بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.08.22 15:50 كەلۋ قاينارى : حالىق تورابى
جۇڭگو كوممۋنيستىك پارتياسى شيزاڭ اۆتونوميالى رايوندىق كوميتەتى، شيزاڭ اۆتونوميالى رايوندىق حالىق قۇرىلتايى تۇراقتى كوميتەتى، شيزاڭ اۆتونوميالى رايوندىق حالىق ۇكىمەتى، شيزاڭ اۆتونوميالى رايوندىق ساياسي كەڭەس، شيزاڭ اسكەري رايونى:
شيزاڭ اۆتونوميالى رايونى قۇرىلعاندىعىنىڭ 60 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى شيزاڭ اۆتونوميالى رايونىنداعى ءار ۇلت كادر - بۇقاراسىن، ءار سالا قايراتكەرلەرىن جانە شيزاڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىن، قارۋلى ساقشى بولىمدەرىنىڭ وفيتسەر - اسكەرلەرىن جانە ساياسي - زاڭ كادر - ساقشىلارىن، شيزاڭنىڭ قۇرىلىسىنا قاتىناسقان جانە كومەكتەسكەن، شيزاڭنىڭ دامۋىنا، العا باسۋىنا كوڭىل بولگەن جانە قولداۋ كورسەتكەن بارلىق ادامدى قىزۋ قۇتتىقتايدى جانە ولاردان شىنايى حال سۇرايدى!
1965 - جىلى شيزاڭ اۆتونوميالى رايونىنىڭ قۇرىلۋى شيزاڭنىڭ دامۋ تاريحىنداعى وشپەس ەسكەرتكىش بولىپ، ۇلتتىق وڭىرلىك اۆتونوميا ءتۇزىمىنىڭ شيزاڭدا رەسمي اتقارىلعاندىعىنان دەرەك بەرىپ، شيزاڭداعى ۇلتتاردىڭ ىنتىماقتاسا كۇرەس جۇرگىزىپ، بىرگە گۇلدەنىپ - كوركەيۋىنىڭ داۋىرلىك جاڭا پاراعىن اشتى. 60 جىلدان بەرى، پارتيا ورتالىق كوميتەتىنىڭ پارمەندى باسشىلعىندا، بۇكىل مەملەكەت حالقىنىڭ زور كۇشپەن قولداپ - قۋاتتاۋىندا، شيزاڭداعى ءار ۇلت كادىرلارى جانە بۇقارا جاپاعا شىداپ كۇرەس جۇرگىزىپ، قايسارلىقپەن شايقاس جاساپ، ۇلتتىق وڭىرلىك اۆتونوميا ءتۇزىمىن ءساتتى جۇزەگە اسىردى، بولشەكتەۋشىلىككە قارسى تۇرۋ كۇرەسىندە كەلەلى جەڭىسكە قول جەتكىزدى، ءدىني سەنىم ەركىندىگى تولىق قۇرمەتتەلدى جانە كەپىلدىككە يە بولدى، ەكونوميكا جانە قوعام جالپى بەتتىك دامىدى، حالىق تۇرمىسى زور دارەجەدە جاقسارتىلدى، شيزاڭنىڭ بەت - بەينەسىندە، شيزاڭداعى ءار ۇلت حالقىنىڭ بەت - بەينەسىندە وراسان زور تاريحي وزگەرىستەر تۋىلدى.
پارتيانىڭ 18 قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى شيزاڭنىڭ دامۋىنا وسكەلەڭ ءمان بەرىپ، شيزاڭداعى ءار ۇلت حالقىنا ەرەكشە كوڭىل ءبولىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن ورناتىپ، شيزاڭنىڭ ءتۇرلى ىستەرىنىڭ جان جاقتى العا باسۋىن، تاريحي تابىستارعا قول جەتكىزۋىن ىلگەرىلەتىپ، جۇڭگوشا وسىزامانداندىرۋ دۇنيەنىڭ جوتاسىندا ۇزدىكسىز تىڭ كەرەمەتتەر جاراتتى. شيزاڭنىڭ كەدەيلىكتەن قۇتىلدىرۋدان قامال الۋى جاپپاي جەڭىسكە جەتىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋدى جۇزەگە اسىردى؛ قوعامدىق جالپى جاعداي ۇزدىكسىز ورنىقتى بولىپ، جاقسارىپ، بولشەكتەۋشىلىككە قارسى تۇرۋ كۇرەسى ىشكەرىلەي ورىستەتىلىپ، شەكارا بەكەمدەلىپ، شەكارا حاۋىپسىز بولدى؛ جۇڭحۋا ۇلتى ورتاق تۇلعا تانىمى ۇزدىكسىز بەكەمدەلىپ، ۇلتتار ىنتىماقتى، ءدىن جاراسىمدى بولدى؛ رەفورما جاساۋ، ەسىك اشۋ ۇزدىكسىز تەرەڭدەپ، جوعارى ساپالى دامۋ تىڭعىلىقتى ىلگەرىلەپ، نەگىزدىك قۇرىلعىلار قۇرىلىسى تەزدەپ، مادەنيەت ىستەرى گۇلدەنىپ، دامىپ، ەكولوگيالىق حاۋىپسىزدىك قالتقىسى كۇن سايىن بەكەمدەلىپ، حالىق بۇقاراسى الاڭسىز تىرشىلىك ەتتى؛ پارتيانىڭ باسشىلىعى مەن پارتيا قۇرىلىسى جاپپاي كۇشەيىپ، پارتيانىڭ شيزاڭداعى بيلىك جۇرگىزۋ نەگىزى اناعۇرلىم بەكەمدەلدى. بۇگىنگى شيزاڭ گۇلدەنىپ كوركەيىپ، تىرشىلىك تىنىسى جالىندادى، ءار ۇلت حالقى ءبىر بىرىنە قارايلاسىپ، ءبىر جاعادان باس، ءبىر جەڭنەن قول شىعارىپ، جاپپاي سوتسياليستىك وسىزاماندانعان جاڭا شيزاڭ قۇرۋدىڭ داڭعىل جولىنا ارشىندى قادام تاستاۋدا!
