ءۇرىمجى پوچتا رايونى ورتالىعىندا پوچتالىق جونەلتىلىمدەردى شوفەرسىز تاسىمالداۋدى تۇڭعىش رەت سىناق ەتۋ ءساتتى بولدى 

تيانشان تورى – شينجياڭ گازەتىنىڭ ءتىلشىسى فان چيۇڭيان حابارلايدى. 6 – ايدىڭ 11 – كۇنى ءۇرىمجى تيانشان حالىقارالىق اۋەجايىنىڭ سولتۇستىك تەرمينال رايونىنداعى ۇشاق توقتاتۋ ورنىنداعى كوك ءتۇستى شوفەرسىز اۆتوموبيل جۇرتتىڭ نازارىن ەرەكشە اۋداردى، بۇل اۆتوموبيل تۇڭعىش رەت ىسكە قوسىلعانىنا قاراماستان، 20 مينۋت ىشىندە پوچتالىق جونەلتىلىمدەردى جوتكەپ تاسىمالداۋدى ورىندادى.

بۇل شوفەرسىز اۆتوموبيل — جۇكتەر تيەلگەن تىركەمەنى سۇيرەتىن ەلەكترلى اۆتوموبيل، سىرتقى فورماسىنىڭ ولشەمى 2.35*1.7*3.6، ەڭ كوپ بولعاندا 30 توننالىق تىركەمەنى سۇيرەي الادى، ساعاتتىق ەڭ جوعارى جىلدامدىعى 22 كيلومەتر. سول كۇنى ساعات 11 دە، شوفەرسىز اۆتوموبيل بەينە پويەزدىڭ پاراۆوزى سياقتى 850 كيلوگرام جۇكتى تيەپ، ۇشاق توقتاتۋ الاڭىنان شىعىپ، اۋەجايدىڭ قامبا رايونىنا قاراي باياۋ جولعا شىقتى، اۆتوموبيلدەگى پوچتا قىزمەتكەرلەرى جۇكتەردى تۇرگە ءبولىپ قايتادان ورنالاستىرعان سوڭ، شوفەرسىز اۆتوموبيل جۇكتەردى ءۇرىمجى پوچتا رايونى ورتالىعىنداعى ءبىر جاقتى ەتۋ رايونىنىڭ ۇشۋعا ارنالعان رايونىنا جەتكىزەدى، بۇل ارالىقتا 3 كيلومەترگە جۋىق جول باسادى، بۇل ماشينانىڭ جۇكتەردى جوتكەۋ مىندەتىن ءساتتى ورىنداۋى اۋەجايعا قونعان پوچتالىق ۇشاقتارداعى پوچتادان كەلگەن بۇيىمداردى ادامسىز تاسىمالداۋدى العاش رەت سىناق ەتۋدىڭ ءساتتى بولعانىن كورسەتەدى.

كەلۋ قاينارى: حالىق تورابى