جۇڭگو شەكارادان وتۋشىلەردەن 240 ساعات ىشىندە ۆيزا تالاپ ەتپەۋ ساياساتىن اتقارعان مەملەكەت سانى 55 مەملەكەتكە جەتتى 

مەملەكەتتىك كوشى قوندى باسقارۋ مەڭگەرمەسىنىڭ 6 – ايدىڭ 12 – كۇنى جاريالاعان حابارلاندىرۋىنا قاراعاندا، 2025 – جىلى 6 – ايدىڭ 12 – كۇنىنەن باستاپ، يندونەزيا ازاماتتارىنىڭ شەكارادان وتۋشىلەردەن 240 ساعات ىشىندە ۆيزا تالاپ ەتپەۋ ساياساتى بويىنشا قولايلى تۇردە جۇڭگوعا كەلۋىنە بولادى، جۇڭگو شەكارادان وتۋشىلەردەن 240 ساعات ىشىندە ۆيزا تالاپ ەتپەۋ ساياساتىن اتقارعان مەملەكەت سانى 55 مەملەكەتكە جەتتى.

قازىر يندونەزيا، رەسەي، انگليا قاتارلى 55 مەملەكەتتىڭ كۇشكە يە حالىقارالىق ساپارلاۋ كۋالىگى جانە ۋاقىتى مەن وتىراتىن ورنى تۇراقتاندىرىلعان جالعاستى جۇرەتىن بەلەتى بار ازاماتتارى جۇڭگونىڭ شەكاراسىنان ءوتىپ ءۇشىنشى ەلگە نەمەسە رايونعا بارماقشى بولسا، بەيجيڭ، شاڭحاي قاتارلى 24 ولكەدەگى (اۆتونوميالى رايون، توتە قاراستى قالا) 60 اشىق وتكەلدىڭ كەز كەلگەن بىرەۋىنەن ۆيزاسىز تۇردە شەكارادان وتۋىنە بولادى ءارى بەلگىلەنگەن اۋماقتا ايالداۋ ۋاقىتى 10 كۇننەن اسىپ كەتپەۋى كەرەك. ايالداۋ مەرزىمىندە ساياحاتتاۋ، كەزدەسۋ، تۋىسشىلاۋ قاتارلى قيمىلدارمەن شۇعىلدانۋىنا بولادى، الدىن الا بەكىتۋدى قاجەت ەتەتىن قىزمەت ىستەۋ، ۇيرەنۋ، اقپاراتتىق سۇحبات الۋ قاتارلى ىستەرمەن شۇعىلداناتىن بولسا، ءالى دە ۆيزا اشتىرۋىنا تۋرا كەلەدى.

كەلۋ قاينارى: حالىق تورابى