يزرايلدەگى جۇڭگو ازاماتتارىنا تەزىرەك ەلگە قايتۋدى نەمەسە يزرايل شەكاراسىنان شىعىپ كەتۋدى ەسكەرتتى 

جەرگىلىكتى ۋاقىت بويىنشا 6 – ايدىڭ 16 – كۇنى، جۇڭگونىڭ يزرايلدە تۇراتىن باس ەلشىلىگى «يزرايلدەگى جۇڭگو ازاماتتارىنا قۇرلىقتاعى شەكارا وتكەلدەرى ارقىلى اينالىپ ءوتىپ تەزىرەك ەلگە قايتۋ نەمەسە يزرايل شەكاراسىنان شىعىپ كەتۋ جونىندەگى ەسكەرتۋدى» جاريالاعان.

كەزەكتە، يران مەن يزرايل اراسىنداعى قاقتىعىس ۇلعايىپ، كوپ ورىندا حالىقتىق قۇرىلعىلار ءبۇلىنىپ، جاي جۇرتشىلىقتىڭ جارالانۋ، ءولىم - ءجىتىم جاعدايى ۇزدىكسىز ارتىپ، حاۋىپسىزدىك جاعدايى بارعان سايىن كۇردەلىلەسۋدە. بىرنەشە كۇننەن بەرى، يزرايلدەگى كوپتەگەن جۇڭگو ازاماتتارى ەلشىلىكپەن تەلەفونمەن نەمەسە حات جولداۋ ارقىلى حابارلاسىپ، اۋەجايدىڭ قاي ۋاقىتتا اشىلاتىنىن، تەڭىز جولىنداعى كەمەلەردىڭ قاي ۋاقىتتا قايتا قاتىنايتىنىن سۇراستىرعان. ۇعىسۋعا قاراعاندا، قازىر يزرايلدىڭ اۋە كەڭىستىگى ءالى دە جابىق كۇيدە، يزرايل ۇكىمەتى دە بۇكىل ەل بويىنشا شۇعىل جاعدايدى 6 – ايدىڭ 30 – كۇنىنە دەيىن ۇزارتقان. سونىمەن بىرگە، يزرايل ۇكىمەتىنىڭ قاتىستى تاراۋلارىنىڭ ەسكەرتۋىنشە، يزرايل مەن يوردانيا، ەگيپەت ارالىعىنداعى شەكارالىق وتكەلدەر اشىق. جۇڭگونىڭ يزرايلدە تۇراتىن ەلشىلىگى جۇڭگونىڭ يزرايلدە تۇراتىن ازاماتتارىنا ءوزىنىڭ حاۋىپسىزدىگىنە كەپىلدىك ەتۋ العى شارتىندا، قۇرلىقتاعى شەكارا وتكەلدەرى ارقىلى تەزىرەك يزرايل شەكاراسىنان شىعىپ كەتۋدى ەسكەرتەدى، يوردانيا باعىتىن الدىمەن ويلاستىرۋدى ۇسىنىس ەتەدى. (جۇڭگونىڭ يزرايلدە تۇراتىن باس ەلشىلىگى)

كەلۋ قاينارى: حالىق تورابى