قازاقستاننىڭ ”جۇڭگو ساياحات جىلى“ باستالدى

شينحۋا اگەنتتىگىنىڭ 6 ـ ايدىڭ 16 ـ كۇنى استانادان بەرگەن حابارى. قازاقستاننىڭ ”جۇڭگو ساياحات جىلىنىڭ“ اشىلۋ سالتى 6 ـ ايدىڭ 16 ـ كۇنى قازاقستان مەملەكەتتىك مۇراجايىندا وتكىزىلدى، قازاقستان مەن جۇڭگونىڭ 300 دەي سيلى قوناعى قاتىناستى.

جۇڭگو مادەنيەت جانە ساياحات مينيسترلىگىنىڭ مينيسترى سۇن يەلي، قازاقستان ساياحات جانە سپورت مينيسترلىگىنىڭ مينيسترى ەربول مىرزابولسىنوۆ اشىلۋ سالتىنا قاتىناستى ءارى ءسوز سويلەدى.

قازاقستاننىڭ ”جۇڭگو ساياحات جىلىنىڭ“ باستى قيمىلى رەتىندە، ”جىبەك جانە جىبەك جولى: جۇڭگودان قازاقستانعا دەيىن“ اتتى كورمەسى سول كۇنى قازاقستان مەملەكەتتىك مۇراجايىندا اشىلدى. كورمە ”جىبەك قاينارى“، ”جىبەك جولى“، ”جىبەكتىڭ قولدانىلۋى“ سىندى 3 بولىمگە بولىنەدى، مۇنداعى ماقسات جىبەك جولى مادەنيەتىنىڭ تاريحي استارى مەن وسى زامانعى دامۋىن كورسەتىپ، جۇڭگو مەن جىبەك جولى بويىنداعى ەلدەردىڭ دوستىق اۋىس - كۇيىسى مەن مادەنيەت توعىسۋىن ايگىلەۋ. كورمە 8 – ايدىڭ 8 – كۇنىنە دەيىن جالعاسادى.

سول كۇنگى اشىلۋ سالتىندا ادەبيەت - كوركەمونەر كونسەرتى، حانزۋ كيىم - كەشەكتەرى، بەيزاتتىق مادەني مۇرالاردى كورۋ قاتارلى قيمىلدار وتكىزىلدى. بۇدان سىرت، جۇڭگو جىبەك مۇراجايى قازاقستان مەملەكەتتىك مۇراجايىمەن سەلبەستىك ەسكەرتپە حاتىنا قول قويدى.

كەلۋ قاينارى: حالىق تورابى