شيزاڭ اۆتونوميالى رايونىنىڭ 60 جىلدىق شۇعىلالى تابىستارى وڭاي - وسپاق قولعا كەلگەن جوق، تاجىريبەلەرى دە اسا باعالى. بۇل پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شيزاڭ اۆتونوميالى رايونىنىڭ ءار كەزەكتى پارتكومدارى مەن ۇكىمەتتەرىنىڭ بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، قاجىماي تالماي كۇرەس جۇرگىزۋىنىڭ ناتيجەسى، بۇكىل ەلدەگى ءار ۇلت حالقىنىڭ زور كۇشپەن قولداۋىنىڭ ناتيجەسى. اماليات جۇڭگو كوممۋنيستىك پارتياسى بولماسا، جاڭا جۇڭگو دا، جاڭا شيزاڭ دا بولمايتىندىعىن، پارتيا ورتالىق كوميتەتىنىڭ شيزاڭ قىزمەتى جونىندەگى باعىت - ساياساتتارىنىڭ بۇكىلدەي دۇرىس ەكەندىگىن تولىق دالەلدەدى. تەك جۇڭگو كوممۋنيستىك پارتياسىنىڭ باسشىلىعىنا، جۇڭگوشا سوتسياليزم جولىنا، ۇلتتىق وڭىرلىك اۆتونوميا تۇزىمىنە، جاڭا داۋىردەگى پارتيانىڭ شيزاڭدى جونگە سالۋ جالپى جوباسىنا، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولعاندا عانا، سوتسياليستىك وسىزاماندانعان جاڭا شيزاڭدى ويداعىداي قۇرىپ، جۇڭحۋا ۇلتىنىڭ كوركەم بولاشاعىن بىرگە جاراتۋعا بولادى.
قازىر جانە بۇدان بىلايعى ءبىر مەزگىل جۇڭگوشا وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ شەشۋشى مەزگىلى. شيزاڭ قىزمەتىن ويداعىداي ىستەۋ جالپى جاعدايعا سايادى. شيزاڭداعى ءار ۇلت كادرلارى مەن بۇقاراسىنىڭ جۇڭگوشا سوتسياليزم ۇلى تۋىن باستان اياق بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 قۇرىلتايىنىڭ جانە 20 كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن شىنايى بەرىك ورناتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، ورنىقتىلىق، دامۋ، ەكولوگيا، شەكارانى كۇشەيتۋ سىندى 4 ءىرى ءىستى ويداعىداي يگەرىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا قۇلشىنىپ، بۇكىل ەلدەگى ءار ۇلت حالقىمەن بىرگە جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، جۇڭگوشا وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!
شيزاڭدا تۇراتىن حالىق ازاتتىق ارمياسى، قارۋلى ساقشى بولىمدەرى جانە ساياسي - زاڭ قوسىندارى مەملەكەتتىڭ حاۋىپسىزدىگىن، ەلىمىزدىڭ بايتاق شەكارا ءوڭىرىن قورعاپ، شيزاڭنىڭ دامۋىن ىلگەرىلەتۋدەگى ماڭىزدى كۇش. پارتيا مەن حالىقتىڭ ماڭىزدى تاپسىرماسىن باستان اياق ەستە بەرىك ساقتاپ، تاڭداۋلى ءداستۇر مەن ستيلدى ساۋلەلەندىرىپ، وتاندى، شەكارانى ادالدىقپەن قورعاپ، ارميا مەن ۇكىمەتتىڭ، ارميا مەن حالىقتىڭ، قارۋلى ساقشى مەن حالىقتىڭ ىنتىماعىن بەكەمدەپ جانە كۇشەيتىپ، شيزاڭنىڭ باياندى تىنىشتىعى مەن جوعارى ساپالى دامۋىن جۇزەگە اسىرۋعا تاعى دا تىڭ ۇلەس قوسۋىمىز كەرەك.
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، ناقتى كۇرەس جۇرگىزىپ، ءبىر جاعادان باس، ءبىر جەڭنەن قول شىعارىپ، ۇدەرە العا تارتىپ، جۇڭگوشا وسىزاماندانعان شيزاڭ تاراۋىن قۇلشىنا جازايىق!
شيزاڭ اۆتونوميالى رايونىنىڭ گۇلدەنىپ - كوركەيۋىن تىلەيمىز!
شيزاڭداعى ءار ۇلت حالقىنىڭ باقىتتى، الاڭسىز بولۋىن تىلەيمىز!
جۇڭحۋا ۇلتىنىڭ ۇلى ىنتىماعى جاساسىن!
جۇڭگو كوممۋنيستىك پارتياسى ورتالىق كوميتەتى
مەملەكەتتىك حالىق قۇرىلتايى تۇراقتى كوميتەتى
مەملەكەتتىك كەڭەس
مەملەكەتتىك ساياسي - ءماسليحات كەڭەسى
ورتالىق اسكەري ىستەر كوميتەتى
2025 - جىلى 8 - ايدىڭ 21 - كۇنى
(شينحۋا اگەنتتىگى، 8 - ايدىڭ 21 - كۇنى، بەيجيڭ)
كەلۋ قاينارى: حالىق تورابى
