شينجياڭدا جوعارى مەكتەپ بىتىرگەندەر قاتارلى جاستاردى جۇمىستاندىرۋعا ساياتىن ”ءجۇز كۇندىك قامال الۋ“ جونىندەگى جەتى ءىرى ارەكەت شوعىرلى ورىستەتىلەدى

تيانشان تورى – شينجياڭ گازەتىنىڭ ءتىلشىسى ما بەي حابارلايدى. 8 – ايدان 12 – ايعا دەيىن، شينجياڭ ۇيعۇر اۆتونوميالى رايونىندا 2025 – جىلى جوعارى مەكتەپتەن وقۋ بىتىرگەندەر قاتارلى جاستاردى جۇمىستاندىرۋعا ساياتىن ”ءجۇز كۇندىك قامال الۋ“ جونىندە جەتى ءىرى ارەكەت شوعىرلى ورىستەتىلەدى. قىزمەت وتەۋ وبيەكتىلەرى — 2025 – جىلى مەكتەپتەن اتتانعان، ءالى جۇمىستانباعان جوعارى مەكتەپتەن وقۋ بىتىرگەندەر جانە ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارىندا تىزىمگە الىنعان جۇمىسسىز قالعان 16 جاستان 24 جاسقا دەيىنگى ارالىقتاعى جاستار.

وسى رەتكى ”ءجۇز كۇندىك قامال الۋ ارەكەتىنىڭ“ وزەكتى نىساناسى: جۇمىستانۋدى قالايتىن 2025 – جىلى جوعارى مەكتەپتەن وقۋ بىتىرگەندەردىڭ جىل سوڭىنان بۇرىنعى باعدارىن تياناقتاندىرۋ جانە مەكتەپتەن اتتانعان جۇمىستانباعان جوعارى مەكتەپ بىتىرگەندەردى سۇيەمەلدەۋ – جۇمىستاندىرۋ جاعدايى بىلتىرعى مولشەردەن تومەن بولماۋعا كۇش سالىپ، تىزىمگە الىنعان جۇمىسسىز قالعان جاستاردى جىل سوڭىنان بۇرىن تۇگەلدەي جۇمىستاندىرۋ نەمەسە جۇمىستاندىرۋعا دايىندالۋ ارەكەتىنە قاتىناستىرۋ. وسى نىسانانى توڭىرەكتەي وتىرىپ، ”جەتى ءىرى ارەكەت“ بارىسىندا ساياساتتى تياناقتاندىرۋ، دالمە – ءدال سۇيەمەلدەۋ، جۇمىستاندىرۋ جاعىندا قىزمەت وتەۋ، ونەرىن جەتىلدىرۋ قاتارلى كوپ جاقتى شارالاردى اتقارۋعا كۇش سالىنادى.

كەلۋ قاينارى: حالىق تورابى