كوڭىل بولىڭىزدەر! 7 – ايدىڭ 10 – كۇنىنەن 12 – كۇنىنە دەيىن شينجياڭنىڭ كوپ جەرىندە كۇشتى جاۋىن ـ شاشىن بولادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، 7 – ايدىڭ 10 – كۇنىنەن 12 – كۇنىنە دەيىن شينجياڭنىڭ كوپ جەرىندە كۇشتى جاۋىن ـ شاشىن بولادى، مۇنىڭ ىشىندە ىلە اڭعارى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، قۇمىل قالاسى قاتارلى جەرلەردە نوسەر جاۋادى. شينجياڭ اۋا رايى ستانسياسى مىنانى ەسكەرتتى: وسى رەتكى اۋا رايى بارىسىندا جوعارىداعى وڭىرلەردىڭ جاۋىن - شاشىن مولشەرى مول، ونىڭ ۇستىنە الدىڭعى مەزگىلدە ءۇرتىس جوعارى تەمپەراتۋرا بولعاندىقتان قاسات قارلار ەريدى، ءىشىنارا جەرلەردە ارالاس تاسقىن وڭاي تۋىلادى، قاتىستى تاراۋلاردىڭ ساقتانۋدى كۇشەيتۋىن ۇسىنىس ەتەمىز.

الدىن الا مالىمەتتە كورسەتىلۋىنشە، 7 – ايدىڭ 9 – كۇنى تۇننەن 12 – كۇنى تۇنگە دەيىن سولتۇستىك شينجياڭنىڭ باسىم كوپ بولەگى مەن وڭتۇستىك شينجياڭنىڭ باتىس بولەگى، بايىنعولىن موڭعۇل اۆتونوميالى وبلىسىنىڭ سولتۇستىك بولەگى، كۇنلۇن تاۋىنىڭ سولتۇستىك بەتكەيى، قۇمىل قالاسى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، مۇنىڭ ىشىندە سولتۇستىك شينجياڭنىڭ باتىس سولتۇستىك بولەگى، شىحىزى قالاسىنىڭ وڭتۇستىك بولەگىندەگى تاۋلى وڭىرلەر، ءۇرىمجى قالاسىنىڭ تاۋلى وڭىرلەرى، سانجى حۇيزۋ اۆتونوميالى وبلىسىنىڭ تاۋلى وڭىرلەرى، قاشقار ايماعىنىڭ وڭتۇستىك بولەگى، قىزىلسۋ قىرعىز اۆتونوميالى وبلىسى، حوتان ايماعىنىڭ وڭتۇستىك بولەگى، بايىنعولىن موڭعۇل اۆتونوميالى وبلىسىنىڭ تاۋلى وڭىرلەرى، قۇمىل قالاسى قاتارلى جەرلەردىڭ ءىشىنارا وڭىرلەرىندە قالىڭ جاڭبىر جاۋادى، ءىشىنارا جەرلەردە نوسەر جاۋادى، جوعارىدا ايتىلعان وڭىرلەردە قىسقا ۋاقىت ىشىندە كۇشتى جاۋىن - شاشىن، ناجاعايلى بوران، بۇرشاق قاتارلى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور. كۇشتى جاۋىن - شاشىن قاشقار ايماعىنىڭ، حوتان ايماعىنىڭ تاۋلى وڭىرلەرىندە 7 – ايدىڭ 9 – كۇنى تۇننەن 10 – كۇنى تۇنگە دەيىن؛ ىلە اڭعارىندا، بۇراتالا موڭعۇل اۆتونوميالى وبلىسىندا، تارباعاتاي ايماعىندا، شىحىزى قالاسىندا 7 – ايدىڭ 10 – كۇنى تۇننەن 11 – كۇنى كۇندىزگە دەيىن؛ قۇمىل قالاسىندا 7 – ايدىڭ 11 – كۇنى تۇندە جارىققا شىعادى.

جاۋىن - شاشىنعا ىلەسە، 7 – ايدىڭ 10 - كۇنىنەن 12 – كۇنىنە دەيىن سولتۇستىك شينجياڭ، تۇرپان قالاسى، قۇمىل قالاسى جانە وڭتۇستىك شينجياڭنىڭ باتىس بولەگىندە باتىس سولتۇستىكتەن 6 بال اينالاسىندا بوران سوعادى، جەل وتىندە 10 دا 11 بالعا جەتەدى؛ وڭتۇستىك شينجياڭداعى ويپاتتاردىڭ شىعىس بولەگىندە قيىس شىعىستان 5 بال اينالاسىندا جەل سوعادى، مەزەتتىك جەل 8 دە 9 بالعا جەتەدى، ءىشىنارا جەرلەردە قۇمدى بوران سوعادى. شينجياڭ اۋا رايى ستانسياسى مىنانى ەسكەرتتى: قۇمدى بوران قاتىناس، ساياحات، ەلەكتر قۋاتى، حابارلاسۋ قۇرىلعىلارى، فوتوۆولت قۇرىلعىلارى قاتارلىلارعا ءتيىمسىز ىقپال جاسايدى، قاتىستى تاراۋلاردىڭ حاۋىپسىزدىكتى ويداعىداي مەڭگەرۋىن ۇسىنىس ەتەمىز.

ءۇرىمجى قالاسىندا 7 – ايدىڭ 11 – كۇنى تۇننەن 12 – كۇنى كۇندىزگە دەيىن سەبەزگى جاڭبىر جاۋادى، باتىس سولتۇستىكتەن 4 بال جەل سوعادى، 7 – ايدىڭ 12 – كۇنى كۇندىزگى ەڭ جوعارى تەمپەراتۋرا 28 سەلتسي گرادۋس، تۇنگى ەڭ تومەن تەمپەراتۋرا 19 سەلتسي گرادۋس بولادى.

كەلۋ قاينارى: حالىق تورابى