جاۋاپكەرشىلىك ارقالايتىن جاستىق كوكتەمنىڭ داستانىن قۇلشىنا جازايىق

جۇڭحۋا مەملەكەتتىك جاستار بىرلەستىگى 14 - كەزەكتى كوميتەتىنىڭ جالپى ءماجىلىسى، جۇڭحۋا مەملەكەتتىك وقۋشىلار بىرلەستىگى 28 - قۇرىلتايى 3 - ايدىڭ 2 - كۇنى تۇستەن بۇرىن بەيجيڭدە اشىلدى. باس شۋجي شي جينپيڭ جينالىسقا قۇتتىقتاۋ حاتىن جولدادى، قالىڭ جاستار مەن جاس وقۋشىلار تەرەڭ شابىت الىپ، ايرىقشا جەلپىندى.

كوپشىلىك بىلاي دەپ قارادى: باس شۋجي شي جينپيڭنىڭ قۇتتىقتاۋ حاتىنىڭ ءمانى زور، تۇرعىسى بيىك، ادامدى العا باسۋعا جەبەيدى، قالىڭ جاستار مەن جاس وقۋشىلاردىڭ جاڭا جورىقتا اقاۋسىز ەسەيىپ - ەرجەتۋىنە، ەڭبەك ءسىڭىرىپ، يگىلىك جاراتۋىنا زور ءۇمىت ارتىلىپ، جاڭا جاعدايدا جاستار بىرلەستىگى مەن وقۋشىلار بىرلەستىگى قىزمەتىن جاقسى ىستەۋ جونىندە ايقىن تالاپ قويىلدى. قالىڭ جاستار مەن جاس وقۋشىلار ارت - ارتىنان تاپسىرمانى ەستە بەرىك ساقتاپ، ەرلىكپەن العا باسىپ، جاۋاپكەرشىلىك ارقالايتىن جاستىق كوكتەمنىڭ داستانىن قۇلشىنا جازاتىندىقتارىن ءبىلدىردى.

جاستىق كوكتەمنىڭ كۇش - قۋاتىن ارناپ، جاڭا داۋىردەگى جۇڭگو جاستارىنىڭ اسقاق رۋحاني بەت - بەينەسىن ايگىلەۋ كەرەك

باس شۋجي شي جينپيڭ بىلاي دەپ اتاپ كورسەتتى: ”ءار دارەجەلى جاستار بىرلەستىگى مەن وقۋشىلار بىرلەستىگى ۇيىمدارى مىندەت وتەپ، جاۋاپكەرشىلىكتەرىن ادا ەتىپ، بەلسەنە ىسكەرلىك كورسەتىپ، قالىڭ جاستار مەن جاس وقۋشىلاردى پارتياعا ءجىتى ىلەسىپ ايانباي العا ىلگەرىلەۋگە، جاستىق داۋرەننىڭ كۇش - قۋاتىن ارناۋعا ۇيىمداستىرىپ، جۇمىلدىرىپ، جاڭا داۋىردەگى جۇڭگو جاستارىنىڭ اسقاق رۋحاني بەت - بەينەسىن ايگىلەدى“.

مەملەكەتتىك جاستار بىرلەستىگىنىڭ مۇشەسى، جۇڭگو عىلىم اكادەمياسى گۋاڭجوۋ ەنەرگيا زەرتتەۋ ورنى تابيعي گاز گيدراتتارىن زەرتتەۋ ورتالىعى مەڭگەرۋشىسىنىڭ ورىنباسارى ۋاڭ ي تەرەڭ تەڭىزدەگى تابيعي گاز گيدراتتارىن (جانعىش مۇز) اشۋدىڭ نەگىزدىك نازارياسى مەن شەشۋشى تەحنيكاسىن زەرتتەۋگە ۇزاق ۋاقىت دەن قويدى. ”جاس عىلىم - تەحنيكا قىزمەتكەرلەرى جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ ءداۋىر تالابىنا ىرىقتىلىقپەن ۇيلەسىپ، جاساندى زەردە سياقتى جاڭا تەحنيكالارمەن، جاڭا ۇلگىلەرمەن بەلسەنە قاۋىشىپ، عىلمي زەرتتەۋ جەتىستىكتەرىن كاسىپ سالاسىنىڭ دارەجەسىن جوعارىلاتۋدىڭ الدىڭعى لەگىندە قولدانىپ، جوعارى دەڭگەيلى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدى جۇزەگە اسىرۋعا تاسقىنداعان جاستىق قوزعاۋشى قۋات ۇستەۋى كەرەك“.

