2025.06.12 14:40 كەلۋ قاينارى : حالىق تورابى
شينحۋا اگەنتتىگىنىڭ 6 ـ ايدىڭ 11 ـ كۇنى بەيجيڭنەن بەرگەن حابارى. ءتىلشىنىڭ 6 – ايدىڭ 11 – كۇنى ەڭ جوعارى حالىق پروكۋراتۋراسىنان ۇعىسۋىنشا، 13 ـ كەزەكتى مەملەكەتتىك حالىق قۇرىلتايى حۋاچياۋلار كوميتەتىنىڭ ورىنباسار مەڭگەرۋشى مۇشەسى لو باۋميڭنىڭ پارا الۋ كۇمانى تاعىلعان دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ زاڭ بويىنشا كورسەتۋىمەن، شاڭحاي قالالىق حالىق پروكۋراتۋراسىنىڭ 1 ـ بولىمشە پروكۋراتۋراسى تەكسەرىپ ايىپتاعان. تاياۋدا شاڭحاي قالالىق حالىق پروكۋراتۋراسىنىڭ 1 - بولىمشە پروكۋراتۋراسى شاڭحاي قالالىق 1 - ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر لو باۋميڭنىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر لو باۋميڭ تيانجين قالالىق ساۋدا كوميتەتىنىڭ مەڭگەرۋشىسى، حاينان ولكەلىك پارتكومنىڭ ورىنباسار شۋجيى، حاينان ولكەلىك پارتكومنىڭ شۋجيى، مەملەكەتتىك 12 - كەزەكتى حالىق قۇرىلتايى حۋاچياۋلار كوميتەتىنىڭ ورىنباسار مەڭگەرۋشى مۇشەسى قاتارلى قىزمەت قولايلىلىعىنان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە كوپ، پارا الۋ قىلمىسىمەن زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى