شينجياڭ ۇيعۇر اۆتونوميالى رايوندىق ساياسي كەڭەس پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى دوۋ ۋانگۇيدىڭ پارا الۋ دەلوسىنا ءبىرىنشى سوتتا ۇكىم جاريالادى

شينحۋا اگەنتتىگىنىڭ 7 ـ ايدىڭ 9 ـ كۇنى ناننيڭنەن بەرگەن حابارى. 2025 ـ جىلى 7 ـ ايدىڭ 9 ـ كۇنى گۋاڭشي جۋاڭزۋ اۆتونوميالى رايونى ليۋجوۋ قالالىق ورتا دارەجەلى حالىق سوت مەكەمەسى 1 ـ سوتتا شينجياڭ ۇيعۇر اۆتونوميالى رايوندىق ساياسي كەڭەس پارتگرۋپپاسىنىڭ بۇرىنعى مۇشەسى، ورىنباسار ءتوراعاسى دوۋ ۋانگۇيدىڭ پارا الۋ دەلوسىنا اشىق ۇكىم شىعارىپ، ايىپكەر دوۋ ۋانگۇيدى پارا الۋ قىلمىسى بويىنشا ءولىم جازاسىنا ۇكىم ەتىپ، 2 جىل كەشىكتىرىپ اتقارىپ، ساياسي ۇقىعىنان ومىرلىك ماحۇرىم ەتتى، وعان قوسا جەكە بارلىق مال ـ مۇلكىن ءمۇسادىرالادى؛ پاراعا العان مال - مۇلكى مەن ءوسىمى زاڭ بويىنشا مەملەكەت قازىناسىنا تاپسىرىلادى، جەتپەگەن بولەگى جالعاستى قۋزاستىرىلىپ قايتارىپ الىنادى.

تەكسەرۋ ارقىلى مىنالاردى انىقتالدى: 2003 - جىلدان 2022 - جىلعا دەيىن ايىپكەر دوۋ ۋانگۇي شينجياڭ ۇيعۇر اۆتونوميالى رايونى تولى اۋداندىق پارتكومنىڭ شۋجيى، تۇرپان ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى، اقسۋ ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى، اقسۋ ايماقتىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى، اقسۋ ايماقتىق پارتكومنىڭ ۋاقىتتىق شۋجيى، شۋجيى؛ شينجياڭ ۇيعۇر اۆتونوميالى رايوندىق ساياسي كەڭەستىڭ ورىنباسار ءتوراعاسى، اقسۋ ايماقتىق پارتكومنىڭ شۋجيى قاتارلى قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ نىساندى كوتەرمەگە الۋ، كەن ونىمدەرىن اشۋ، كاسىپورىن تيجاراتى، قىزمەت مىندەتىن ءوسىرۋ، رەتتەۋ قاتارلى ىستەرىنە كومەكتەسىپ پايدا تاپقان، تىكەلەي نەمەسە باسقالار ارقىلى جيىنى 229 ميلليون يۋاننان استام مال ـ مۇلىك قابىلداعان.

ليۋجوۋ قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر دوۋ ۋانگۇيدىڭ ارەكەتى پارا الۋ قىلمىسىنا جاتادى، العان پارا سوماسى ەرەكشە كوپ، سونداي - اق مەملەكەت پەن حالىقتىڭ مۇددەسىن ەرەكشە اۋىر زيانعا ۇشىراتقان، قىلمىس رەتىندە ءولىم جازاسىنا ۇكىم ەتۋ كەرەك. ونىڭ پارا الۋ قىلمىسىندا جۇزەگە اسپاعان – جاعدايى بولعاندىقتان، دەلوعا الىنعاننان كەيىن ءوزىنىڭ قىلمىسىن قاز - قالپىندا مويىنداپ، باقىلاۋ - تەكسەرۋ ورگانى ءالى يگەرمەگەن باسىم كوپ ساندى قىلمىس فاكتتەرىن ىرىقتىلىقپەن تاپسىرىپ، قىلمىسىن تانىپ، وكىنگەندىكتەن، زاڭسىز ولجانى بەلسەنە قايتارىپ، پارا الۋدان تاپقان مال - مۇلكى مەن ءوسىمىنىڭ باسىم كوپ ساندىسى دەلوعا قايتارىلعاندىقتان، زاڭدا بەلگىلەنگەن، احۋالعا قاراي جەڭىل جازالاناتىن جاعداي بار بولعاندىقتان وعان ءولىم جازاسى بەرىلىپ، دەرەۋ اتقارىلمايدى. سوت جوعارىداعى ۇكىمدى شىعاردى.

كەلۋ قاينارى: حالىق تورابى