”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ ءبىرى لياڭ جينۋىن ەلگە قايتىپ ءوزىن مالىمدەدى

شينحۋا اگەنتتىگىنىڭ 7 – ايدىڭ 29 - كۇنى بەيجيڭنەن بەرگەن حابارى. تاياۋدا ورتالىقتىڭ جەمقورلىققا قارسى تۇرۋدى سايكەستىرۋ گرۋپپاسى حالىقارالىق قۋعىنداۋ، زاڭسىز ولجانى قايتارىپ الۋ قىزمەت كەڭسەسىنىڭ ءبىرتۇتاس سايكەستىرۋىندە، گۋاڭدۇڭ ولكەسى، جۋحاي قالالىق ءتارتىپ تەكسەرۋ، باقىلاۋ - تەكسەرۋ، قوعام حاۋىپسىزدىگى ورگاندارىنىڭ قاجىماي - تالماي قۇلشىنۋىندا، ”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ ءبىرى لياڭ جينۋىن ەلگە قايتىپ ءوزىن مالىمدەدى. بۇل ”اسپان تورى ارەكەتىن“ ورىستەتكەننەن بەرى 64 – بولىپ قولعا الىنعان ”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ ءبىرى.

لياڭ جينۋىن، ەر، 1954 - جىلى 2 - ايدا تۋعان، ”قىزىل ءتۇستى قۋعىنداۋ بۇيرىعى شىعارىلعان ءجۇز ادامنىڭ“ تىزىمدىگىندەگى 99 – ادام، بۇرىنعى جۋحاي حۋامەي اۆتوكولىك تورموزى ونەركاسىپ شەكتى سەرىكتەستىگىنىڭ باس ديرەكتورى، قىزمەت مىندەتىنەن پايدالانىپ يەمدەنىپ الۋ قىلمىسىنا شاتىلعان، 1996 - جىلى 11 - ايدا شەتەلگە قاشىپ كەتكەن. 1997 – جىلى 11 – ايدا حالىقارالىق قىلمىستىق ىستەر ساقشى ۇيىمى لياڭ جينۋىنعا قىزىل ءتۇستى قۋعىنداۋ بۇيرىعىن جاريالادى. دەلو ءبىر جاقتى ەتۋ ورگانى قىلمىس كۇمانى تاعىلعان ماسەلەلەردى زاڭ بويىنشا تەكسەرىپ، قاشقىنداردى قۋعىنداۋ، زاڭسىز ولجانى قايتارىپ الۋ قىزمەتىن تاباندىلىقپەن ىلگەرىلەتىپ، ەڭ سوڭىندا ونى ەلگە قايتىپ ءوزىن مالىمدەۋگە كوندىردى.

ورتالىق قاشقىنداردى قۋعىنداۋ كەڭسەسىنىڭ جاۋاپتىسى بىلاي دەدى: لياڭ جينۋىن شەتەلگە قاشىپ 28 جىلدان كەيىن ەلگە قايتىپ ءوزىن مالىمدەدى، بۇل ءبىزدىڭ قاشقىنداردى قۋعىنداۋ، سوڭىنا دەيىن قۋعىنداۋ ايقىن مايدانىمىز بەن بەرىك بەكىمىمىزدى تولىق ايگىلەپ، شەتەل دە زاڭنان تىسقارى ەمەستىگىن، شەتەلگە قاشۋدان شىعار جول جوق ەكەنىن تاعىءبىر رەت دالەلدەدى. ءىرىپ - شىرۋگە قارسى تۇرىپ حالىقارالىق قاشقىنداردى قۋعىنداۋ، زاڭسىز ولجانى قايتارىپ الۋ ماڭگى جالعاسادى، ءبىز قاشىپ جۇرگەن ءىرىپ - شىرىگەن ەلەمەنتتەرگە قۇر قيالعا سالىنباي، جاعدايدى جىعا تانىپ، ەرتەرەك ءوزىن مالىمدەۋدىڭ بىردەن – ءبىر دۇرىس تالعام ەكەندىگىن ەسكەرتەمىز.

كەلۋ قاينارى: حالىق تورابى