ساياحاتشىلاردىڭ شينجياڭداعى ساياحات ورىندارىنا بولعان ىقىلاسى بارعان سايىن ارتا ءتۇستى

ورتالىق تەلەۆيزيا تورابى (مەملەكەتتىك، حالىقارالىق حابارلار): جازدىق دەمالىس ۋاقىتى تاياعان سايىن، ساياحاتشىلاردىڭ شينجياڭداعى ساياحات ورىندارىنا بولعان ىقىلاسى بارعان سايىن ارتا ءتۇستى، جەرگىلىكتى ورىن ءتۇرلى شارالاردى قولدانىپ، ساياحاتشىلارعا قولايلىلىق جاراتىپ، ساياحاتشىلاردىڭ ويداعىداي اسەرلەنۋىنە شارت – جاعداي ازىرلەدى.

قازىرگى كەزەڭدە، شينجياڭ ىلە اڭعارى قاراجون ساحاراسىنىڭ كوركى كوز سۇرىندىرەدى. ءار كۇنى 10 نەشە مىڭ ساياحاتشى وسى اراعا كەلىپ، كورىكتى كورىنىستى تاماشالاۋمەن بىرگە، جارتاسقا شىعۋ سپورتى، بيىكتەن سىرعىما ارقانمەن سىرعاناۋ قاتارلى نىساندارعا قاتىناسا الادى.

جاز مەزگىلىندەگى ساياحاتتىڭ قاۋىرت كەزەڭىنە بايلانىستى شينجياڭ ىلە تومەن كەڭىستىكتىك ساياحات اينالمالى جەلىلەرىن ازىرلەپ، نارات، كولدەنەڭ، قاراجون جانە موڭعۇلكۇرە قاتارلى جايلاۋلاردى ءبىر – بىرىمەن بايلانىستىرعان.

6 – ايدىڭ 1 – كۇنى مايتاۋ – كۇشار تاس جولىندا اۆتوموبيل قاتىناتۋ قالپىنا كەلتىرىلگەننەن بەرى، كۇندىك اۆتوموبيل قاتىناۋ مولشەرى 35 مىڭنان اسىپ، ءبىر كۇندە ءتورت ماۋسىمدى باستان كەشىرەتىن، وڭتۇستىك – سولتۇستىك شينجياڭداعى تۇرلىشە جەر بەدەرى مەن كورىنىستەردى ۇشتاستىرعان مايتاۋ – كۇشار تاس جولى ساياحاتشىلاردىڭ ىقىلاسىنىڭ ۇزدىكسىز ارتۋىنا اناعۇرلىم دەم بەردى. ءوزى اۆتوموبيل جۇرگىزىپ ساياحاتتاۋشىلارعا قولايلىلىق جاساۋ ءۇشىن، جەرگىلىكتى ورىن جول بويىندا ايالداما، اۆتوموبيل توقتاتىپ دەمالۋ ورنى قاتارلىلاردى دايىنداپ، قامتاماسىزداندىرۋ قىزمەتىن كۇشەيتكەن. بيىل شينجياڭ ۇيشە اۆتوموبيلمەن ساياحاتتاۋ، تومەن كەڭىستىكتىك ساياحاتتاۋ، جاياۋ ءجۇرىپ ساياحاتتاۋ قاتارلى جاڭا ساياحات تۇرلەرى مەن كاسىپ كۇيلەرىن ءتۇيىندى تۇردە اشىپ، تۇتىنۋ تىزبەگىنىڭ كەڭەيۋىنە دەم بەرگەن. بيىل 1 – ايدان 5 – ايعا دەيىن، شينجياڭ ەل ءىشى –سىرتىنان كەلگەن ساياحاتشىلاردان جيىنى 90 ميلليون 342 مىڭ 300 ادامدى (رەت) قابىلداعان.

كەلۋ قاينارى: حالىق تورابى