ورتا شىعىس جاعدايى ۇزدىكسىز شيەلەنىستى، حالىقارالىق التىن باعاسى، مۇناي باعاسى جوعارىلادى 

جۇڭگو اقپارات تورابىنىڭ 6 – ايدىڭ 16 - كۇنى بەيجيڭنەن بەرگەن حابارى. پىڭبو اگەنتتىگىنىڭ حابارىنا قاراعاندا، يزرايل تاياۋدا يراننىڭ ەنەرگيا قۇرىلعىلارىنا شابۋىل جاساپ، ورتا شىعىستىڭ ەنەرگيامەن قامداۋ حاۋىپ – قاتەرىن ۋشىقتىرعان، حالىقارالىق مۇناي باعاسى دا جوعارىلاعان. 6 – ايدىڭ 16 – كۇنى، برەنت وڭدەلمەگەن مۇنايى % 5.5 كە جەتىپ، ءار شەلەگى 78.32 دوللارعا جەتكەن. بۇدان سىرت، سول كۇنى ازيانىڭ تاڭەرتەڭگى ساۋداسىندا ناق زات التىنى ءبىر مەزەتتە %0.6 كە جۋىق جوعارىلاپ، ءار ۋنتسيا 3450 ا ق ش دوللارى اينالاسىندا بولعان.

بۇدان سىرت، سينگاپۋر «بىرلەسكەن تاڭعى گازەتىنىڭ» حابارىنا قاراعاندا، يزرايل مەن يران اراسىنداعى قاقتىعىس ۇزدىكسىز اسقىنىپ، قارجى قوسۋشىلار ورتا شىعىس جاعدايىنىڭ اۋىر بولۋى ەنەرگيا تاسىمالىنىڭ كۇرە تامىرى حورموز بۇعازىنا ىقپال جاساپ، ەنەرگيامەن قامداۋعا اۋىر كەدەرگىلىك جاساي ما دەگەنگە ەرەكشە نازار اۋدارىپ وتىر، ءتىپتى كەيبىر تالداۋلار برەنت وڭدەلمەگەن مۇنايىنىڭ ءار شەلەگىنىڭ باعاسى 100 دوللاردان اسۋ مۇمكىن دەگەندى اتاپ كورسەتتى.

«بىرلەسكەن تاڭعى گازەت» تالداۋ جاساپ بىلاي دەپ اتاپ كورسەتتى: قازىر بازار حاۋىپ - قاتەرىنىڭ كوڭىل كۇيى ءالسىز، جاعدايدىڭ دارەجەسىن جوعارىلاتۋى مۇمكىن بولعان ءارقانداي وقيعادان الاڭدايدى. 2022 - جىلى ۋكراينا داعدارىسى تۋىلعان العاشقى كەزدە، برەنت وڭدەلمەگەن مۇنايىنىڭ باعاسى 139 ا ق ش دوللارىندىق ەڭ جوعارى شەككە جەتكەن.

مورگان داتۇڭ ساراپشىلاردى دا ورتا شىعىس جاعدايىنىڭ ناشارلاۋى وسى وڭىردەگى نەگىزگى مۇناي وندىرەتىن ەلدەردىڭ قارىمجى قايتارۋ سيپاتتى اڭىسىن تۋدىرۋى مۇمكىن، بۇل ەلدەردىڭ مۇناي ءونىم مولشەرى بۇكىل جەر شارىنىڭ ۇشتەن ءبىرىن ۇستايدى، ”وسىنداي اۋىر جاعدايدا، مۇناي باعاسى 120 دوللاردان 130 دوللارعا دەيىن ورلەۋى مۇمكىن“ دەپ ەسكەرتتى.

جەرگىلىكتى ۋاقىت 6 – ايدىڭ 13 - كۇنى تاڭ سارىدەن بەرى يزرايل يراننىڭ كوپ جەرىنە كەڭ كولەمدى اۋە شابۋىلىن جاساپ، يراننىڭ يادرو قۇرىلعىلارى مەن اسكەري نىسانالارىنا سوققى بەرىپ، قىرۋار ادام قازا بولدى جانە جارالاندى. ءوش الۋ ماقساتىندا يران يزرايل شەكاراسىنىڭ ىشىندەگى تۇرلىشە نىسانالارعا كوپ كەزەكتى باسقارىلمالى بومبى مەن ۇشقىشسىز ۇشاق شابۋىلىن جاسادى.

كەلۋ قاينارى: حالىق تورابى