20 نەشە مەملەكەت بىرلەسىپ مالىمدەمە جاريالاپ گازا سوعىسىن دەرەۋ اياقتاتۋدى تالاپ ەتتى

شينحۋا اگەنتتىگىنىڭ 7 – ايدىڭ 21 - كۇنى لوندوننان بەرگەن حابارى: انگليا، اۆستراليا، كانادا، جاپونيا، فرانسيانى قامتىعان 20 نەشە ەلدىڭ سىرتقى ىستەر مينيسترلەرى 7 – ايدىڭ 21 - كۇنى بىرلەسكەن مالىمدەمە جاريالاپ، گازا وڭىرىندەگى سوعىستى دەرەۋ اياقتاتۋدى، يزرايلدى حالىقارالىق ادامگەرشىلىك زاڭىندا بەلگىلەنگەن بورىشقا بويسۇنىپ، ادامگەرشىلىك كومەك زاتتارىن شەكتەۋدى دەرەۋ كۇشىنەن قالدىرۋعا قۋزاۋدى تالاپ ەتتى.

انگليا ۇكىمەتىنىڭ تورابى جاريالاعان بۇل مالىمدەمەدە بىلاي دەلىنگەن: گازاداعى جاي بۇقارانىڭ تارتقان ازابى بارعان سايىن اۋىرلاسۋدا، يزرايل ۇكىمەتىنىڭ ادامگەرشىلىك كومەك ۇلگىسى قاتەرلى ءارى ورنىقسىز جاعدايدى ۋشىقتىرىپ، گازا بۇقاراسىن نەگىزگى ار - نامىستان ماحرۇم ەتتى. مالىمدەمەدە يزرايلدىڭ ەڭ نەگىزگى اۋىز سۋ مەن ازىق - تۇلىك قاجەتىن تالاپ ەتكەن گازا جاي بۇقاراسىنا قاراتا قىرعىنداۋ جۇرگىزگەندىگىن جازعىردى. مالىمدەمەدە بىلاي دەلىندى: پالەستيندىك 800 دەن استام ادام كومەك سۇراۋ بارىسىندا ولتىرىلگەن، يزرايل ۇكىمەتىنىڭ جاي بۇقاراعا نەگىزگى ادامگەرشىلىك كومەك بەرۋدەن باس تارتۋ ارەكەتىن قابىلداۋعا بولمايدى.

مالىمدەمەدە تاعى بىلاي دەلىندى: پالەستيندىكتەردى اتالمىش ”ادامگەرشىلىك قالاسىنا“ كوشىرۋ ۇسىنىسىن مۇلدە قابىلداۋعا بولمايدى، ”زورلىقپەن ماڭگىلىككە كوشىرۋ“ حالىقارالىق ادامگەرشىلىك زاڭىنا قايشى. مالىمدەمەدە تاعى پالەستينا تەرريتورياسىندا تەرريتوريا نەمەسە جان سانى قۇرىلىمىن وزگەرتەتىن ءارقانداي شارا قولدانۋعا باتىل قارسى تۇردى.

ەۆروپا وداعى كوميتەتىنىڭ شۇعىل جاعدايعا توتەپ بەرۋگە دايىندالۋعا، داعدارىستى باسقارۋعا جانە تەڭدىك ىستەرىنە جاۋاپتى مۇشەلەرى دە مالىمدەمەگە قول قويدى.

كەلۋ قاينارى: حالىق تورابى