقارۋ باس مەڭگەرمەسى زاڭ اتقارۋ جانە تەكسەرۋ ادىستەرىن تۇراقتاندىرىپ، مامانداردى ۇيىمداستىرىپ، ۋلى، زالالدى زاتتاردى تۇراقتاندىرۋ جونىندە پىكىردى ورتاعا قويعان.

كەلۋ قاينارى: حالىق تورابى