بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.06.20 13:41 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 19 – كۇنى شىعىس كاپ ولكەسىنەن بەرگەن حابارى. وڭتۇستىك افريكانىڭ شىعىس كاپ ولكەسى 6 – ايدىڭ 19 - كۇنى قيمىل وتكىزىپ، وتكەن اپتادا تاسقىن اپاتىندا قازا بولعاندارعا ازا ءبىلدىردى. 6 – ايدىڭ 18 – كۇنىنە دەيىن وسى ولكەدەگى تاسقىن اپاتىندا قازا بولعان ادام سانى 92 گە جەتتى.
وڭتۇستىك افريكانىڭ شىعىس بولەگى مەن وڭتۇستىك بولەگىندە وتكەن اپتادا ءۇرتىس نوسەر جاۋۋ، كۇشتى بوران سوعۋ، قار جاۋۋ قاتارلى ەرەكشە اۋا رايى جارىققا شىقتى. مۇندا شىعىس كاپ ولكەسىندە اپات ەرەكشە اۋىر بولدى، ەرەكشە اۋا رايىنىڭ كەسىرىنەن وسى ولكەدە تاسقىن اپاتى مەن تاۋ كوشكىنى تۋىلدى. شىعىس كاپ ولكەلىك ۇكىمەتتىڭ 6 –ايدىڭ 18 – كۇنى تۇندە جاريالاعان مالىمدەمەسىنە قاراعاندا، اپاتتان قازا بولعان ادام سانى 92 گە جەتكەن.
ازا ءبىلدىرۋ سالتىندا شىعىس كاپ ولكەسىنىڭ باستىعى مابۋيا ۋاقىتتىق ولكە باستىعى مۋوكو اتىنان وقىعان سوزىندە بىلاي دەدى: وسى رەتكى تاسقىن اپاتىندا 4300 دەن استام ادام باسپاناسىز قالدى، 6000 نان استام تۇرعىن ءۇي ويراندالدى نەمەسە ءبۇلىندى.
مابۋيا بىلاي دەدى: العاشقى مەجەگە قاراعاندا، وسى رەتكى تاسقىن اپاتىنان تۋىلعان زيان 4 ميلليارد لانتقا (شامامەن 220 ميلليون دوللار) جەتكەن.
ول بىلاي دەدى: بارلىق ادام، ءسوز جوق، وسى اپاتتان ساباق الۋى ءارى كليمات وزگەرىسىنىڭ ىقپالىن تانىپ جەتۋى كەرەك. ”ءبىز ءسوز جوق، اپاتقا ويداعىداي دايىندالۋىمىز ءارى مۇمكىندىكتىڭ بارىنشا اپاتتان ساقتانۋىمىز كەرەك“.
كەلۋ قاينارى: حالىق تورابى
