شينجياڭ 2025 – جىلعى ورتالىقتىڭ اۋىل شارۋاشىلىعى ماشينالارىن ساتىپ الۋعا جانە پايدالانۋعا ارنالعان قوسىمشا قاراجاتىنان ءبىر ميلليارد 550 ميلليون يۋان قاراجات بوساتتى 

تيانشان تورى – شينجياڭ گازەتىنىڭ ءتىلشىسى ليۋ ي حابارلايدى. 6 – ايدىڭ 16 – كۇنى، ءتىلشىنىڭ اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسىنەن ۇعىسۋىنشا، جۋىردا شينجياڭ 2025 – جىلعى ورتالىقتىڭ اۋىل شارۋاشىلىعى ماشينالارىن ساتىپ الۋعا جانە پايدالانۋعا ارنالعان قوسىمشا قاراجاتىنان ءبىر ميلليارد 550 ميلليون يۋان قاراجاتتى بوساتقان، 30 مىڭنان استام اۋىل شارۋاشىلىعى ماشيناسىنا قاتىستى قوسىمشا قاراجات بەرۋدى ءوتىنىش ەتكەندەردىڭ ەسەبىن جاساپ بولعان، جيىنى 550 ميلليون يۋان قاراجات جۇمساپ، 20 مىڭنان استام شارۋا وتباسىن يگىلىككە كەنەلتكەن.

بيىل ورتالىق پەن اۆتونوميالى رايون اۋىل شارۋاشىلىعى ماشينالارىن ساتىپ الۋعا جانە ونى پايدالانۋعا قوسىمشا قاراجات بەرۋ تەبىنىن ۇزدىكسىز ارتتىرىپ، قوسىمشا قاراجاتتى پايدالانۋ كولەمى بىلتىرعىدان %32 ارتقان. جەر – جەر اۋىل شارۋاشىلىعى ماشينالارىنا قاتىستى شارۋالارعا تيىمدىلىك جاسايتىن ساياساتتاردى تياناقتاندىرۋدى ارتتىرىپ، استىق پەن ماقتانىڭ كەڭ كولەمدى بىرلىك ءونىمىن ارتتىرۋعا شۇعىل قاجەت بولىپ وتىرعان جەر تەگىستەگىش، ءجيى ەگۋگە قولدانىلاتىن جوعارى يقۋاتتى تۇقىم سەپكىش، شىعىندى تومەندەتەتىن جوعارى ءونىمدى بىرىكتىرىلگەن ورۋ ماشيناسى قاتارلى اۋىل شارۋاشىلىعى ماشينالارىنا قوسىمشا قاراجات بەرىپ قولداۋ كورسەتۋدى الدىمەن ويلاستىرىپ، مەشەۋ تەحنيكا قولدانىلعان اۋىل شارۋاشىلىعى ماشينالارىن قاتاردان قالدىرىپ، ”ساپالى ماشينالارعا قوسىمشا قاراجاتتى كوپ بەرۋدى“ اتقارىپ، زەردەلىلەندىرۋ جانە جاسىل تيپتەندىرۋ باعدارىن كورنەكتىلەندىرىپ، اۋىل شارۋاشىلىعى ماشينالارى مەن قۇرال – جابدىقتارىنىڭ ساپاسىن ۇزدىكسىز جوعارىلاتادى.

كەلۋ قاينارى: حالىق تورابى