لي چياڭ ەگيپەتتىڭ زۇڭتۇڭى سيسيمەن كەزدەستى

سول جەر ۋاقىتى 7 - ايدىڭ 10 - كۇنى مەملەكەتتىك كەڭەستىڭ زۇڭليى لي چياڭ كايرودا ەگيپەتتىڭ زۇڭتۇڭى سيسيمەن كەزدەستى.

سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن

«حالىق گازەتى»، 7 - ايدىڭ 10 - كۇنى، كايرو (تىلشىلەر حۋاڭ پەيجاۋ، چىن شاڭۋىن) سول جەر ۋاقىتى 7 - ايدىڭ 10 - كۇنى مەملەكەتتىك كەڭەستىڭ زۇڭليى لي چياڭ كايرودا ەگيپەتتىڭ زۇڭتۇڭى سيسيمەن كەزدەستى.

لي چياڭ الدىمەن ءتوراعا شي جينپيڭنىڭ سيسي زۇڭتۇڭعا جولداعان ىقىلاستى سالەمىن جەتكىزدى. لي چياڭ مىنالاردى ءبىلدىردى: تاياۋ جىلداردان بەرى ەكى ەل مەملەكەت باسشىلارىنىڭ ستراتەگيالىق جەتەكشىلىگىندە، جۇڭگو ـ ەگيپەت قارىم - قاتىناسى قارىشتاپ دامىدى. جۇڭگو جاق ەگيپەت جاقپەن بىرگە كەلەر جىلى جۇڭگو مەن ەگيپەتتىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، ءداستۇرلى دوستىقتى جالعاستىرىپ، ساياسي سەنىمدىلىكتى بەكەمدەپ، ءبىر ـ ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز باتىل قولداۋ كورسەتىپ، جۇڭگو مەن ەگيپەتتىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، ەكى ەلدىڭ ءار سالاداعى سەلبەستىگىنىڭ اناعۇرلىم كوپ تابىستارعا قول جەتكىزۋىن ىلگەرىلەتىپ، جاڭا داۋىرگە بەت العان جۇڭگو ـ ەگيپەت تاعدىرلاس ورتاق تۇلعاسىن قۇرۋ نىساناسىنا قاراي ۇزدىكسىز قادام تاستاۋدى قالايدى.

لي چياڭ بىلاي دەپ اتاپ كورسەتتى: جۇڭگو جاق ەگيپەت جاقپەن ”ءبىر بەلدەۋ، ءبىر جولدى“ بىرگە قۇرۋ جۇلگەسىندە ەكونوميكا ـ ساۋدا، فينانس، جاساۋ كاسىبى، جاڭا ەنەرگيا، عىلىم ـ تەحنيكا، گۋمانيتارلىق سياقتى سالالارداعى سەلبەستىكتى كۇشەيتىپ، اناعۇرلىم كوپ قۋاتتى جۇڭگو كاسىپورىندارىن ەگيپەتكە بارىپ قارجى قوسۋعا شابىتتاندىرۋدى قالايدى. قازىر حالىقارالىق جاعداي اۋمالى - توكپەلى بولىپ، بىلىقپالىق كوبەيدى، اسىرەسە، باتىس ازيا، سولتۇستىك افريكا رايوندارىنداعى قاقتىعىستار مەن تالاس - تارتىستاردى شەشۋ قيىنعا سوقتى. جۇڭگو جاق ەگيپەت جاقپەن تىعىز قارىم ـ قاتىناستى ساقتاپ، گازاداعى سوعىس ءورتىن تەز ارادا تىنىشتاندىرۋدى، ادامگەرشىلىك داعدارىسىن باسەڭدەتۋدى، قاقتىعىستىڭ سىرتقا كەڭەيۋىنەن ساقتانۋدى، پالەستينا ماسەلەسىن جاپپاي، ءادىل، باياندى شەشۋ جولىندا قاجىماي ـ تالماي قۇلشىنۋدى قالايدى. جۇڭگو جاق ەگيپەت جاقپەن بىرلەسكەن مەملەكەتتەر ۇيىمى، بريكس ەلدەرى، شاڭحاي سەلبەستىك ۇيىمى سياقتى كوپ جاقتى تۇعىرلاردا تىلدەسۋدى، سايكەسۋدى كۇشەيتىپ، ناعىز كوپ جاقتىلىقتى امالياتتا ايگىلەپ، تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن جانە جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتىپ، جۇڭگو ـ اراب ەلدەرى، جۇڭگو ـ افريكا سەلبەستىگىنىڭ ورنىقتى، باياندى دامۋىن ىلگەرىلەتۋدى قالايدى.

سيسي لي چياڭعا ءتوراعا شي جينپيڭگە ىقىلاستى سالەمى مەن ىزگى تىلەگىن جەتكىزۋدى تاپسىردى. سيسي مىنالاردى ءبىلدىردى: ءتوراعا شي جينپيڭنىڭ باسشىلىعىندا، جۇڭگونىڭ ەكونوميكالىق، قوعامدىق دامۋى دۇنيە ءجۇزىن جالت قاراتقان تابىستارعا قول جەتكىزدى. جۇڭگو _ ەگيپەتتىڭ ادال دوسى، ەكى ەل قارىم - قاتىناسى ديپلوماتيالىق قارىم - قاتىناس ورناتقاننان بەرى باستان ـ اياق ورنىقتى، ءساتتى دامىدى. اسىرەسە، سوڭعى جىلدارى ەكى جاقتىڭ بىرگە قۇلشىنۋىندا، ەگيپەت پەن جۇڭگو جالپى بەتتىك ستراتەگيالىق سەرىكتەستىك قارىم - قاتىناس ورناتىپ، ەكى ەل قارىم - قاتىناسى تاريحتاعى ەڭ جوعارى دەڭگەيگە جەتتى. ەگيپەت ءبىر جۇڭگو پرينسيبىن باتىل اتقارادى، جۇڭگو جاقپەن جوعارى جىكتەگىلەردىڭ بارىس ـ كەلىسىن جيىلەتىپ، ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، ەكونوميكا ـ ساۋدا، قارجى قوسۋ، جاڭا ەنەرگيا، نەگىزدىك قۇرىلعى قۇرىلىسى، ساياحات سياقتى سالالارداعى سەلبەستىكتى تەرەڭدەتۋدى قالايدى. ەگيپەت جاق اناعۇرلىم كوپ جۇڭگو قارجىلاندىرعان كاسىپورىنداردىڭ ەگيپەت بازارىنا كىرۋىن قارسى الادى، بۇعان قولايلىلىق جاراتۋدى قالايدى. ەگيپەت جاق ءتوراعا شي جينپيڭ العا قويعان جەلىلەس دۇنيە جۇزىلىك باستامالاردى قولدايدى، جۇڭگو جاقپەن كوپ جاقتى سەلبەستىكتى كۇشەيتىپ، دۇنيە ءجۇزىنىڭ بەيبىت دامۋىن جەبەۋدى قالايدى.

كەلۋ قاينارى: حالىق تورابى