ساقتاندىرۋ دارەجەسىن جوعارىلاتتى! شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىن جاريالادى

6 - ايدىڭ 16 - كۇنى ساعات 12 دەن 45 مينۋت وتكەندە، شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىنا كوتەردى: مەجەمەن 6 - ايدىڭ 16 - كۇنى تۇستەن كەيىننەن باستاپ 20 - كۇنى كۇندىزگە دەيىن تيانشاننىڭ سولتۇستىك بوكتەرى، وڭتۇستىك شينجياڭ ويپاتى، شىعىس شينجياڭ قاتارلى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى 37 سەلتسي گرادۋستان اسادى، مۇنىڭ ىشىندە بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسىنىڭ سولتۇستىك بولەگى، سانجى وبلىسىنىڭ باتىس بولەگى، ءۇرىمجى قالاسىنىڭ سولتۇستىك بولەگى، قاشقار ايماعىنىڭ شىعىس بولەگى، حوتان ايماعىنىڭ سولتۇستىك بولەگى، اقسۋ ايماعىنىڭ وڭتۇستىك بولەگى، تۇرپان قالاسى، قۇمىل قالاسىنىڭ وڭتۇستىك بولەگى قاتارلى جەرلەردىڭ ءىشىنارا وڭىرلەرىنىڭ تەمپەراتۋراسى 40 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىنىڭ تەمپەراتۋراسى 45 سەلتسي گرادۋسقا جەتەدى، ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولىپ، تاۋلى وڭىردىڭ ءىشىنارا جەرلەرىندە قار ەرۋ سيپاتتى تاسقىن اپاتىنان ساقتانۋدى كۇشەيتۋ كەرەك.

كەلۋ قاينارى: حالىق تورابى