شينجياڭنىڭ كەي جەرلەرىندە نوسەر جاۋادى

8 - ايدىڭ 18 - كۇنى تۇستەن بۇرىن شينجياڭ اۋا رايى ستانسياسى ىركەس ـ تىركەس نوسەردەن ساقتانۋدىڭ كوك ءتۇستى ساقتىق سيگنالىن، ناجاعايدان ساقتانۋدىڭ سارى ءتۇستى ساقتىق سيگنالىن، بوراننان ساقتانۋدىڭ كوك ءتۇستى ساقتىق سيگنالىن جاريالاپ جۇرتشىلىققا ساقتانۋدى كۇشەيتۋدى ەسكەرتتى.

وسى اپتادا (8 – ايدىڭ 18 – كۇنىنەن 24 – كۇنىنە دەيىن) بۇكىل شينجياڭدا ءۇش رەت جاۋىن – شاشىن بولادى.

الدىن – الا مالىمەتتە كورسەتىلۋىنشە، العاشقى جاۋىن – شاشىن 8 – ايدىڭ 18 – كۇنىنەن باستالادى، مەجەمەن 8 – ايدىڭ 18 – كۇنى كۇندىزدەن 20 – كۇنى كۇندىزگە دەيىن جالعاسادى ، سول كەزدە بۇكىل شينجياڭنىڭ باسىم كوپ ساندى رايوندارىندا جاڭبىر جاۋادى ، مۇنىڭ ىشىندە ىلە اڭعارى، قاشقار ايماعىنىڭ وڭتۇستىك بولەگى، حوتان ايماعى، اقسۋ ايماعى قاتارلى كوپتەگەن جەرلەردە نوسەر جاۋادى. جوعارىدا ايتىلعان وڭىرلەر مەن جەل وتىندەگى وڭىرلەردە باتىس سولتۇستىكتەن 6 بال اينالاسىندا بوران سوعادى، جەل وتىندەگى جەل كۇشى 11 دە 12 بالعا جەتەدى. وڭتۇستىك شينجياڭ ويپاتىنىڭ ورتا، شىعىس بولەگىندەگى رايونداردا قيىس شىعىستان 6 بال اينالاسىندا بوران سوعادى نەمەسە قۇمدى بوران سوعادى.

سوڭىنان ىلە – شالا ەكىنشى رەتكى جاۋىن – شاشىن بولادى، مۇندا وڭتۇستىك شينجياڭنىڭ باتىس بولەگى مەن تاۋلى رايوندارىندا كورنەكتى جاۋىن - شاشىن بولادى. مەجەمەن 8 – ايدىڭ 20 – كۇنى تۇننەن 22 – كۇنى تۇنگە دەيىن جالعاسادى، نەگىزىنەن سولتۇستىك شينجياڭنىڭ باتىس سولتۇستىك بولەگىن، تيانشان تاۋلى رايونىن، وڭتۇستىك شينجياڭنىڭ باتىس بولەگىن، بايىنعولىن موڭعۇل اۆتونوميالى وبلىسىن جانە شىعىس شينجياڭ ءوڭىرىن قامتيدى. مۇنىڭ ىشىندە ىلە اڭعارىنىڭ وڭتۇستىگىندە، اقسۋ ايماعىنىڭ باتىس بولەگىندە جانە تيانشان تاۋلى رايونىنىڭ ءىشىنارا وڭىرلەرىندە جاۋىن – شاشىن ءبىرشاما كۇشتى بولىپ، ورتاشادان باستاپ قالىڭ جاڭبىرعا دەيىن جاۋادى، ءىشىنارا جەرلەردە نوسەر جاۋادى.

ءۇشىنشى رەتكى جاۋىن – شاشىن 8 – ايدىڭ 23 – كۇنى كۇندىزدەن 24 - كۇنى تۇنگە دەيىن جالعاسادى، سولتۇستىك شينجياڭنىڭ باتىس بولەگى، سولتۇستىك شينجياڭ، وڭتۇستىك شينجياڭنىڭ باتىس بولەگى جانە بايىنعولىن وبلىسى قاتارلى جەرلەردە جالعاستى جاڭبىر جاۋادى. ىلە اڭعارىنىڭ شىعىس بولەگىندە، قاشقار ايماعىنىڭ وڭتۇستىك بولەگىندە، قىزىلسۋ قىرعىز اۆتونوميالى وبلىسىندا، حوتان ايماعىنىڭ وڭتۇستىك بولەگىندەگى تاۋلى رايونداردا، اقسۋ ايماعىندا، بايىنعولىن وبلىسىنىڭ تاۋلى رايوندارىندا نوسەر جاۋاتىندىعى مەجەلەنىپ وتىر، قىزىلسۋ وبلىسى مەن اقسۋ ايماعىنىڭ ءىشىنارا جەرلەرىندە نوسەر جاۋۋى مۇمكىن. وسى رەتكى جاۋىن - شاشىن مەزگىلىندە جوعارىدا ايتىلعان ءىشىنارا وڭىرلەر مەن جەل وتتەرىندە جەل كۇشى ءالى ءبىرشاما زور بولادى، وڭتۇستىك شينجياڭ ويپاتىنىڭ ورتا، شىعىس بولەگىندەگى رايوندار بوران مەن قۇمدى بوراننان ۇزدىكسىز ساقتانۋى كەرەك.

كەلۋ قاينارى: حالىق تورابى