دامىپ جاتقان جۇڭگو丨سيىر قورا حالىقتىق قونالقىعا اينالىپ، قىستاق تۇرعىندارى بىرگە اۋقاتتاندى 

حىبەي ولكەسى چىڭدى قالاسى ۋەيچاڭ مانزۋ – موڭعۇل اۆتونوميالى اۋدانى قالقا قالاشىعى 83 – ءنومىرلى قىستاعىنىڭ تۇرعىنى فۋ چۇڭمين تىلشىگە: ”بۇرىن ءبىزدىڭ اۋلامىزداعىلار نەگىزىنەن سيىر باعاتىن، جاڭبىر جاۋسا بولدى اۋلاعا سۋ ەتىكسىز كىرۋگە بولمايتىن، ساسىق ءيىس مۇڭكىپ تۇراتىن، قازىر حالىقتىق قونالقى اشىپ، سيىردى قىستاقتا جاڭادان ولشەمدەندىرىپ سالىنعان باعۋ اۋماعىنا كوشىردىك، كىرىسىمىز بۇرىنعىدان جوعارىلادى، بۇرىنعىدان گورى ورنىقتى، كىرىسىمىز جاقسى بولعان كەزدە 100 نەشە مىڭ يۋانعا جەتەدى!“ دەيدى.

سۋرەتتە: قالقا قالاشىعى 83 – ءنومىرلى قىستاق. حالىق تورابىنىڭ ءتىلشىسى لي جاۋمين فوتوسى

سۋرەتتە: قالقا قالاشىعى 83 – ءنومىرلى قىستاق. حالىق تورابىنىڭ ءتىلشىسى لي جاۋمين فوتوسى

نىساننىڭ جاۋاپتىسى ليۋ شياۋمين: ”ۋەيچاڭ ورمانداعى قونالقىلار شوعىرى ەكولوگيالىق مادەنيەت قۇرىلىسى نىسانى ەرەكشەلىككە يە تابيعي تاۋ – وزەن، ورمان كورىنىسىنە ارقا سۇيەي وتىرىپ، وسىزامانعى ەستەتيكا فورماسىمەن ۇشتاستىرىپ، ەكولوگيالىق قىستاق، اۋىل شارۋاشىلىعى سالاسى بويىنشا زەرتتەپ ۇيرەنۋ قىستاعى قاتارلى ۋنيۆەرسال تيپتەگى ەكولوگيالىق مادەنيەت – ساياحاتتاعى تارتىمدى ورىنداردى قالىپتاستىردى“ دەپ تانىستىردى، نىسان حالىقتىق قونالقى، قونالقىلار شوعىرى ايالداماسى جانە قالقا ورمان الاڭى اسحاناسىن قامتىپ، جۇلدىزدى اسپان كىتاپحاناسى، ليەيۋان اراساندى قالاشىعى، ”ون ليلىك كورىنىس ءدالىزى“، ليڭجى شيانگۋ قاتارلى تولىسقان مادەنيەت – ساياحات ماركالارىمەن بىرگە كاسىپ سالاسى شوعىرىن قالىپتاستىرىپ، تۇتىنۋشىلاردى تۇتىنۋ ارقىلى كەدەيلەردى سۇيەمەلدەۋگە قاتىناسۋعا جەتەلەپ، اۋىل – قىستاقتى گۇلدەندىرۋدى ىلگەرىلەتتى.

سۋرەتتە: ورمانداعى قونالقى شوعىرى كىتاپحاناسى. حالىق تورابىنىڭ ءتىلشىسى لي جاۋمين فوتوسى

سۋرەتتە: ورمانداعى قونالقى شوعىرى. حالىق تورابىنىڭ ءتىلشىسى لي جاۋمين فوتوسى

تانىستىرۋعا قاراعاندا، اتالعان قونالقى شوعىرى مەجەمەن بيىل 7 – ايدىڭ 15 - كۇنىنەن باستاپ رەسمي ىسكە قوسىلىپ، ورماندا سەيىلدەۋ، دەمالۋ، ءدامدى تاعامداردى تاتىپ كورۋ قاتارلى كوپ ءتۇرلى قىزمەت وتەۋدى ءبىر تۇلعالاندىرعان ”ۋەيچاڭ ورمانداعى قونالقى شوعىرى“ تاڭداۋلى ماركاسىن قالىپتاستىرادى. ۋەيچاڭ مانزۋ – موڭعۇل اۆتونوميالى اۋدانىنىڭ مادەنيەت – ساياحات كىرىسىن مەجەمەن ءبىر ميلليون 200 مىڭ يۋان ارتتىرىپ، سول ماڭداعى داۋبازى اۋىلى چازىشاڭ قىستاعى مەن قالقا قالاشىعى 83 – قىستاعىنداعى 100 نەشە ادامدى جۇمىستاندىرادى، اۋىل شارۋاشىلىعى ونىمدەرىن ساتۋدان تۇسكەن كىرىس 600 مىڭ يۋان بولىپ، ”تۇنىق سۋ، جاسىل تاۋدى“ ”باعا جەتپەس بايلىققا“ ءونىمدى تۇردە اينالدىرادى. (فىڭ ياتاۋ، لي حاۋياڭ، لي جاۋمين، جۋ تيڭشىڭ، جۋ لۇڭچاۋ، ياڭ ۋىنجۋان)

سۋرەتتە: ورمانداعى قونالقى شوعىرى كىتاپحاناسى. حالىق تورابىنىڭ ءتىلشىسى لي جاۋمين فوتوسى

سۋرەتتە: قالقا قالاشىعى 83 – ءنومىرلى قىستاقتىڭ اۋەدەن تۇسىرىلگەن سۋرەتى. حالىق تورابىنىڭ ءتىلشىسى لي جاۋمين فوتوسى

كەلۋ قاينارى: حالىق تورابى