بۇكىل شينجياڭدا وسى اپتادا ءۇرتىس جوعارى تەمپەراتۋرا جالعاسىپ، باسىم كوپ ساندى رايونداردا ەكى رەت جاڭبىر جاۋادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (6 – ايدىڭ 23 – كۇنىنەن 29 – كۇنىنە دەيىن) شينجياڭنىڭ باسىم كوپ ساندى جازىق رايوندارىندا ءۇرتىس جوعارى تەمپەراتۋرا جارىققا شىعادى، ءىشىنارا جەرلەردە جوعارى تەمپەراتۋرا 45 سەلتسي گرادۋستان اسادى. سونىمەن بىرگە، ەكى رەتكى جاۋىن – شاشىنمەن قاتارلاسا بوران سوعىپ، شاڭ – توزاڭ بولادى. شينجياڭ اۋا رايى ستانسياسى مىنانى ەسكەرتتى: ءۇرتىس جوعارى تەمپەراتۋرانىڭ، ءىشىنارا جەرلەردە كۇشتى كونۆەكسيالىق اۋا رايىنىڭ، سونداي ـ اق وڭتۇستىك شينجياڭنىڭ باتىس بولەگىندەگى ارالاس تاسقىن جانە جەر كوشكىنى، لاي تاسقىنى سياقتى گەولوگيالىق اپاتتاردىڭ ءتيىمسىز ىقپالىنان ءتۇيىندى تۇردە ساقتانۋ كەرەك.

الدىن الا مالىمەتتە كورسەتىلۋىنشە، 6 – ايدىڭ 24 – كۇنىنەن 30 - كۇنىنە دەيىن، بۇكىل شينجياڭداعى جازىق وڭىرلەردىڭ باسىم كوپ بولەگىندە 35 سەلتسي گرادۋستان اساتىن جوعارى تەمپەراتۋرا جارىققا شىعادى، مۇنىڭ ىشىندە بۇراتالا موڭعۇل اۆتونوميالى وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە 40 سەلتسي گرادۋستان جوعارى تەمپەراتۋرا جارىققا شىعادى، تۇرپان قالاسىنىڭ ءىشىنارا جەرلەرىندە 45 سەلتسي گرادۋسقا جەتەدى.

سونىمەن بىرگە، بۇكىل شينجياڭنىڭ باسىم كوپ ساندى رايوندارىندا ەكى رەت جاۋىن - شاشىن بولادى. 6 – ايدىڭ 23 – كۇنى كۇندىزدەن 24 - كۇنى تۇنگە دەيىن، 6 – ايدىڭ 25 – كۇنى تۇننەن 27 – كۇنى تۇنگە دەيىن سولتۇستىك شينجياڭنىڭ باتىس بولەگى، سولتۇستىك بولەگى، تيانشان تاۋلى رايونى سونداي – اق سولتۇستىك بەتكەيى، وڭتۇستىك شينجياڭنىڭ باتىس بولەگىندەگى تاۋلى رايون، اقسۋ ايماعى، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، جوعارىدا ايتىلعان وڭىرلەردىڭ كەي جەرلەرىندە ورتاشادان باستاپ قالىڭ جاڭبىر جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى. جاۋىن - شاشىنعا ىلەسە، سولتۇستىك شينجياڭنىڭ باسىم كوپ بولەگى مەن وڭتۇستىك شينجياڭنىڭ باتىس بولەگى، شىعىس شينجياڭنىڭ ءىشىنارا وڭىرلەرىندە باتىس سولتۇستىكتەن 5 بال اينالاسىندا جەل سوعادى، جەل وتىندە 11 بالعا جەتەدى؛ وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا جەل سوعادى، ءىشىنارا جەرلەردە قۇمدى بوران سوعادى.

ءۇرىمجى قالاسىندا 6 – ايدىڭ 23 – كۇنى تۇننەن 24 – كۇنى كۇندىزگە دەيىن جانە 6 – ايدىڭ 26 – كۇنى تۇننەن 27 – كۇنى كۇندىزگە دەيىن كوپ ءبولىم وڭىرلەردە سەبەزگى جاڭبىر جاۋادى، باتىس سولتۇستىكتەن 4 بال اينالاسىندا جەل سوعادى. وڭتۇستىك قالا ماڭى مەن تاۋلى رايونداردا 6 – ايدىڭ 23 – كۇنى تۇننەن 24 – كۇنى كۇندىزگە دەيىن سەبەزگىدەن ورتاشاعا دەيىن جاڭبىر جاۋادى، ءىشىنارا جەرلەردە نوسەر جاۋادى. 6 – ايدىڭ 26 – كۇنى تۇننەن 27 – كۇنى كۇندىزگە دەيىن ورتاشا جاڭبىر جاۋادى، ءىشىنارا جەرلەردە قالىڭ جاڭبىر جاۋادى. وسى اپتانىڭ باسقا ۋاقىتتارىندا نانشان تاۋلى رايونىندا تۇستەن كەيىن اۋىق - اۋىق وتكىنشى جاڭبىر جاۋادى، باسقا وڭىرلەردە نەگىزىنەن كۇن اشىق نەمەسە بۇلتتى بولادى، اۋا تەمپەراتۋراسى الدىمەن جوعارىلاپ، سوڭىنان تومەندەيدى. قالا رايونىندا ەڭ تومەن تەمپەراتۋرا 20 دا 23 سەلتسي گرادۋس بولادى، ەڭ جوعارى تەمپەراتۋرا 31 دە 34 سەلتسي گرادۋس بولادى.

كەلۋ قاينارى: حالىق تورابى