مەكتەپ اۋلاسىندا تاماقپەن قامداۋ جاعىندا قىزمەت وتەۋدى باسقارۋدىڭ مەملەكەتتىك ولشەمى جاريالاندى 

حالىق گازەتىنىڭ ءتىلشىسى لين ليلي 7 – ايدىڭ 21 – كۇنى بەيجيڭنەن حابارلايدى. جۋىردا بازاردى باقىلاۋ – باسقارۋ باس مەڭگەرمەسى «مەكتەپ اۋلاسىندا تاماقپەن قامداۋ جاعىندا قىزمەت وتەيتىن كاسىپورىنداردى باسقارۋ جونىندەگى باعدارناما» اتتى مەملەكەتتىك ولشەمدى جاريالاعان.

اتالعان ولشەم ورتا، باستاۋىش مەكتەپتەر مەن بالالار باقشالارىنداعى وقۋشىلارعا تاماق دايىنداۋ جانە جەتكىزۋ قىزمەتىمەن شۇعىلداناتىن مەكتەپ اۋلاسىندا تاماقپەن قامداۋ جاعىندا قىزمەت وتەيتىن كاسىپورىندارعا قولدانىلاتىن بولىپ، مەكتەپ اۋلاسىندا تاماقپەن قامداۋ جاعىندا قىزمەت وتەۋدى باسقاراتىن تۇڭعىش رەتكى مەملەكەتتىك ولشەم. ولشەمدە تاعام تىزىمدىگى جانە تاعام شيكىزاتتارىن باسقارۋ، مانەرلەۋ جانە جاساۋ، تاماق دايىنداۋ جانە جەتكىزۋ، تاماقتانۋ جاعىندا قىزمەت وتەۋ، قىزمەت وتەۋگە باعا بەرۋ جانە جاقسارتۋ، شۇعىل جاعدايدى ءبىر جاقتى ەتۋ قاتارلى بۇكىل تىزبەكتى قامتىعان جونگە سالۋ باعدارناماسى ايقىن تۇراقتاندىرىلعان، مەكتەپ اۋلاسىندا تاماقپەن قامداۋ جاعىندا قىزمەت وتەيتىن كاسىپورىنداردى بەلگىلەمەگە ساي باسقارۋعا ولشەمدەندىرىلگەن فورمادا جەتەكشىلىك ەتەدى. سونىمەن بىرگە، ولشەم قاتىستى ازىق – تۇلىك حاۋىپسىزدىگى مەن قورەكتىك، سالاماتتىق جاعىنداعى ينفورماتسيالار جونىندە اۋىس – كۇيىس جاساۋ، اس – سۋدىڭ ىسىراپ بولۋىنان ساقتانۋ جاقتارىندا دا باعدار نۇسقاپ، وقۋشىلاردىڭ تەڭگەرىمدى ازىقتانۋ، ۇنەمشىل بولۋ جانە ورتانى قورعاۋ تانىمدارىن ۇزدىكسىز كۇشەيتۋىنە، جاستايىنان تاماشا ازىقتانۋ ادەتىن قالىپتاستىرۋىنا جەتەكشىلىك ەتەدى.

بازاردى باقىلاۋ – باسقارۋ باس مەڭگەرمەسى مەكتەپ اۋلاسىنداعى ازىق – تۇلىك حاۋىپسىزدىگىنە ساياتىن قاتىستى ولشەمدەردى ۇزدىكسىز جاقسارتىپ، مەكتەپ اۋلاسىنداعى ازىق – تۇلىك حاۋىپسىزدىگىنىڭ بۇكىل تىزبەكتىك حاۋىپ – قاتەرىنەن ساقتانۋ – تىزگىندەۋ جۇيەسىن اناعۇرلىم كەمەلدەندىرۋگە دەم بەرىپ، مەكتەپ اۋلاسىنداعى ازىق – تۇلىك حاۋىپسىزدىگىن باقىلاۋ – باسقارۋدىڭ ونىمدىلىگىن ۇزدىكسىز جوعارىلاتىپ، مەكتەپ اۋلاسىنداعى ازىق – تۇلىك حاۋىپسىزدىگىن جۇيەلىلەندىرىپ باسقارۋ ورەسىن شىنايى جوعارىلاتادى.

كەلۋ قاينارى: حالىق تورابى