مىناداي كەلتە حاتتار جالعان! استە، سەنبەڭىز 

كوپتەگەن جەرلەردە جوعارى مەكتەپ ەمتيحانى اياقتالماي جاتىپ، الدامكوستەر وقۋشىلار مەن ولاردىڭ اتا – انالارىن نىساناعا الدى. جۋىردا مىناداي جاڭا تيپتى الدامكوستىك جارىققا شىقتى.

جۋىردا كوپ جەرلەردە جوعارى مەكتەپ ەمتيحانىنا قاتىناسقان وقۋشىلار اتالمىش ”وقۋ – اعارتۋ جانە ەمتيحان مەكەمەسىنەن“ كەلگەن كەلتە حاتتى تاپسىرىپ العان، بۇل حاتتا ولاردىڭ ەمتيحاندا قارالىق ىستەگەنىن AI ەمتيحان باقىلاۋشى بايقاپ قالعاندىقتان، ولاردىڭ ناتيجەسىنىڭ ءنول بولىپ ەسەپتەلگەنى ايتىلعان.

كوپ جەردە ۇكىمەت ورىندارى مىنانى ەسكەرتكەن: وقۋ – اعارتۋدى باسقارۋ تاراۋلارى مەن وقۋشى قابىلداۋ قۇرىلىمدارى وقۋشىلارعا، استە، وسى تەكتەس ينفورماتسيا جولدامايدى، ەمتيحان بەرگەن وقۋشىلار مەن وقۋشىلاردىڭ اتا – انالارى جەكەلىك ينفورماتسيانى ويداعىداي ساقتاۋعا كوڭىل ءبولۋى، الدانىپ قالۋدان ساقتانۋى قاجەت.

قاراڭىز، بۇل كەلتە حاتتاردىڭ مازمۇنى مىناداي:

قاتىستى الدامكوستىك مازمۇنىنداعى كەلتە حاتتار

جوعارىداعى كەلتە حاتتاردىڭ مازمۇنى ءبىر – بىرىمەن ۇقساپ كەتەدى، نەگىزىنەن: ”ساباقتاس، سالەمەتسىڭ بە! AI ەمتيحان باقىلاۋشى 2025 – جىلى 6 – ايدىڭ x كۇنى xx ەمتيحانىندا جانىڭداعى وقۋشىنىڭ جاۋاپ كارتۋچكاسىنا كوز قيىعىمەن ۇرلانىپ قاراعانىڭدى بايقاعاندىقتان، ناتيجەڭ ءنول بولىپ ەسەپتەلدى، ەندىگى ەمتيحاندارعا مۇقيات دايىندال، ەگەر كۇمانىڭ بولسا تەلەفون سوعۋىڭا بولادى“ دەگەن مازمۇندا بولادى.

الدا – جالدا كەلتە حاتتا ايتىلعان نومىرگە تەلەفون جالعاپ كەڭەس سۇراماقشى بولساڭىز، الدامكوستەردىڭ شىرعالاۋىنا ۇشىرايسىز، ولار ءتۇرلى سەبەپتەردى العا تارتىپ، ءسىزدى الداپ، ەڭ سوڭىندا اقشاڭىزدى الداپ اكەتۋى مۇمكىن.

وسىنداي ”جاۋابى دايىن سۇراۋدى“، استە، قاتە ىستەپ قويماڭىز!

كەلۋ قاينارى: حالىق تورابى