شي جينپيڭ امەريكا ماريلاند شتاتىنىڭ جاستار مەن ورەندەر پيك دوبى مادەنيەت اۋىس ـ كۇيىسى بويىنشا جۇڭگوعا ساپارلاۋ ۇيىرمەسىندەگى وقىتۋشى ـ وقۋشىلارعا اۋىزشا جاۋاپ قايتاردى

شينحۋا اگەنتتىگىنىڭ 7 ـ ايدىڭ 6 ـ كۇنى بەيجيڭنەن بەرگەن حابارى. تاياۋدا مەملەكەت ءتوراعاسى شي جينپيڭ الداعى 5 جىلدا امەريكالىق 50 مىڭ جاس پەن ورەندى جۇڭگوعا كەلىپ اۋىس ـ كۇيىس جاساۋعا، ۇيرەنۋگە ۇسىنىس ەتۋ باستاماسىنا قاتىناسىپ، جۇڭگودا ساپاردا بولعان امەريكا ماريلاند شتاتى مونتگومەري اۋدانى جاستار مەن ورەندەر پيك دوبى مادەنيەت اۋىس ـ كۇيىسى بويىنشا جۇڭگوعا ساپارلاۋ ۇيىرمەسىندەگى وقىتۋشى ـ وقۋشىلارعا اۋىزشا جاۋاپ قايتاردى.

شي جينپيڭ مىنالاردى ءبىلدىردى: سەندەردىڭ جۇڭگوداعى ساپارلارىڭنىڭ تابىستى بولعاندىعىن قۇتتىقتايمىن، پيك دوبى سىندى وسى سپورتتىڭ جۇڭگو - امەريكا ەكى ەل جاستارى مەن ورەندەرى اۋىس ـ كۇيىسىنىڭ جاڭا دانەكەرىنە اينالعاندىعىن كورىپ قاباعات قۋاندىم. جۇڭگو - امەريكا قارىم ـ قاتىناسىنىڭ بولاشاعى جاستاردا، سىزدەردىڭ ەكى ەل دوستىعىنىڭ جاڭا ۇرپاق ەلشىسى بولىپ، ەكى ەل حالقىنىڭ دوستىعىن نىعايتۋعا اناعۇرلىم زور ۇلەس قوسۋلارىڭىزدى ءۇمىت ەتەمىن.

وسىدان بۇرىن امەريكا ماريلاند شتاتى مونتگومەري اۋدانى جاستار مەن ورەندەر پيك دوبى مادەنيەت اۋىس ـ كۇيىسى بويىنشا جۇڭگوعا ساپارلاۋ ۇيىرمەسىندەگى وقىتۋشى ـ وقۋشىلار ءتوراعا شي جينپيڭگە حات جولداپ، ءتوراعا شي جينپيڭنىڭ ”5 جىلدا 50 مىڭ جاس پەن ورەندى جۇڭگوعا كەلىپ اۋىس ـ كۇيىس جاساۋعا، ۇيرەنۋگە ۇسىنىس ەتۋ“ باستاماسىن العا قويعانىنا العىس ايتىپ، بيىل 4 ـ ايدا جۇڭگوعا ساپارلاي كەلگەن ءارى پيك دوبى بويىنشا اۋىس ـ كۇيىس جاساعان كەشىرمەلەرىن تانىستىرىپ، سول رەتكى ساپاردا جۇڭگولىق جاس ءوسپىرىم دوستارمەن ۇمىتىلماس دوستىق ورناتقاندىقتارىن، جۇڭگو جاستارى جانە ورەندەرىن ۇسىنىس ەتىپ ولاردىڭ امەريكادا ساپاردا بولۋىن ءۇمىت ەتەتىندىكتەرىن ءبىلدىردى.