الدىڭعى جارىم جىلدا ەلىمىز حالىقارالىق اۋە جولى جۇك تاسىمالى جەلىسىنەن جاڭادان 117 جەلىنى اشقان 

حالىق گازەتىنىڭ ءتىلشىسى وۋياڭ جيە 7 – ايدىڭ 8 – كۇنى بەيجيڭنەن حابارلايدى. ءتىلشىنىڭ جۋىردا جۇڭگو زات تاسىمالى جانە زات ساتىپ الۋ بىرلەستىگىنىڭ اۋە تاسىمالى بولىمشە بىرلەستىگىنەن ۇعىسۋىنشا، جىل باسىنان بەرى، ەلىمىزدىڭ حالىقارالىق اۋە جولى جۇك تاسىمالى تورى ۇزدىكسىز بەكەمدەلگەن. العاشقى ساناققا قاراعاندا، الدىڭعى جارىم جىلدا ەلىمىز حالىقارالىق اۋە جولى جۇك تاسىمالى جەلىسىنەن 117 جەلىنى اشقان، اپتاسىنا كەلىپ – كەتەتىن كەزەكشى ۇشاقتاردىڭ ارتقان سانى 233 تەن اسقان، ۇقساس مەرزىمدەگى اۋە جەلىسىنىڭ سانى سايكەستى مەزگىلدەگىمەن سالىستىرعاندا %58.1 ارتقان.

تانىستىرۋعا قاراعاندا، تاسىمال جەلىلەرى ازيا مەن ەۆروپانى نەگىز ەتكەن. جاڭادان اشىلعان 117 حالىقارالىق اۋە جولى جۇك تاسىمالى جەلىسىنىڭ ىشىندە، ازياداعى اۋە جەلىسى 54، ەۆروپاداعى اۋە جەلىسى 45، سولتۇستىك امەريكاداعى تاسىمال جەلىسى 12، وڭتۇستىك امەريكا، وكەانيا، افريكا باعىتتارىنداعى اۋە جەلىسى جەكە – جەكە 2 اۋە جەلىسى بولعان. تاسىمالدايتىن جۇكتەر شەكارا اتتاعان ەلەكتروندىق ساۋدا جۇكتەرى، ەلەكتروندىق بۇيىمدار، اۆتوموبيل زاپشاستارى، مەحانيكالىق اسپاپتار، ساقتالۋ مەرزىمى قىسقا ونىمدەر، ەرەكشەلىككە يە اۋىل شارۋاشىلىعى ونىمدەرى، كيىم – كەشەك قاتارلىلاردى قامتيدى.

كەلۋ قاينارى: حالىق تورابى