بيىكتەن ۆەلوسيپەت قاتارلى زاتتاردى لاقتىرعان حايكوۋلىك ادام قىلمىستىق ىستەر بويىنشا قاماۋعا الىندى 

ءتىلشىنىڭ 8 – ايدىڭ 4 – كۇنى كەشتە حايكوۋ قالالىق قوعام حاۋىپسىزدىگى مەكەمەسىنەن ۇعىسۋىنشا، 8 – ايدىڭ 3 – كۇنى تۇستەن بۇرىن حايكوۋ قالاسى لۇڭحۋا رايونىنداعى ءمالىم تۇرعىندار اۋماعىندا بىرەۋ بيىك جەردەن اياق كيىم، اياق كيىم سورەسى، بالالاردىڭ ۆەلوسيپەتى قاتارلى زاتتاردى اياق استىنان جەرگە قاراي لاقتىرعان. جۇرتشىلىقتىڭ مالىمدەۋىن تاپسىرىپ العان سوڭ، حايكوۋ قالالىق قوعام حاۋىپسىزدىگى مەكەمەسى لۇڭحۋا بولىمشە مەكەمەسى جينيۇي ساقشى بولىمشەسىنىڭ حالىق ساقشىلارى دەرەۋ ءىس تۋىلعان جەرگە بارىپ ءبىر جاقتى ەتىپ، ارالاپ سۇراستىرۋ – تەكسەرۋ جۇرگىزگەن.

تەكسەرۋگە قاراعاندا، لين X (ەر، 24 جاستا) 8 – ايدىڭ 3 – كۇنى تاڭ سارىدە دوسىمەن بىرگە اتالعان تۇرعىندار اۋماعىنىڭ ماڭىنداعى قاقتاما دۇكەنىندە تاڭعى ساعات 8 گە دەيىن اراق ىشكەن، ۇيىنە قايتىپ بارعان سوڭ دا ماس كۇيىندە بولعان. لين X تىڭ بايانداۋىنشا، اراق ىشكەن سوڭ كوڭىل – كۇيى تولقىپ، عيماراتتىڭ كوريدورىندا جۇرگەن، ءمالىم قاباتقا جەتكەن كەزدە، اياق استىنان كوڭىل – كۇيى قالىپسىز بولىپ، عيماراتتىڭ كوريدورىنداعى اياق كيىم سورەسى، اياق كيىم، بالانىڭ ۆەلوسيپەتى قاتارلى زاتتاردى تەرەزەدەن سىرتقا قاراي لاقتىرعان، بۇل زاتتار عيماراتتىڭ سىرتىنداعى الەۋمەتتىك اۋماققا تۇسكەن. قازىر قوعام حاۋىپسىزدىگى ورگاندارى بيىكتەن زات لاقتىرۋ قىلمىس كۇمانىمەن لين X تى زاڭ بويىنشا قىلمىستىق ىستەرگە قاتىستى قاماۋعا العان، دەلو قازىر ىشكەرىلەي تەكسەرىلۋدە.

كەلۋ قاينارى: حالىق تورابى