مەملەكەتتىك 13 - كەزەكتى ساياسي كەڭەستىڭ مۇشەسى ليۋ يۋەجيننىڭ (ورىنباسار مينيستر دارەجەلى) پارا الۋ دەلوسىنا ءبىرىنشى سوتتا ۇكىم جاريالاندى

شينحۋا اگەنتتىگىنىڭ 6 – ايدىڭ 23 – كۇنى فۋجوۋدان بەرگەن حابارى. 6 – ايدىڭ 23 - كۇنى فۋجيان ولكەسى فۋجوۋ قالالىق ورتا دارەجەلى حالىق سوت مەكەمەسى 1 ـ سوتتا مەملەكەتتىك 13 ـ كەزەكتى ساياسي كەڭەستىڭ مۇشەسى ليۋ يۋەجيننىڭ (ورىنباسار مينيستر دارەجەلى) پارا الۋ دەلوسىنا اشىق ۇكىم شىعارىپ، ايىپكەر ليۋ يۋەجيندى پارا الۋ قىلمىسى بويىنشا ءولىم جازاسىنا ۇكىم ەتىپ، 2 جىل كەشىكتىرىپ اتقارىپ، ساياسي ۇقىعىنان ومىرلىك ماحۇرىم ەتتى، وعان قوسا جەكەلىك بارلىق مال ـ مۇلكىن ءمۇسادىرالادى؛ ليۋ يۋەجيننىڭ قىلمىس وتكىزىپ تاپقان مال - مۇلكى مەن ءوسىمى زاڭ بويىنشا قۋزاپ قايتارىپ الىنىپ، مەملەكەت قازىناسىنا تاپسىرىلادى.

تەكسەرۋ ارقىلى مىنالاردى انىقتادى: 1992 - جىلدان 2020 - جىلعا دەيىن ايىپكەر ليۋ يۋەجين تيانجين قالالىق قوعام حاۋىپسىزدىگى مەكەمەسى تاڭگۋ بولىمشە مەكەمەسىنىڭ ورىنباسار باستىعى، قوعام حاۋىپسىزدىگى مينيسترلىگى ەسىرتكىگە تيىم سالۋ مەكەمەسىنىڭ باستىعى، پارتكوم مۇشەسى، مينيستردىڭ كومەكشىسى، مەملەكەتتىك ەسىرتكىگە تيىم سالۋ كوميتەتىنىڭ ورىنباسار مەڭگەرۋشىسى، قوسىمشا كەڭسە مەڭگەرۋشىسى قاتارلى قىزمەت قولايلىلىعىنان پايدالانىپ، قاتىستى ورىندار مەن جەكەلەرگە كاسىپورىن تيجاراتى، قارجى قۇراۋ، قارىز اقشا الۋ قاتارلى جاقتاردا كومەك كورسەتكەن، تىكەلەي نەمەسە باسقالار ارقىلى زاڭسىز العان مال - مۇلكى حالىق اقشاسىنا سىندىرعاندا 121 ميلليون يۋاننان اسقان.

فۋجوۋ قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر ليۋ يۋەجيننىڭ ارەكەتى پارا الۋ قىلمىسىنا جاتادى، العان پارا سوماسى ەرەكشە كوپ، سونداي - اق مەملەكەت پەن حالىقتىڭ مۇددەسىن ەرەكشە اۋىر زيانعا ۇشىراتقان، ونى زاڭ بويىنشا جازالاۋ كەرەك. ول دەلوعا الىنعاننان كەيىن قىلمىسىن قاز - قالپىندا مويىنداپ، دەلو ءبىر جاقتى ەتۋ ورگانى ءالى يگەرمەگەن پارا الۋ قىلمىس فاكتتەرىنىڭ كوبىن ىرىقتىلىقپەن تاپسىرعاندىعىن، قىلمىسىن تانىپ، وكىنگەندىگىن، ارام ولجانى بەلسەنە قايتارعاندىعىن، پاراعا العان زاڭسىز اقشا، زاڭسىز ولجانى تۇگەلدەي قايتارىپ العاندىعىن، زاڭ بويىنشا وعان جەڭىل جازا بەرۋگە بولاتىندىعىن ەسكەرە وتىرىپ، سوت جوعارىداعى ۇكىمدى شىعاردى.

كەلۋ قاينارى: حالىق تورابى