”قىزمەت ورنىمنان باستاپ ەڭبەك ءسىڭىرىپ، ۇساق ىستەردەن باستاپ ىستەپ، ’كىشى مەن‘ دەيتىن جاستىق كوكتەمدەگى كۇرەستى ’ۇلكەن مەن‘ دەيتىن ءداۋىر اعىمىنا سانالى تۇردە سىڭىرەمىز“. مەملەكەتتىك جاستار بىرلەستىگىنىڭ مۇشەسى، شينجياڭ اقسۋ ايماقتىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتى كۇشار قالالىق ۇلكەن اترەتىنىڭ ساياسي جەتەكشىسى لي يۇنفەي بىلاي دەدى: ”مەن اۋىر حاۋىپسىزدىك حاۋىپ - قاتەرىنەن ساقتانۋ جانە ونى جويۋ، ءتۇرلى اپات، شىرعالاڭدارعا توتەپ بەرۋ، ءبىر جاقتى ەتۋ قابىلەتىمدى ۇزدىكسىز جوعارىلاتىپ، ءورت ءسوندىرۋ، ورتتەن ساقتانۋ حاۋىپسىزدىگى ۇگىت - تاربيەسىن كۇشەيتىپ، پارتيا مەن حالىق قاجەت ەتكەن كەزدە اتويلاپ الدا جۇرەمىن“.

مەملەكەتتىك جاستار بىرلەستىگىنىڭ مۇشەسى، ديدي كىرەشىلىگى عىلىم - تەحنيكا شەكتى سەرىكتەستىگى ۋحان بولىمشە سەرىكتەستىگىنىڭ شوفەرى ۋاڭ لي قالانىڭ كوشەلەرىندە تاپجىلماي، جولاۋشىلارعا حاۋىپسىز، قولايلى قىزمەت كورسەتتى. ”مەن ءوزىمنىڭ قىزمەت وتەۋ ورەمدى ۇزدىكسىز جوعارىلاتىپ، قاراپايىم قىزمەت ورنىمداعى وزگەشە تاباندىلىعىم ارقىلى اۋەلگى ماقساتتى، بورىشتى امالياتتا ايگىلەيمىن. سونىمەن بىرگە، كوپىرلىك، دانەكەرلىك رولىمدى ويداعىداي ساۋلەلەندىرىپ، جاڭادان جۇمىستانعان جاستارعا ويداعىداي قىزمەت وتەيمىن“ دەدى ول.

مەملەكەتتىك وقۋشىلار بىرلەستىگىنىڭ ۋاكىلى، جۇڭگو اۋىل شارۋاشىلىق داشۋەسى جەر بايلىعىن باسقارۋ كاسىبىنىڭ 2023 - جىلدىق تولىق كۋرس وقۋشىسى لي ي - تۇڭ بەيجيڭ شيفان گىجۋاڭ جۋاڭ عىلىم - تەحنيكا شاعىن اۋلاسىنا تامىر تارتىپ، ساباقحاناداعى ۇيرەنۋدى اۋىل - قىستاق امالياتىمەن تىعىز ۇشتاستىردى. ”وقۋشىلار ۇيىمى ءتوراعالار القاسىنىڭ مۇشەسى رەتىندە، مەن يدەيالىق جەتەكشىلىكتى كۇشەيتىپ، جاقسى كوپىر، دانەكەر بولىپ، ساباقتاستارعا اناعۇرلىم كەڭ امالياتتىق تۇعىر ازىرلەپ، ولاردى جاستىق ورال كۇشىمەن اۋىل - قىستاقتى جاپپاي گۇلدەندىرۋدىڭ داۋىرلىك جاۋابىن جازۋعا باستايمىن“ دەدى ول.

