20 - كەزەكتى ورتالىق كوميتەتتىڭ 6 - كەزەكتى شارلاۋ گرۋپپاسى جايعاسا باستادى

پارتيا ورتالىق كوميتەتىنىڭ شارلاۋ قىزمەتى جونىندەگى ءبىرتۇتاس ورنالاستىرۋىنا ساي، 20 - كەزەكتى ورتالىق كوميتەتتىڭ 6 ـ رەتكى شارلاۋىنداعى 16 شارلاۋ گرۋپپاسى ىركەس ـ تىركەس جايعاسا باستادى. قازىر ورتالىقتىڭ 9 - شارلاۋ گرۋپپاسى شاندۇڭ ولكەسىنە ورنالاسىپ بولدى.

وسى رەتكى شارلاۋ وبيەكتىسى قايسىلار؟

پارتيا ورتالىق كوميتەتىنىڭ بەكىتۋىمەن 20 - كەزەكتى ورتالىق كوميتەتتىڭ 6 - رەتكى شارلاۋى بەيجيڭ قالاسى، تيانجين قالاسى، لياۋنيڭ ولكەسى، حيلۇڭجياڭ ولكەسى، شاڭحاي قالاسى، جياڭسۋ ولكەسى، فۋجيان ولكەسى، شاندۇڭ ولكەسى، گۋاڭدۇڭ ولكەسى، گۋاڭشي جۋاڭزۋ اۆتونوميالى رايونى، چۇڭچيڭ قالاسى، گۇيجوۋ ولكەسى، شيزاڭ اۆتونوميالى رايونى، شانشي ولكەسى، چيڭحاي ولكەسى، شينجياڭ ۇيعۇر اۆتونوميالى رايونى قاتارلى 16 ولكەگە (اۆتونوميالى رايون، توتە قاراستى قالا) داعدىلى شارلاۋ جۇرگىزەدى، ءارى قاتىستى ولكەلىك پارتكومنىڭ شارلاۋ قۇرىلىمدارىمەن بىرگە شىنياڭ قالاسى، داليان قالاسى، حاربين قالاسى، نانجيڭ قالاسى، شيامىن قالاسى، جينان قالاسى، چيڭداۋ قالاسى، گۋاڭجوۋ قالاسى، شىنجىن قالاسى، شي ـ ان قالاسى سياقتى ورىنباسار ولكە دارەجەلى 10 قالاعا بىرلەسىپ شارلاۋ جۇرگىزەدى.

قانداي ماسەلەلەردى ورتالىقتىڭ شارلاۋ گرۋپپاسىنا اڭىس ەتۋگە بولادى؟

شارلاۋ قىزمەتى ەرەجەسىندەگى بەلگىلەمەگە ساي، ورتالىقتىڭ شارلاۋ گرۋپپاسى نەگىزىنەن شارلاۋ جۇرگىزىلگەن پارتيا ۇيىمىنىڭ باسشىلىق القاسى مەن ونىڭ مۇشەلەرىنىڭ، ءبىر دارەجە تومەن پارتيا ۇيىمىنىڭ نەگىزگى جاۋاپتىلارىنىڭ جانە ءتۇيىندى قىزمەت ورىندارىنداعى قىزمەتكەرلەردىڭ ماسەلەسى جونىندەگى حاتتاردى، تەلەفونداردى، ارىز ـ ارمانداردى قابىلدايدى، مۇندا ساياسي تارتىپكە، ۇيىمدىق تارتىپكە، پاكتىك تارتىبىنە، بۇقارالىق تارتىپكە، قىزمەت تارتىبىنە، تۇرمىس تارتىبىنە قايشىلىق جاساۋ قاتارلى جاقتارداعى اشكەرەلەۋلەر مەن اڭىستار ءتۇيىن ەتىلەدى. شارلاۋدىڭ قابىلداۋ كولەمىنە جاتپايتىن باسقا دا ارىز - ارمان ماسەلەلەرىن بەلگىلەمە بويىنشا قاتىستى تاراۋلار مۇقيات ءبىر جاقتى ەتەدى.

كەلۋ قاينارى: حالىق تورابى