ءادىليا مينيسترلىگى جاڭادان وزگەرىس ەنگىزىلگەن «زاڭدىق كومەك بەرۋگە قاتىستى شاعىم ايتۋدى ءبىر جاقتى ەتۋ ءادىسىن» جاريالادى 

حالىق گازەتىنىڭ ءتىلشىسى جاڭ سۇڭ 6 – ايدىڭ 11 – كۇنى بەيجيڭنەن حابارلايدى. جۋىردا ءادىليا مينيسترلىگى جاڭادان وزگەرىس ەنگىزىلگەن «زاڭدىق كومەك بەرۋگە قاتىستى شاعىم ايتۋدى ءبىر جاقتى ەتۋ ءادىسىن» جاريالادى، 2025 – جىلى 6 – ايدىڭ 15 – كۇنىنەن باستاپ اتقارىلادى.

جۇرتشىلىقتىڭ شاعىم ايتۋىنا قولايلىلىق جاراتۋ ءۇشىن، ادىستە ءادىليا – اكىمشىلىك ورگاندارىنان قوعامداعىلارعا زاڭدىق كومەككە قاتىستى شاعىمدانۋ ءادىرىسى، تەلەفون ءنومىرى، فاكس ءنومىرى، ەلەكتروندىق حات ساندىق قاتارلى ينفورماتسيالاردى جاريالاۋدى، قابىلداۋعا ارناۋلى ادام ورنالاستىرۋدى ءارى قارتتاردىڭ، مۇگەدەكتەردىڭ شاعىمدانۋىنا كەدەرگىسىز قىزمەت وتەۋدى، جۇرتشىلىقتىڭ جازباشا، اۋىزشا نەمەسە باسقا دا ۇيلەسىمدى تارتىپتەرمەن شاعىمدانۋىنا قولايلىلىق جاراتۋدى تالاپ ەتكەن.

سونىمەن بىرگە، وسى رەت وزگەرىس ەنگىزۋ بارىسىندا جەتەكشىلىك ەتۋ مەن باقىلاۋ كۇشەيتىلگەن. ادىستە شاعىمدانۋ كولەمى كەڭەيتىلىپ، زاڭدىق كومەك الۋعا ءوتىنىش بەرۋشى، كومەككە يە بولۋشى نەمەسە مۇددەلىك بايلانىسى بار ادام زاڭدىق كومەك بەرۋشى قۇرىلىمنىڭ نەمەسە قىزمەتكەردىڭ مال – مۇلىك الۋى، ولشەمگە ۇيلەسەتىن زاڭدىق كومەك بەرە الماۋى نەمەسە زاڭدىق كومەككە قاتىستى ىستەردى زاڭ بويىنشا بىتىرمەۋى قاتارلى جەتى ءتۇرلى جاعدايدى بايقاسا، وسىنداي جاعدايلاردىڭ بارلىعىندا شاعىمدانۋىنا بولادى. زاڭدىق كومەك بەرۋگە قاتىستى شاعىمدانۋدى ءبىر جاقتى ەتۋدە تۇتاس بارىس بويىنشا باقىلاۋ – باسقارۋ اتقارىلىپ، قىزمەتتىك ۇقىعىنان الباتى پايدالانۋ، قىزمەتىنە نەمقۇرايدى قاراۋ نەمەسە باسقا دا زاڭعا قايشى ارەكەتتەر بايقالسا، زاڭ بويىنشا قاتىستى زاڭدىق جاۋاپكەرشىلىگى قۋزاستىرىلادى.

كەلۋ قاينارى: حالىق تورابى