9 تاراۋ قۇجات شىعارىپ، 2025 – جىلعى وتباسىلىق قىزمەت وتەۋ ارقىلى اۋىل شارۋاشىلىعىن گۇلدەندىرۋ ارەكەتىن ىشكەرىلەي اتقاردى

شينحۋا اگەنتتىگىنىڭ 7 – ايدىڭ 7 – كۇنى بەيجيڭنەن بەرگەن حابارى. ءتىلشىنىڭ 7 – ايدىڭ 7 – كۇنى ساۋدا مينيسترلىگىنەن ۇعىسۋىنشا، تاياۋدا ساۋدا مينيسترلىگى قاتارلى 9 تاراۋ «2025 – جىلعى وتباسىلىق قىزمەت وتەۋ ارقىلى اۋىل شارۋاشىلىعىن گۇلدەندىرۋ ارەكەتى قىزمەت جوباسىن» بىرلەسىپ باسىپ تاراتىپ، 4 جاقتان 14 ءتۇرلى قىزمەت مىندەتىن ورتاعا قويىپ، وتباسىلىق قىزمەت وتەۋ ارقىلى اۋىل شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، وتباسىلىق قىزمەت وتەۋمەن قامداۋدى كەڭەيتۋدى ىلگەرىلەتىپ، وتباسىلىق قىزمەت وتەۋ تۇتىنۋىن جەبەپ، اۋىل – قىستاقتىڭ جاپپاي گۇلدەنۋىنە دەم بەرەدى.

قىزمەت جوباسىندا مىنالار العا قويىلدى: اۋىل ـ قىستاق ەڭبەككۇشتەرىنىڭ وتباسىلىق قىزمەت وتەۋ سالاسىندا جۇمىستانۋىنا قولداۋ كورسەتىپ، تۇرمىستىق قىزمەت وتەۋگە ادام قابىلداۋ ماۋسىمى قيمىلىن ورىستەتىپ، جەر ـ جەردەگى جۇمىسشى ۇيىمدارىنىڭ ”جۇمىسشى ۇيىمىنىڭ جۇمىستانۋعا كومەكتەسۋ ارەكەتىن“ ورىستەۋىنە جەتەكشىلىك ەتىپ، وتباسىلىق قىزمەت وتەۋدى الەۋمەتتىك اۋماقتارعا جەتكىزۋدى ىلگەرىلەتىپ، وتباسىلىق قىزمەت وتەۋدى ۇشتاستىرۋ ارەكەتىن ۇزدىكسىز ورىستەتۋ كەرەك؛ اۋىل - قىستاق ەڭبەككۇشتەرىنىڭ وتباسىلىق قىزمەت وتەۋ سالاسىنداعى كاسىپتەنۋ قابىلەتىن جوعارىلاتىپ، وتباسىلىق قىزمەت وتەۋشىلەردىڭ تەحنيكالىق دارەجەسىن جوعارىلاتۋدى ىلگەرىلەتىپ، وتباسىلىق كاسىپتىك وقۋ - اعارتۋدىڭ دامۋىن جەدەلدەتىپ، وتباسىلىق قىزمەت وتەۋ كاسىبىندە ءوندىرىس پەن وقىتۋدىڭ توعىسۋىن تەرەڭدەتىپ، وتباسىلىق قىزمەت وتەۋ ولشەمى جۇيەسىن كەمەلدەندىرۋ كەرەك.

قىزمەت جوباسىندا تاعى مىنالار العا قويىلدى: اۋىل ـ قىستاق ەڭبەككۇشتەرىنىڭ وتباسى ىستەرى سالاسىندا جۇمىستانۋىن قامتاماسىز ەتۋدى كەمەلدەندىرىپ، تۇرعىن ۇيمەن قامتاماسىز ەتۋدى كۇشەيتىپ، قالاعا كىرگەن وتباسىلىق قىزمەت وتەۋشىلەرىنىڭ نەگىزگى الەۋمەتتىك قىزمەت وتەۋدەن تەڭ يگىلىكتەنۋىنە، جەرگىلىكتى قوعامعا تەز ارادا توعىسۋىنا ءتيىمدى شارت ـ جاعداي ازىرلەپ، قوعامدىق قامتاماسىزداندىرۋدى كۇشەيتۋ كەرەك؛ اۋىل - قىستاق ەڭبەككۇشتەرىنىڭ وتباسىلىق قىزمەت وتەۋ سالاسىندا شارۋاشىلىق قۇرۋىنا، جۇمىستانۋىنا قىزمەت وتەۋدى ويداعىداي ىستەپ، وتباسىلىق قىزمەت وتەۋ سياقتى كاسىپتىك جوعارى مەكتەپ بىتىرگەن وقۋشىلار، قالاعا كىرگەن وتباسىلىق قىزمەت وتەۋشىلەر جانە ايەلدەر سياقتى قاۋىمنىڭ جۇمىستانۋىنا، شارۋاشىلىق قۇرۋىنا قولداۋ كورسەتىپ، وتباسىلىق قىزمەت وتەۋ كاسىبىمەن شۇعىلدانۋشىلاردىڭ كاسىپتىك داڭق سەزىمىن، تاۋەلدىلىك سەزىمىن كۇشەيتىپ، باجى - اقى ساياساتىن ۇگىتتەۋدى، باۋلۋدى كۇشەيتىپ، وتباسىلىق قىزمەت وتەيتىن كاسىپورىنداردىڭ ساياساتتىق پايدادان يگىلىكتەنۋىن جەبەۋ كەرەك.

ۇعىسۋعا قاراعاندا، كەلەسى قادامدا ساۋدا مينيسترلىگى قاتىستى تاراۋلارمەن بىرگە وتباسىلىق قىزمەت وتەۋ ارقىلى اۋىل شارۋاشىلىعىن گۇلدەندىرۋگە قاتىستى ساياساتتىق شارالاردى ويداعىداي تياناقتاندىرىپ، وتباسىلىق قىزمەت وتەۋ كاسىبىنىڭ حالىق تۇرمىسىنا تيىمدىلىك جاساۋ، جۇمىسقا ورنالاستىرۋدى ورنىقتىرۋ، تۇتىنۋدى جەبەۋ جاعىنداعى ماڭىزدى رولىن اناعۇرلىم ساۋلەلەندىرىپ، اۋىل ـ قىستاقتىڭ جاپپاي گۇلدەنۋىن ىلگەرىلەتۋگە دەم بەرەدى.

كەلۋ قاينارى: حالىق تورابى