بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.17 16:28 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 17 - كۇنى دوحادان بەرگەن حابارى: كاتار اگەنتتىگىنىڭ 6 – ايدىڭ 17 - كۇنى تاڭ سارىدەگى حابارىنا قاراعاندا، كاتار، يوردانيا، اراب بىرىككەن امىرلىگى، پاكيستان قاتارلى 21 اراب جانە يسلام مەملەكەتىنىڭ سىرتقى ىستەر مينيسترلەرى 6 – ايدىڭ 16 – كۇنى كەشتە بىرلەسكەن مالىمدەمە جاريالاپ، يزرايلدىڭ يرانعا جاۋلاسۋ ارەكەتىن ءسوزسىز توقتاتۋىن باسا دارىپتەدى.
بىرلەسكەن مالىمدەمە يزرايلدىڭ 6 – ايدىڭ 13 - كۇنى تاڭ سارىدەن بەرى يرانعا جاساعان شابۋىلىن جازعىرىپ، مەملەكەتتىڭ يەلىك ۇقىعى مەن تەرريتوريا تۇتاستىعىنا، تاتۋ كورشىلىك، دوستىق پرينسيبىنە قۇرمەت ەتۋدى، سونداي - اق تالاس - تارتىستى بەيبىت جولمەن شەشۋدى، قازىرگى شۇعىل جاعدايدى باسەڭدەتۋدى، سوعىستى توقتاتۋدى جانە قاقتىعىستى جاپپاي باسەيتۋدى قايتالاي دارىپتەدى.
بىرلەسكەن مالىمدەمەدە بىلاي دەلىندى: ءار ەلدىڭ سىرتقى ىستەر مينيسترلەرى قازىرگى جاعداي تۇتاس ورتا شىعىس رايونىنىڭ حاۋىپسىزدىگى مەن ورنىقتىلىعىنا اۋىر زارداپ تۋدىرۋى مۇمكىن دەپ قارادى. قاتىستى حالىقارالىق قارارعا ساي، ورتا شىعىستاعى يادرولىق قارۋلاردان جانە باسقا دا كەڭ كولەمدى قىرعىنداعىش قارۋلاردان ساقتانۋ نىساناسىن جۇزەگە اسىرۋدى ىلگەرىلەتۋ ءارى بارلىق وڭىردەگى ەلدەردى «يادرولىق قارۋلاردى كەڭەيتپەۋ شارتىنا» تەز ارادا قاتىناسۋعا قۋزاۋ كەرەك.
بىرىككەن مالىمدەمەدە مىنالار دارىپتەلدى : حالىقارا اتوم ەنەرگياسى ورگانىنىڭ كەپىلدىك مەحانيزمى باقىلاپ باسقاراتىن يادرو جابدىقتارىنا شابۋىلداۋعا بولمايدى. كەلىسسوز ارناسىنا تەز ارادا قايتا ورالۋ قاجەت، بۇل يراننىڭ يادرو جوسپارى جونىندە باياندى كەلىسىمگە كەلۋدىڭ بىردەن – ءبىرى جولى.
ءار ەلدىڭ سىرتقى ىستەر مينيسترلەرى قازىرگى داعدارىستى اسكەري ءتاسىل ارقىلى شەشۋگە بولمايتىندىعىن قايتالاي دارىپتەدى. وڭىرلىك داعدارىستى شەشۋدىڭ بىردەن - ءبىر جولى ديپلوماتيا، پىكىرلەسۋ جانە تاتۋ كورشىلىك، دوستىق پرينسيبىنە بويسۇنىپ، حالىقارالىق زاڭ مەن «ب م ۇ ەرەجەسىنە» ساي ءىس جۇرگىزۋ.
6 – ايدىڭ 13 - كۇنى تاڭ سارىدەن بەرى، يزرايل يراننىڭ كوپ جەرىنە كەڭ كولەمدى اۋە شابۋىلىن قوزعاپ، يراننىڭ يادرو قۇرىلعىلارى مەن اسكەري نىساناسىن بومبىلاپ، قىرۋار ادام قازا بولدى جانە جارالاندى. ءوش الۋ رەتىندە يران يزرايل شەكاراسى ىشىندەگى تۇرلىشە نىسانالارعا كوپ رەت باسقارىلمالى بومبى جانە ۇشقىشسىز ۇشاق شابۋىلىن جاسادى.
كەلۋ قاينارى: حالىق تورابى