پارتيا مەن حالىقتىڭ ۇندەۋىنە سانالى تۇردە قۇلاق اسىپ، مۇرات - سەنىمدى بەكەمدەپ، وتباسى، وتان سۇيىسپەنشىلىگىن نىعايتۋ كەرەك

باس شۋجي شي جينپيڭ بىلاي دەپ اتاپ كورسەتتى: ”قالىڭ جاستار پارتيا مەن حالىقتىڭ ۇندەۋىنە سانالىلىقپەن قۇلاق اسىپ، مۇرات - سەنىمدى بەكەمدەپ، وتان سۇيىسپەنشىلىگىن تەرەڭ تامىر تارتتىرىپ، تاريحي بورىشتى جۇرەكتىلىكپەن ارقالاپ، كەۋدە كەرە جاۋاپكەرشىلىك ارقالايتىن جاستىق داۋرەن تاراۋىن قۇلشىنا جازۋى كەرەك“.

مەملەكەتتىك جاستار بىرلەستىگىنىڭ مۇشەسى، ەركىن شاڭعى تەبۋ سپورتشىسى شۇي مىڭتاۋ بيىل جەكە ءوزى نەگىزگى جارىس تۇرلەرىنەن تۇگەلدەي جۇلدە الۋدى جۇزەگە اسىردى، ول باس شۋجيدىڭ قۇتتىقتاۋ حاتىندا اتاپ كورسەتكەن ”مۇرات - سەنىمدى بەكەمدەپ، وتان سۇيىسپەنشىلىگىن تەرەڭ تامىر تارتتىرۋدان“ تەرەڭ اسەر الدى. ”وتانعا داڭق اپەرۋ سەنىمى مەنىڭ تالاي رەتكى ەڭ جوعارى شەككە سايىس جاريالاپ، ناتيجەمدى جاڭالاۋىما تىرەك بولدى. ءبىز بورىش ارقالاۋدى، كۇرەس جاساۋدا مەن بارمىن دەيتىن جاۋاپكەرشىلىك ارقالاۋدى ساقتاپ، ىسىلعان ونەردى شىڭداپ، ءتىپتى دە كوپ جاستاردى بىرگە كۇرەس جاساۋعا باستاپ، بەس جۇلدىزدى قىزىل تۋدى جارىس الاڭىندا جەلبىرەتەمىز“.

”جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە جاستار زور ىستەردى تىندىرا الادى“. مەملەكەتتىك جاستار بىرلەستىگىنىڭ مۇشەسى، گۋاڭشي لوچىڭ مۋلاۋ اۆتونوميالى اۋداندىق حالىق پروكۋراتۋراسى باس پروكۋرورىنىڭ ورىنباسارى جياڭ ۋەيحۇي مىنانى ءبىلدىردى: ”مەن جاستار مەن ورەندەردىڭ زاڭمەن جونگە سالۋ تاربيەسىن جاسامپازدىقپەن ورىستەتىپ، نەگىزگى ساتىنىڭ قوعامدىق جونگە سالۋىنا بەلسەنە ات سالىسىپ، زاڭمەن جونگە سالۋدىڭ شۇعىلاسىمەن جاستىق كوكتەمنىڭ جەتىلۋ جولىن نۇرلاندىرۋعا قۇلشىنىپ، زاڭمەن جونگە سالىناتىن جۇڭگو قۇرىلىسىن ىلگەرىلەتۋگە جاستىق كوكتەمىمنىڭ كۇش - قۋاتىن ارنايمىن“. مەملەكەتتىك جاستار بىرلەستىگىنىڭ مۇشەسى، حاينان ولكەسى سانشا قالاسى يۇڭشيڭ مەكتەبىنىڭ وقىتۋشىسى حۇڭ مەيشۋ وتاننىڭ ەڭ وڭتۇستىك شەتىندەگى مەكتەپكە تامىر تارتىپ، جاستىق كوكتەمىمەن وتاننىڭ نەگىزدىك وقۋ - اعارتۋىنىڭ ”وڭتۇستىك قاقپاسىن“ قورعادى. ”مەن باس شۋجيدىڭ تاپسىرماسىن ەستە بەرىك ساقتاپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتىنان، بورىشىنان جازباي، جاستىق ورال گۇلىن وتان مەن حالىق ەڭ قاجەت ەتكەن جەردە قۇلپىرتامىن“ دەدى ول.

