مەملەكەتتىك كەڭەس قۇجات شىعارىپ، شاڭحاي ەركىن ساۋدا سىناق رايونىنىڭ 77 سىناق ءتۇيىنى شاراسىن كوشىرىپ جالپىلاستىردى

شينحۋا اگەنتتىگى، 7 - ايدىڭ 3 - كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا باسىپ تاراتقان «ەركىن ساۋدا سىناق رايونىنىڭ حالىقارالىق جوعارى ولشەمدى ەكونوميكا - ساۋدا ەرەجەسىمەن جاپپاي ۇشتاسىپ، جوعارى ورەدەگى تۇزىمدىك ەسىك اشۋدى تۇيىندە سىناق ەتۋ شارالارىن كوشىرىپ جالپىلاستىرۋ قىزمەتىن ويداعىداي ىستەۋ جونىندەگى ۇقتىرۋ» 7 - ايدىڭ 3 - كۇنى سىرتقا جاريالاندى.

ۇقتىرۋعا ساي، وسى رەت كوشىرىپ جالپىلاستىرىلعان 77 ءتۇرلى سىناق ءتۇيىنى شاراسى قىزمەت وتەۋ ساۋداسى، زات ساۋداسى، سيفرلى ساۋدا، ءبىلىم مەنشىك ۇقىعىن قورعاۋ، ۇكىمەتتىك ساتىپ الۋ رەفورماسى، ”شەكارادان كەيىنگى“ باسقارۋ ءتۇزىمى رەفورماسى، حاۋىپ - قاتەردەن ساقتانۋ جانە ونى تىزگىندەۋ سياقتى 7 جاقتى قامتيدى. مۇنىڭ ىشىندە سيفرلى حالىق اقشاسىنىڭ تۇيىندە قولدانىلۋىن سىناق ەتۋدە جاڭالىق اشۋدى كۇشەيتۋ، ەل ارالىق سەرىكتىكتەردىڭ شەكارا اتتاعان قارجىسىن شوعىرلى اينالىمعا سالۋدى باسقارۋ ساياساتىن ساپالىلاندىرۋ، ساندى مالىمەتتەردى شەكارادان شىعارۋدىڭ شەكتەلگەن سالالار تىزىمدىگىن جاساۋ، ەلەكتروندىق زات الۋ تالونى سياقتى ەلەكتروندىق تالونداردىڭ قولدانىلۋىن ىلگەرىلەتۋ، ەڭبەك قاتىناسىن سايكەستىرۋدىڭ ءۇش جاق مەحانيزمىن اقاۋسىزداندىرۋ، سايكەستىرۋ سياقتى 34 ءتۇرلى شارا باسقا ەركىن ساۋدا سىناق رايوندارىنا كوشىرىلىپ جالپىلاستىرىلدى؛ ەلەكتروندىق تولەۋدىڭ شەكارا اتتاپ قولدانىلۋىن ىلگەرىلەتۋ، ساۋدالىق قۇپيا سيفردى تەكسەرۋ، كۋالاندىرۋ ناتيجەسىنە دەم بەرۋ، ساندى مالىمەت حاۋىپسىزدىگىن باسقارۋ، كۋالاندىرۋ ءتۇزىمىن اتقارۋ، ۇكىمەت ىستەرى ساندى مالىمەتتەرىن اشىق ۇستاۋدى تارتىپپەن ىلگەرىلەتۋ، ۇكىمەتتىك ساتىپ الۋ تەكشەسىنىڭ سيفرلانۋ دەڭگەيىن جوعارىلاتۋ سياقتى 43 ءتۇرلى شارا بۇكىل ەلگە كوشىرىپ جالپىلاستىرىلاتىن بولدى.

ۇقتىرۋدا بىلاي دەپ اتاپ كورسەتىلدى: 2023 - جىلى 11 - ايدا مەملەكەتتىك كەڭەس «حالىقارالىق جوعارى ولشەمدى ەكونوميكا - ساۋدا ەرەجەسىمەن جاپپاي ۇشتاستىرىپ، جۇڭگو (شاڭحاي) ەركىن ساۋدا سىناق رايونىنىڭ جوعارى دەڭگەيدەگى تۇزىمدىك ەسىك اشۋىن ىلگەرىلەتۋ جالپى تۇلعالىق جوباسىن» باسىپ تاراتىپ، شاڭحاي ەركىن ساۋدا سىناق رايونىنىڭ حالىقارالىق جوعارى ولشەمدى ەكونوميكا - ساۋدا ەرەجەسىمەن جاپپاي ۇشتاسىپ، الدىمەن اتقارىپ، الدىمەن سىناق ەتۋىنە قولداۋ كورسەتىپ، مەملەكەتتىك تۇزىمدىك ەسىك اشۋدان ۇلگى كورسەتۋ رايونىن قۇردى. ءبىر جىلدان استام ۋاقىت تۇيىندە سىناق ەتۋ سىناعى ارقىلى جەتەكشىلىك، بەلگى سيپاتتى ءبىر توپ تۇزىمدە جاڭالىق جاراتۋ ورىستەتىلىپ، ءبىرشاما جوعارى قۇنعا يە ءبىر توپ وزىق تاجىريبە مەن تيپتىك مىسالدار قالىپتاستى.

ۇقتىرۋدا مىنالار تالاپ ەتىلدى: ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، شاڭحاي ەركىن ساۋدا سىناق رايونىنىڭ تۇزىمدىك ەسىك اشۋدى تۇيىندە سىناق ەتۋ تاجىريبەسىنەن ويداعىداي پايدالانىپ، جەرگىلىكتى جاعدايعا قاراي كوشىرىپ جالپىلاستىرۋ قىزمەتىن ويداعىداي ىستەپ، كاسىپورىندار مەن بۇقارا شۇعىل قاجەت ەتىپ وتىرعان تۇيىندە سىناق ەتۋ شارالارىن ءتۇيىندى تۇردە ىلگەرىلەتىپ، تۇزىمدە جاڭالىق جاراتۋدىڭ پايداسىن اناعۇرلىم كەڭ كولەمدە تاراتىپ، جوعارى دەڭگەيدەگى ەسىك اشۋ ارقىلى تەرەڭ قاتپارلى رەفورمانى، جوعارى ساپالى دامۋدى ىلگەرىلەتۋ كەرەك.