سىرتقى ىستەر مينيسترلىگىنىڭ مالىمدەمەشىسى كامبودجا مەن تايلاندتىڭ شەكاراسىنداعى قاقتىعىس تۋرالى تىلشىلەردىڭ سۇراۋىنا جاۋاپ قايتاردى 

سىرتقى ىستەر مينسيترلىگىنىڭ مالىمدەمەشىسى 7 – ايدىڭ 27 – كۇنى كامبودجا مەن تايلاندتىڭ شەكاراسىنداعى قاقتىعىس تۋرالى تىلشىلەردىڭ سۇراۋىنا جاۋاپ قايتاردى.

ءبىر ءتىلشى بىلاي دەپ سۇرادى: حالىقارالىق قوعامنىڭ جاراستىرۋىندا، جۋىردا كامبودجا مەن تايلاند ەكى جاق تا سوعىستى توقتاتۋ تۋرالى بەلسەندى نيەت ءبىلدىردى، الايدا، قازىر سوعىس ءالى دە جالعاسۋدا. جۇڭگو جاقتىڭ وسى جونىندەگى كوزقاراسى قانداي؟

مالىمدەمەشى بىلاي دەپ جاۋاپ قايتاردى: كامبودجا مەن تايلاند كوشىپ كەتە المايتىن كورشىلەر، ەكەۋى دە جۇڭگونىڭ دوس كورشىلەرى. تاتۋ كورشىلىك جانە ءوزارا سەنىمدىلىكتە تاباندى بولىپ، الاۋىزدىقتاردى ۇيلەسىمدى تەجەۋ كامبودجا مەن تايلاند ەكى جاقتىڭ ءتۇبىرلى دە ۇزاق ۋاقىتتىق مۇددەسىنە ۇيلەسەدى، ءوڭىردىڭ بەيبىتشىلىگى مەن ورنىقتىلىعىنا ءتيىمدى. جۇڭگو جاق قاقتىعىستىڭ كامبودجا مەن تايلاند ەكى ەل جۇرتشىلىعى اراسىندا ءولىم – ءجىتىم جانە جارالانۋ جاعدايىن تۋدىرعانىنا ەرەكشە قايعىرادى ءارى شىنايى كوڭىل سۇرايدى. ەكى جاقتىڭ ەكى ەل حالقىنىڭ ورتاق مۇددەسىن شىعار ءتۇيىن ەتە وتىرىپ، تاتۋلىقتى قاستەرلەۋ، كورشىمەن بەرەكەلى بولۋ رۋحىن ۇستانىپ، سابىرلى دا تەجەمدى بولىپ، سوعىستى تەزىرەك توقتاتىپ، سويلەسۋ جانە كەڭەسۋ ارقىلى الاۋىزدىقتى بەيبىت جولمەن شەشىم ەتۋىن، شەكارا ءوڭىردىڭ بەيبىتشىلىگى مەن ورنىقتىلىعىن ەرتەرەك قالپىنا كەلتىرۋىن ءۇمىت ەتەدى.

مالىمدەمەشى مىنانى ءبىلدىردى: كامبودجا مەن تايلاند ەكەۋى دە شىعىس ازيا ەلدەرى بىرلەستىگىنىڭ مۇشەسى. جۋىردان بەرى، شىعىس ازيا ەلدەرى بىرلەستىگى كامبودجا مەن تايلاندتىڭ سوعىستى توقتاتۋىن بەلسەندى تۇردە ىلگەرىلەتۋدە، جۇڭگو جاق مۇنى القايدى، جاعدايدىڭ باسەڭدەۋىنە ءتيىمدى بارلىق قۇلشىنىستاردى قولدايدى. جۇڭگو جاق ادىلەتتى دە ءادىل تۇرعىدا كامبودجامەن جانە تايلاندپەن ءجيى كەڭەسىپ، كەلىسسوز وتكىزۋگە بەلسەندى تۇردە ءناسيحاتتاپ، سوعىستى توقتاتۋدى ىلگەرىلەتۋ جاعىندا ناتيجەلى رول اتقارادى.

كەلۋ قاينارى: حالىق تورابى