ەلىمىزدىڭ يزرايلدا تۇراتىن ەلشىحاناسى جۇڭگو ازاماتتارىنىڭ يزرايلدەن شەگىنىپ شىعۋعا تىزىمدەلۋىن ەسكەرتتى

6 – ايدىڭ 19 – كۇنى، جۇڭگونىڭ يزرايلدا تۇراتىن ەلشىحاناسى يزرايلداعى جۇڭگو ازاماتتارىنىڭ شەگىنىپ شىعۋىن تىزىمدەۋ جونىندەگى ۇقتىرۋدى جاريالادى.

ەلشىحانا بىلاي دەدى: قازىر يزرايل مەن يراننىڭ قاقتىعىسى ۇزدىكسىز اسقىنىپ، ءولىم – ءجىتىم ۇزدىكسىز كوبەيىپ، جاعدايدىڭ وزگەرىسىندە وراسان زور تۇراقسىزدىق ءومىر ءسۇرىپ وتىر، ونان ارى ۋشىعۋ مۇمكىندىگىن جوققا شىعارۋعا بولمايدى. كوپتەگەن شەتەل ازاماتتارى شەگىنىپ كەتتى نەمەسە شەگىنىپ شىعۋعا دايىندالدى. قازىرگى جاعدايدى ويلاستىرىپ، جول حاۋىپسىز، كەدەننەن ءوتۋ قولايلى، ۇشاق بەلەتى جەتكىلىكتى بولۋ قاتارلى فاكتورلاردى جان ـ جاقتى ويلاستىرىپ، جۇڭگونىڭ يزرايلدا تۇراتىن ەلشىحاناسى 6 – ايدىڭ 20 – كۇنىنەن باستاپ شەگىنپ كەتكىسى كەلەتىن جۇڭگو ازاماتتارىنىڭ توپقا ءبولىنىپ جوتكەلىپ شەگىنۋىنە كومەكتەسەدى، اۆتوبۋزعا وتىرىپ بەگىن وتكەلى ارقىلى (يزرايل مەن ەگيپەت شەكاراسىنا ورنالاسقان) شەكارادان شىعۋعا قازىردەن باستاپ تىزىمدەلۋگە بولادى.

تىزىمدەلۋشىلەردىڭ قولىندا جۇڭگونىڭ پاسپورتى نەمەسە ساياحات كۋالىگى بولۋى كەرەك (شياڭگاڭ ەرەكشە اكىمشىلىك رايونىنىڭ پاسپورتى، اۋمىن ەرەكشە اكىمشىلىك رايونىنىڭ پاسپورتى، تايۋاندىق باۋىرلاستار كۋالىگى قامتىلادى، پاسپورتسىز ادامداردىڭ قولىندا ەل ىشىندەگى ازاماتتىق كۋالىك بولۋى كەرەك).

بۇل ەكىلىكتى جايمالاپ سايكەستى كەستەلەردى تولىق، ەگجەي - تەگجەيلى تولتىرىڭىزدار. ناقتى شەگىنۋ ۋاقتى بولەك ۇقتىرىلادى. ەلشىحانانىڭ رەسمي تورابى نەمەسە ۋيچات الەۋمەتتىك تەكشەسى حابارعا قاداعالاي نازار اۋدارىڭىزدار.

ۇقتىرۋدى تاپسىرىپ العاننان كەيىن تەز قيمىلداۋعا قولايلى بولۋ ءۇشىن، حاۋىپسىزدىك قورعانىسىن ءسوزسىز جاقسى ىستەپ، قاتىستى دايىندىقتاردى الدىن الا جاقسى ىستەڭىزدەر.

كەلۋ قاينارى: حالىق تورابى