مەملەكەتتىك ەلەكتر تورابى ۋەيحاي ەلەكترمەن قامداۋ سەرىكتەستىگى ەلەكتردى ۇزبەي جوندەۋ جۇمىس ورتالىعىنىڭ تەحنيكالىق ارناۋلى جاۋاپتىسى سۇڭ حايشيا ەلەكتردى ۇزبەي جوندەۋ جۇمىسىنىڭ ءبىرىنشى شەبىنە تامىر تارتىپ، قالانى ەلەكترمەن ورنىقتى قامتاماسىز ەتۋگە قاتىناستى. ”ءبىز پارتيا مەن حالىقتىڭ ۇندەۋىنە سانالى تۇردە قۇلاق اسىپ، شەشۋشى ساتتە اتويلاپ الدا ءجۇرىپ، كاسىپتىك شەبەرلىكتى ۇزدىكسىز جوعارىلاتىپ، ەلەكتر تورىنىڭ حاۋىپسىز، ورنىقتى اينالىمىنا جاستىق كوكتەمىمىزدى ارناۋىمىز كەرەك“ دەدى ول.

قالىڭ جاستار مەن جاس وقۋشىلاردى پارتيا تۋى استىندا جاڭا جورىققا اتتانىپ، جاڭا ناتيجە جاراتۋعا اناعۇرلىم ويداعىداي ىنتىماقتاستىرۋ جانە باستاۋ كەرەك

باس شۋجي شي جينپيڭ بىلاي دەپ باسا دارىپتەدى: ”جاستار بىرلەستىگى مەن وقۋشىلار بىرلەستىگى ۇيىمدارى دۇرىس ساياسي بەتالىستان جازباي، رەفورما جاساۋدى، جاڭالىق اشۋدى تەرەڭدەتىپ، قالىڭ جاستار مەن جاس وقۋشىلاردى پارتيا تۋى استىندا جاڭا جورىقتا ەكپىندەي ىلگەرىلەپ تىڭ ناتيجە جاراتۋعا اناعۇرلىم جاقسى ىنتىماقتاستىرۋى، جەتەكتەۋى كەرەك“.

”جاستار بىرلەستىگى پارتيانىڭ باسشىلىعىنداعى ەلىمىزدەگى ءار ۇلت، ءار سالا جاستارىنىڭ كەڭ كولەمدى وتانشىلدىق بىرلىكساپ ۇيىمى رەتىندە، جاڭا جورىقتا كەسەك تابىستارعا قول جەتكىزدى“. مەملەكەتتىك جاستار بىرلەستىگىنىڭ باس حاتشىسى، كوممۋنيستىك جاستار وداعى ورتالىق كوميتەتى بىرلىكساپ ءبولىمىنىڭ باستىعى لي دي مىنالاردى ءبىلدىردى: مەملەكەتتىك جاستار بىرلەستىگى باس شۋجي شي جينپيڭنىڭ ماڭىزدى قۇتتىقتاۋ حاتىنىڭ رۋحىن مۇقيات ۇيرەنىپ، دايەكتىلەندىرىپ، جاستىق كوكتەمنىڭ رۋحتى سومداۋ ارەكەتىن، جاستىق كوكتەمنىڭ كۇش - قۋاتىن شوعىرلاندىرۋ ارەكەتىن، جاستىق كوكتەمنىڭ ۇلەس قوسۋ ارەكەتىن، جاستار كۇش قوسۋ ارەكەتىن، جاستار قول ۇستاسۋ ارەكەتىن اتقارىپ، پارتياعا ادال، ومىرشەڭدىك كۇشكە تولى، اينالىمى ارناعا تۇسكەن، ستيلى تاماشا جاستار بىرلەستىگى ۇيىمىن كۇش سالا قۇرادى.

