سىرتقى ىستەر مينيسترلىگى: جۇڭگو جاق ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنىڭ قىزمەتىنە باستان – اياق تاباندىلىقپەن قولداۋ كورسەتىپ كەلەدى 

شينحۋا اگەنتتىگىنىڭ ءتىلشىسى فىڭ شينران، ۋاڭ حۇيحۇي 7 – ايدىڭ 23 – كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشىسى گو جياكۇن 7 – ايدىڭ 23 – كۇنى مىنانى ءبىلدىردى: ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنىڭ باستى ماقساتى — وقۋ – اعارتۋ، عىلىم، مادەنيەت سالاسىنداعى حالىقارالىق سەلبەستىكتى ىلگەرىلەتۋ، وركەنيەتتەردىڭ ءوزارا تۇسىنىستىگى مەن توعىسۋىن جەبەۋ، دۇنيە ءجۇزىنىڭ بەيبىتشىلىگىن قورعاۋ، ورتاق دامۋدى ىسكە اسىرۋ. جۇڭگو جاق ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنىڭ قىزمەتىنە باستان – اياق تاباندىلىقپەن قولداۋ كورسەتىپ كەلەدى.

سول كۇنى اشىلعان كەزەكتى تىلشىلەردى قابىلداۋ ماجىلىسىندە، ءبىر ءتىلشى بىلاي دەپ سۇرادى: ا ق ش زۇڭتۇڭى ترامپ ا ق ش – نىڭ ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنان شەگىنىپ شىعاتىنىن جاريالاعان. جۇڭگو جاق بۇعان قانداي پىكىر بىلدىرەدى؟

گو جياكۇن بىلاي دەدى: جۇڭگو جاق ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنىڭ، سونداي – اق، كوپتەگەن ەلدەردىڭ ا ق ش – نىڭ تاعى دا ”توپتان شەگىنگەنىنە“ وكىنىش بىلدىرگەنىنە نازار اۋداردى. بۇل ا ق ش – نىڭ ءۇشىنشى رەت ب م ۇ – نىڭ وقۋ – اعارتۋ، عىلىم جانە مادەنيەت ۇيىمىنان شەگىنىپ شىعۋى ءارى ۇزاق ۋاقىت بويى مۇشەلەر جارناسىن تاپسىرۋدى كەشەۋىلدەتكەن، بۇل جاۋاپكەرشىلىكتى ءىرى ەل ىستەيتىن ءىس ەمەس.

ول: ”ب م ۇ – نىڭ قۇرىلعانىنا 80 جىل تولعان مەزگىلدە، ءبىز ءار ەلدى كوپ جاقتىلىق تۋرالى بەرگەن ۋادەسىن قايتالاي دارىپتەۋگە، ءىس جۇزىندىك ارەكەتى ارقىلى ب م ۇ – ىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، ب م ۇ ۋستاۆىنىڭ باستى ماقساتىن جانە پرينسيبىن نەگىز ەتكەن حالىقارالىق قارىم – قاتىناستىڭ نەگىزگى ولشەمىنە قولداۋ كورسەتۋگە ۇندەيمىز“ دەدى.

كەلۋ قاينارى: حالىق تورابى