«شي جينپيڭ ەكولوگيالىق وركەنيەت جونىندەگى شىعارمالارىنان تاڭدامالىلاردىڭ» 1 ـ تومى باسپادان شىعىپ تاراتىلدى

شينحۋا اگەنتتىگىنىڭ 7 ـ ايدىڭ 6 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ ورنى رەداكسيالاعان «شي جينپيڭ ەكولوگيالىق وركەنيەت جونىندەگى شىعارمالارىنان تاڭدامالىلاردىڭ» 1 ـ تومى تاياۋدا ورتالىق حۇجات باسپاسىنان باسىلىپ شىعىپ، بۇكىل ەلدە تاراتىلدى.

پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ماڭگى دامۋ تۇرعىسىن شىعار ءتۇيىن ەتىپ، ەكولوگيالىق وركەنيەت قۇرىلىسىنىڭ جاڭا داۋىردەگى جۇڭگوشا سوتسياليزم ىستەرىندەگى ماڭىزدى ورنى مەن ستراتەگيالىق ءمانىن تەرەڭ يگەرىپ، ەكولوگيالىق وركەنيەت جونىنەن نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى كۇش سالا ىلگەرىلەتىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، ەلىمىزدىڭ ەكولوگيالىق وركەنيەت قۇرىلىسىندا نازاريادان امالياتقا دەيىن تاريحي سيپاتتى، بۇرىلىس سيپاتتى، جالپى جاعداي سيپاتتى وزگەرىس تۋىلۋىنا جەتەكشىلىك ەتىپ، كورىكتى جۇڭگو قۇرىلىسىندا كەلەلى قادام تاستاپ، شي جينپيڭ ەكولوگيالىق وركەنيەت يدەياسىن قالىپتاستىردى. شي جينپيڭ ەكولوگيالىق وركەنيەت يدەياسى — شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋدىڭ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدىڭ كەلەلى جەتىستىگى، ول پارتيامىزدىڭ ەكولوگيالىق وركەنيەت قۇرىلىسىنىڭ زاڭدىلىعى جونىندەگى تانىمىن تىڭ دەڭگەيگە كوتەرىپ، كورىكتى جۇڭگو قۇرىلىسى ارقىلى ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جاپپاي ىلگەرىلەتۋگە ءتۇبىرلى بويسۇنۋ ولشەمىن ازىرلەدى.

«شي جينپيڭ ەكولوگيالىق وركەنيەت جونىندەگى شىعارمالارىنان تاڭدامالىلاردىڭ» 1 ـ تومىنا شي جينپيڭ جولداستىڭ 2012 ـ جىلى 12 ـ ايدان 2025 ـ جىلى 4 ـ ايعا دەيىنگى مەزگىلدەگى ەكولوگيالىق وركەنيەت قۇرىلىسى جونىندەگى ەڭ ماڭىزدى، ەڭ نەگىزگى شىعارمالارى ەنگىزىلىپ، ۋاقىت ءتارتىبى بويىنشا ورنالاستىرىلدى، بايانداما، ءسوز، لەكسيا، نۇسقاۋ، بەكىتۋ سياقتىلاردان جيىنى 79 شىعارما ەنگىزىلگەن. ءبىر ءبولىم شىعارمالار تۇڭعىش رەت اشىق جاريالاندى.

«شي جينپيڭ ەكولوگيالىق وركەنيەت جونىندەگى شىعارمالارىنان تاڭدامالىلاردىڭ» 1 ـ تومىنىڭ باسپادان شىعىپ تاراتىلۋى بۇكىل پارتيانىڭ، بۇكىل ەلدەگى ءار ۇلت حالقىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنۋىنە، دايەكتىلەندىرۋىنە قۇزىرلى وقۋلىق ازىرلەدى، ول قالىڭ كادرلار مەن بۇقارانىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تۇنىق سۋ، جاسىل تاۋ — باعالى بايلىق ۇستانىمىن بەرىك ورناتىپ جانە امالياتتا ايگىلەپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن بۇلجىماي ءجۇرىپ، جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەدەل ىلگەرىلەتىپ، كورىكتى جۇڭگو قۇرىلىسىن جاپپاي ىلگەرىلەتىپ، جۇڭحۋا ۇلتىنىڭ ماڭگى دامۋىن جۇزەگە اسىرۋعا كەڭ بولاشاق اشۋ جونىنەن ماڭىزدى مانگە يە.