جاڭا زەللانديا اۆستراليانىڭ كۇشكە يە ۆيزاسى بار جۇڭگو ازاماتتارىنا ۆيزاسىز كىرۋ ساياساتىن سىناق رەتىندە اتقارادى

شينحۋا اگەنتتىگىنىڭ 6 ـ ايدىڭ 15 ـ كۇنى ۆەللينگتوننان بەرگەن حابارى. جاڭا زەللانديا ۇكىمەتى تورابىنىڭ 6 ـ ايدىڭ 15 ـ كۇنى بەرگەن حابارىنا قاراعاندا، 2025 ـ جىلى 11 ـ ايدان باستاپ، جاڭا زەللانديا اۆستراليانىڭ كۇشكە يە ساياحات، قىزمەت، وقۋشى نەمەسە وتباسى ۆيزاسى بار جۇڭگو ازاماتتارىنا ۆيزاسىز شەكارادان كىرۋ ساياساتىن سىناق رەتىندە اتقارادى. ۆيزاسىز كىرۋ ساياساتى 12 اي سىناق رەتىندە اتقارىلادى.

حابارلاندىرۋدا بىلاي دەلىندى: وسى ءبىر ءبولىم جۇڭگو ازاماتتارى تەك جاڭا زەللانديانىڭ ەلەكتروندىق ساياحات رۇقساتىن ءوتىنىش ەتسە بولدى، ۆيزا اشتىرۋدى ءوتىنىش ەتۋىنىڭ قاجەتى جوق، جاڭا زەللانديادا تۇراتىن ۋاقىتى 3 ايدان اسپايدى، ءبىراق جاڭا ساياسات اۆستراليادا ايالداپ عانا وتكەن جولاۋشىلارعا قولدانىلمايدى.

جاڭا زەللانديا قونىس اۋدارۋ مينيسترى ەليكا ستانفورد بىلاي دەدى: جوعارىداعى ۆيزاسىز كىرۋ ساياساتىنان سىرت، جاڭا زەللانديا ۇكىمەتى ۆيزا بەرۋ بارىسىن ونان ارى قاراپايىمداستىرىپ، ءوتىنىش ەتۋشىگە ءتىپتى دە قولايلىق جاراتتى. 2024 ـ جىلى جاڭا زەللانديا جۇڭگولىق ساياحاتشىلارعا 240 مىڭنان استام ساياحات ۆيزاسىن بەرگەن، ول وسى سيفردىڭ ۇزدىكسىز ارتۋىن ءۇمىت ەتتى.

جاڭا زەللانديا ساياحات جانە قوناقجاي مينيسترى لۋيس ەپستون بىلاي دەدى: جۇڭگو جاڭا زەللانديانىڭ ەڭ ماڭىزدى ساياحات بازارىنىڭ ءبىرى.

جاڭا زەللانديا ۇكىمەتى جاريالاعان ساندى مالىمەتكە قاراعاندا، 2025 – جىلى 3 – ايعا دەيىنگى ءبىر جىلدا جۇڭگولىق ساياحاتشىلار جاڭا زەللانديا ەكونوميكاسىنا شامامەن ءبىر ميلليارد 240 ميلليون جاڭا زەللانديا دوللارى (ءبىر ا ق ش دوللارى شامامەن 1.66 جاڭا زەللانديا دوللارى) ۇلەس قوسقان. ەپستون بۇل سيفردىڭ ۇزدىكسىز ارتۋىن ءارى جاڭا زەللانديا ەكونوميكاسىنىڭ باياندى دامۋىن ىلگەرىلەتۋىن ءۇمىت ەتەتىندىگىن ءبىلدىردى.

كەلۋ قاينارى: حالىق تورابى