ورتا مەكتەپتىڭ ءۇش وقۋشىسى شيشۋاڭبانناعا بارعان سوڭ دەرەكسىز كەتكەن، ساقشى جاق ۇقتىرۋ شىعاردى: شەكارا سىرتىندا ەكەنى بايقالعان 

7 – ايدىڭ 16 – كۇنى حۋبەي ولكەسى حۋاڭگاڭ قالالىق قوعام حاۋىپسىزدىگى مەكەمەسى حۋاڭجوۋ بولىمشە مەكەمەسى حاۋىپتى جاعداي جونىندە حابارلاندىرۋ شىعارعان.

قوعام حاۋىپسىزدىگى ورگاندارىنىڭ تەكسەرىپ تۇراقتاندىرۋىنشا، ينتەرنەتتە تارالعان ”حۋاڭگاڭ ورتا مەكتەبىنىڭ وقۋشىلارى شيشۋاڭبانناعا بارعان سوڭ دەرەكسىز كەتكەن“ دەگەن حابار نەگىزىنەن راس.

العاشقى قادامداعى تەكسەرۋ ناتيجەسىنە قاراعاندا، ورتا مەكتەپتىڭ ءۇش وقۋشىسى 6 – ايدىڭ 25 – كۇنى بىرگە يۇننانىڭ شيشۋاڭباننا دەگەن جەرىنە بارعان، 6 – ايدىڭ 27 – كۇنى وتباسىنداعىلارمەن، دوستارىمەن بايلانىسى ۇزىلگەن، جولداعان ورىندارىنىڭ شەتەلدە ەكەنى بايقالعان.

6 – ايدىڭ 27 – كۇنى ساقشىعا مالىمدەۋدى تاپسىرىپ العان سوڭ، حۋاڭجوۋ رايوندىق قوعام حاۋىپسىزدىگى مەكەمەسى دەلو تۇرعىزىپ تەكسەرۋ جۇرگىزىپ، يۇننانعا بارىپ تەكسەرۋ قىزمەتىن ورىستەتەتىن ارناۋلى قىزمەت گرۋپپاسىن قۇرعان. قازىر قوعام حاۋىپسىزدىگى ورگاندارى قاتىستى تاراۋلارمەن بىرگە كۇش سالا ىزدەستىرۋدە.

ساقشى جاق مىنانى ەسكەرتەدى: قازىر جازدىق دەمالىس مەزگىلى، وقۋشىلار مەن اتا – انالار ”ەشقانداي شارت قويىلمايدى، مول پايداعا كەنەلەسىز“ دەپ ۇگىتتەگەن قوسىمشا جۇمىس ىستەۋ تۋرالى ينفورماتسيالار جونىندە قىراعىلىقتى ارتتىرۋى، الدامكوستەردىڭ تۇزاعىنا ءتۇسىپ قالۋدان ساق بولۋى قاجەت.

كەلۋ قاينارى: حالىق تورابى