ۇكىمەت جاق ەسكەرتتى: مىنالاردىڭ بارلىعى قارتتاردىڭ كۇتىمدەلۋىن جەلەۋ ەتكەن الدامكوستىك 

قازىرگە دەيىن، شاڭحاي قالالىق بازاردى باقىلاۋ – باسقارۋ تاراۋلارى قارتتارعا ارنالعان قۋاتتىق ازىق – تۇلىكتەردى تۇتىنۋ سالاسىنداعى زاڭعا قايشى ءبىرتالاي دەلولاردى انىقتاعان، بۇل دەلولار جالعان ۇگىت جاساۋ نەمەسە جالعان جارناما جاساۋ قاتارلىلارعا سايادى. زاڭعا قايشى ارەكەتتەر، باستىسى، ۋيشين شوعىرى، تىكە تاراتىلىم قاتارلىلار ارقىلى ونىمدەردى ۇگىتتەۋ بارىسىندا ءونىمنىڭ رولىن نەگىزسىز ۇگىتتەۋ نەمەسە جاي ازىق – تۇلىكتەردى، قۋاتتىق ازىق – تۇلىكتەردى اۋرۋدى ەمدەيتىن رولى بار نەمەسە ەمدىك ونىمدىلىگى بار دەپ ۇگىتتەۋ، ياكي، جارنامادا ”ەڭ“ دەگەن سياقتى اسىرەلەپ سالىستىرعان سوزدەردى قولدانۋ قاتارلىلاردى قامتيدى.

تۇرعىنداردىڭ، وتە – موتە قارتتاردىڭ ۇقىق – مۇددەسىن قورعاۋ ءۇشىن، حاۋىپ – قاتەر تۋرالى مىناداي ەسكەرتپەنى جانە ساقتانۋ باعدارلاماسىن جاريالايمىز:

1. ”تەگىن بەرۋ دەگەن شىرعادان“ جانە تۇيىقتامالى الەۋمەتتىك شوعىردان ساق بولىڭىز. جول شەتىندەگى ەكى ولشەمدى كودتى جايمالاعاندارعا جۇمىرتقا قاتارلى تارتۋ ۇسىنۋ، ساباق تىڭداۋ بارىسىندا حۇڭباۋ تاراتۋ قاتارلى ارەكەتتەرگە سەنە كەتپەي، قۇپيا سيفرمەن عانا كىرۋگە بولاتىن زاڭعا قايشى زات ساتاتىن تىكە تاراتىلىم ارنالارى مەن ۋيشين شوعىرلارىنا كىرۋدەن بارىنشا ساقتانعانىڭىز ابزال.

2. ءونىمنىڭ تولىمدىلىعى مەن ۇگىتتىڭ شىن – جالعاندىعىنا كوز جەتكىزىڭىز. قۋاتتىق ازىق – تۇلىكتەرگە سالىناتىن ”كوك باس كيىمنىڭ“ بەلگىسى مەن بەكىتۋ ءنومىرىن ءدال تاني ءبىلىڭىز. جاي ازىق – تۇلىكتەردى اۋرۋعا ەم بولاتىن رولى بار دەپ ۇگىتتەۋگە بولمايدى. ەگەر ەمدىك رولى بار دەگەن سياقتى سوزدەردى قولدانعان بولسا، تىكە تاراتىلىم بارىسىندا قيىپ العان سۋرەت، اقشا تولەگەن تالون، سويلەسۋ ەستەلىگى قاتارلى ىسپاتتاردى ويداعىداي ساقتاپ، دەر كەزىندە 12315 نومىرىنە تەلەفون سوعىڭىز نەمەسە مەملەكەتتىك 12315 تەكشەسى (APP \ ۋيشين شاعىن پروگرامماسى) ارقىلى شاعىمدانىڭىز نەمەسە اشكەرەلەڭىز.

3. قارتتاردىڭ پەرزەنتتەرى مەن تۋىس – تۋعاندارى ولارعا قامقورلىق جاساۋمەن بىرگە، الدامكوستىكتەن ساقتانۋ تۋرالى عىلىمي كەڭەس بەرىپ وتىرۋى، ”دەنساۋلىق تۋرالى لەكسيا“، ”ەرەكشە شيپالى حيكىمەت ءدارى“ قاتارلىلارعا بىردەن سەنە كەتپەۋدى ەسكەرتۋى قاجەت.

كەلۋ قاينارى: حالىق تورابى