شينجياڭ ورتالىقتىڭ 2025 – جىلى اۋىل شارۋاشىلىعى ماشينالارىن ساتىپ الۋعا جانە پايدالانۋعا ارنالعان قوسىمشا قاراجاتىنان ءبىر ميلليارد 550 ميلليون يۋان ءبولدى 

شينجياڭ گازەتىنىڭ 7 – ايدىڭ 8 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى ليۋ يدىڭ اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسىنەن ۇعىسۋىنشا، جۋىردا شينجياڭ ورتالىقتىڭ 2025 – جىلى اۋىل شارۋاشىلىعى ماشينالارىن ساتىپ الۋعا جانە پايدالانۋعا ارنالعان قوسىمشا قاراجاتىنان ءبىر ميلليارد 550 ميلليون يۋان بولگەن؛ قوسىمشا قاراجات الۋعا ءوتىنىش بەرگەندەر ساتىپ العان 30 مىڭنان استام اۋىل شارۋاشىلىعى ماشيناسىنا بەرىلەتىن قوسىمشا قاراجات ەسەبىن جاساعان، جيىنى 550 ميلليون يۋان بولىپ، 20 مىڭنان استام شارۋا وتباسىن قامتىعان.

بيىل ورتالىق پەن شينجياڭ ۇيعۇر اۆتونوميالى رايونى اۋىل شارۋاشىلىعى ماشينالارىن ساتىپ الۋ جانە پايدالانۋ جاعىندا قوسىمشا قاراجات بەرۋ مولشەرىن ارتتىرعان، قوسىمشا قاراجاتتان پايدالانۋ كولەمى بىلتىرعىمەن سالىستىرعاندا %32 ارتقان. جەر – جەر اۋىل شارۋاشىلىعى ماشينالارى سالاسىنداعى حالىققا ءتيىمدى ساياساتتاردى بەلسەندى تياناقتاندىرىپ، استىق پەن ماقتانىڭ كەڭ كولەمدى بىرلىك ءونىمىن جوعارىلاتۋعا شۇعىل قاجەت بولىپ وتىرعان جەردى تارامداپ تەگىستەگىش، جوعارى يقۋاتتى تىعىز ەگۋ ماشيناسى، جوعارى ءونىمدى تومەن شىعىمدى كومباين قاتارلى ماشينا – اسپاپتارعا قاتىستى قوسىمشا قاراجاتپەن قولداۋ كورسەتۋدى الدىمەن ويلاستىرىپ، زەردەلىلەندىرۋ جانە جاسىل تيتپەندىرۋ باعدارىن كورنەكتىلەندىرىپ، اۋىل شارۋاشىلىعى ماشينالارى مەن قۇرال – جابدىقتارىنىڭ ورەسىن ۇزدىكسىز جوعارىلاتتى.

كەلۋ قاينارى: حالىق تورابى