”باس شۋجي شي جينپيڭنىڭ ماڭىزدى قۇتتىقتاۋ حاتىن ۇيرەنگەندە، مەن باس شۋجيدىڭ جاس وقۋشىلارعا دەگەن شىنايى ءۇمىتىن جانە وقۋشىلار بىرلەستىگى قىزمەتىنە وسكەلەڭ ءمان بەرەتىندىگىن تەرەڭ سەزىندىم“. مەملەكەتتىك وقۋشىلار بىرلەستىگىنىڭ 28 - كەزەكتى ءتوراعاسى، بەيجيڭ داشۋەسىنىڭ وقۋشىسى لي ۋىندو بىلاي دەدى: ”وقۋشىلار بىرلەستىگى مەن وقۋشىلار ۇيىمى تاپسىرمانى ەستە بەرىك ساقتاپ، دۇرىس ساياسي بەتالىستى بەكەمدەپ، رەفورما جاساپ، جاڭالىق اشۋدى تەرەڭدەتىپ، قالىڭ جاستاردى پارتيا مەن حالىقتىڭ ۇندەۋىنە سانالى تۇردە قۇلاق اسۋعا جەتەكتەپ، ءوزىنىڭ ەسەيىپ - ەرجەتۋىنە، دارىندى بولۋىنا مۇمكىندىك جاساپ، مەملەكەتتىڭ قۇدىرەتتەنۋىمەن، ۇلتتىڭ گۇلدەنۋىمەن بىرگە العا باسۋى كەرەك“.

تاياۋدا بەيجيڭ قالاسى حايديان رايونى 2025 - جىلعى جۇڭگۋانسۇننەن مەكتەپ ءبىتىرۋ ماۋسىمدىق قيمىلىن وتكىزىپ، جاستاردى ساياساتتىق سالەمدەمە، ”ءبىر بەكەتتىك“ ۇشتاستىرۋ تۇعىى جانە يگىلىك جاراتۋ قىزمەت وتەۋىمەن قامداپ، جاستاردىڭ تۇرعىن ءۇي، جۇمىستانۋ سياقتى ماسەلەلەردى شەشۋىنە كومەكتەستى. ”ءبىز جاستار بىرلەستىگى ۇيىمىنىڭ رولىن ويداعىداي ساۋلەلەندىرىپ، جاستاردى كەڭ كولەمدە ۇيىمداستىرىپ، جاستارعا شىنايى قىزمەت وتەپ، جاستاردىڭ مۇڭ - مۇقتاجىن شەشۋىنە كومەكتەسىپ، قالىڭ جاستاردىڭ ەڭبەك ءسىڭىرىپ، ۇلەس قوسۋىنا شارت - جاعداي ازىرلەۋىمىز كەرەك“ دەدى كوممۋنيستىك جاستار وداعى بەيجيڭ قالاسى حايديان رايوندىق كوميتەتىنىڭ شۋجيى، رايوندىق جاستار بىرلەستىگىنىڭ ءتوراعاسى رىن ي - ديڭ.

”قوعامدىق قىزمەت وتەۋدە مەن باس شۋجي شي جينپيڭنىڭ ىقىلاستى تاپسىرماسىن قاي - قاشان دا ەسىمدە بەرىك ساقتاپ، جاستاردى اناعۇرلىم كەڭ كولەمدە ىنتىماقتاستىرىپ، جاستارعا قىزمەت وتەپ، اناعۇرلىم كوپ جاستاردى جۇمىستانۋ، شارۋاشىلىق قۇرۋ، باعىتتامالى كومەكتەسۋ، اۋىل - قىستاقتى گۇلدەندىرۋ بارىسىندا رولىن ساۋلەلەندىرۋگە جەتەكتەپ، جاستىق ورالىمدى پارتيا مەن حالىق ىستەرى ءۇشىن ايانباي ۇلەس قوسۋ بارىسىندا قۇلپىرتامىن“ دەدى مەملەكەتتىك جاستار بىرلەستىگىنىڭ مۇشەسى، شاڭحاي ي - شى الەۋمەتتىك يگىلىك مادەنيەتىن دامىتۋ ورتالىعىنىڭ باس القاسى لي لەي.

كەلۋ قاينارى: حالىق تورابى