سىرتقى ىستەر مينيسترلىگىنىڭ مالىمدەمەشىسى ا ق ش – نىڭ يراننىڭ يادرولىق قۇرىلعىلارىنا سوققى بەرگەنى تۋرالى تىلشىلەردىڭ سۇراۋىنا جاۋاپ قايتاردى 

شينحۋا اگەنتتىگىنىڭ 6 – ايدىڭ 22 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى 6 – ايدىڭ 22 – كۇنى ا ق ش – نىڭ يراننىڭ يادرولىق قۇرىلعىلارىنا سوققى بەرگەنى جونىندە تىلشىلەردىڭ سۇراۋىنا جاۋاپ قايتاردى.

ءبىر ءتىلشى بىلاي دەپ سۇرادى: ا ق ش زۇڭتۇڭى ترامپ يراننىڭ فوردوۋ، ناتانز، يسفاحان سىندى ءۇش جەرىندەگى يادرولىق قۇرىلعىلارعا سوققى بەرگەنىن جاريالاعان. جۇڭگو جاق بۇل جونىندە قانداي پىكىر بىلدىرەدى؟

مالىمدەمەشى مىنانى ءبىلدىردى: جۇڭگو جاق ا ق ش – نىڭ يرانعا شابۋىلداعانىن، حالىقارالىق اتوم ەنەرگياسى قۇرىلىمىنىڭ باقىلاۋىنداعى يادرولىق قۇرىلعىلارعا شابۋىلداعانىن قاتاڭ جازعىرادى. ا ق ش – نىڭ بۇل ارەكەتى بىرلەسكەن مەملەكەتتەر ۇيىمىنىڭ ۋستاۆىنداعى باستى ماقساتى مەن پرينسيبىنە، سونداي – اق، حالىقارالىق زاڭعا اۋىر دارەجەدە قايشىلىق جاساعاندىق، ورتا شىعىستاعى شۇعىل جاعدايدى شيەلەنىستىرەدى. جۇڭگو جاق قاقتىعىسقا قاتىستى جاقتاردى، وتە – موتە، يزرايلدى شابۋىلدى تەز ارادا توقتاتۋعا، جاي جۇرتشىلىقتىڭ حاۋىپسىزدىگىنە كەپىلدىك ەتۋگە، كەلىسسوزدى باستاۋعا ۇندەيدى. جۇڭگو جاق حالىقارالىق قوعاممەن بىرگە بىرىككەن كۇش ۇيىستىرىپ، ادىلەتتىكتى جاقتاپ، ورتا شىعىستاعى وڭىرلەردىڭ بەيبىتشىلىگى مەن ورنىقتىلىعىن قالپىنا كەلتىرۋگە قۇلشىنىس جاساۋدى قالايدى.

كەلۋ قاينارى: حالىق تورابى