ترامپ: يزرايل مەن يران سوعىستى توقتاتادى

شينحۋا اگەنتتىگىنىڭ 6 – ايدىڭ 23 - كۇنى نيۋ ـ يوركتەن بەرگەن حابارى. ا ق ش زۇڭتۇڭى ترامپ 6 – ايدىڭ 23 - كۇنى كەشتە قوعامدىق قارىم ـ قاتىناس تەكشەسى ”شىنايى قوعامدىق قارىم ـ قاتىناستا“ يزرايل مەن يراننىڭ ”سوعىستى جاپپاي، تۇبەگەيلى توقتاتۋ” جونىندە ءبىراۋىزدىلىققا كەلگەندىگىن، 12 كۇندىك قاقتىعىس اياقتالۋ الدىندا تۇرعاندىعىن جاريالادى.

ترامپ ا ق ش – تىڭ شىعىس بولەك ۋاقىتى بويىنشا سول كۇنى ساعات 18 دەن 2 مينۋت وتكەندە (بەيجيڭ ۋاقىتى بويىنشا 6 – ايدىڭ 24 - كۇنى ساعات 6 دان 2 مينۋت وتكەندە) جاريالاعان حاتىندا بىلاي دەدى: سوعىس توقتاتۋ شامامەن 6 ساعاتتان كەيىن رەسمي كۇشكە يە بولادى، سول كەزدە يزرايل مەن يران وزدەرىنىڭ ”ەڭ سوڭعى مىندەتىن“ ورىندايدى.

ول بىلاي دەدى: كەلىسىمگە ساي، سوعىس توقتاتۋ ساتىعا ءبولىپ اتقارىلادى: يران الدىمەن سوعىستى توقتاتادى، 12 ساعاتقا جەتكەندە يزرايل دە سوعىستى توقتاتادى، 24 ساعاتقا تولعاندا وسى ”12 كۇنگە جالعاسقان سوعىس“ رەسمي اياقتايتىن بولادى.

ترامپ بىلاي دەدى: ءار كەزەڭدەگى سوعىس توقتاتۋ مەزگىلىندە ەندى ءبىر جاق ”بەيبىتشىلىك پەن قۇرمەتتى ساقتايدى“.

ماقالا جولدانعانعا دەيىن يزرايل مەن يران ترامپ جاريالاعان سوعىس توقتاتۋ كەلىسىمى جونىندە ۇكىمەت جاقتىڭ راستاعان مالىمدەمەسىن جاريالامادى. اقساراي مەن بەس بۇرىشتى عيمارات تا قازىرشە جاۋاپ قايتارمادى.

كەلۋ قاينارى: حالىق تورابى