سىرتقى ىستەر مينيسترلىگى جۇڭگو ۇكىمەتى ۇيىمداستىرعان يرانداعى، يزرايلدەگى جۇڭگو ازاماتتارىنىڭ حاۋىپسىز شەگىنۋ جاعدايىن تانىستىردى

شينحۋا اگەنتتىگىنىڭ 6 - ايدىڭ 18 - كۇنى، بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى گو جياكۇن 6 - ايدىڭ 18 - كۇنى كەزەكتى تىلشىلەر جينالىسىندا بىلاي دەدى: قازىرگە دەيىن سىرتقى ىستەر مينيسترلىگى مەن يراندا تۇراتىن ەلشىحانالاردىڭ، كونسۋلحانالاردىڭ ۇيىمداستىرۋىندا، سايكەسۋىندە، كورشىلەس قاتىستى ەلدەردىڭ بەلسەنە سەلبەسۋىندە، قولداۋىندا، 791 جۇڭگو ازاماتى يراننان جوتكەلىپ حاۋىپسىز وڭىرگە جەتتى، تاعى 1000 نان استام ادام حاۋىپسىز جەرگە جوتكەلۋدە. جۇڭگونىڭ ازەربايجان، تۇركىمەنستان قاتارلى توڭىرەكتەگى ەلدەردە تۇراتىن ەلشىحانالارى مەن كونسۋلحانالارى قىزمەت گرۋپپاسىن جىبەرىپ، شەكارا وتكەلىندە جۇڭگو ازاماتتارىنىڭ كەدەننەن وتۋىنە كومەكتەستى، سونىمەن بىرگە ولاردىڭ كەيىنگى ورنالاسۋىنا جانە ورتا جولدا ەلگە قايتۋىنا كومەك كورسەتتى. ءبىر ءبولىم جۇڭگو ازاماتتارى يزرايلدان حاۋىپسىز جوتكەلدى.

”جۇڭگو قاتىستى ەلدەردىڭ زور كۇشپەن قولداعانىنا جانە كومەكتەسكەنىنە العىس ايتادى. سىرتقى ىستەر مينيسترلىگى جانە قاتىستى ەلشىحانالار جۇڭگو بۇقاراسىنىڭ جوتكەلىپ كەتۋىنە جالعاستى بار كۇشىن سالىپ كومەكتەسەدى“ دەدى گو جياكۇن.

كەلۋ قاينارى: حالىق تورابى