مەملەكەت شينجياڭنىڭ الەۋمەتتىك پراكتيكا بازاسى قۇرىلىسىن سالۋىن قولداۋعا 70 ميلليون يۋان قارجى بوساتتى

ءتىلشىنىڭ شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنەن ۇعىسۋىنشا، مەملەكەتتىك دامۋ جانە رەفورما كوميتەتى تاياۋدا 2025 ـ جىلى ورتالىقتىڭ مەجە ەسەبىنەن 70 ميلليون يۋان قارجى بوساتىپ، شينجياڭنىڭ حوتان اۋدانى، توقسۋ اۋدانى، شايار اۋدانى جانە شينجياڭ جۇندۇڭ ەكونوميكالىق ـ تەحنيكالىق اشۋ رايونىنىڭ الەۋمەتتىك پراكتيكا بازاسى قۇرىلىسىن قولداۋعا جۇمساعان، مۇنىڭ ىشىندە وڭتۇستىك شينجياڭ وڭىرىندەگى قارجىنىڭ سالىستىرماسى %71.4 كە جەتكەن.

الەۋمەتتىك پراكتيكا بازاسى ەڭبەكشىلەردىڭ تەحنيكالىق قابىلەتىن جوعارىلاتىپ، جۇمىستانۋدى ورنىقتىرۋدىڭ ماڭىزدى تىرەگى. وسى رەت بەكىتىلگەن نىسان سالىنىپ بولعاننان كەيىن، الەۋمەتتىك ناقتى پراكتيكا كولەمى تىڭنان 21 مىڭ 800 شارشى مەتر ارتىپ، جىلدىق ناقتى پراكتيكا قابىلەتى مەجەمەن 26 مىڭ ادام ـ رەتكە جوعارىلاپ، شينجياڭنىڭ، اسىرەسە، وڭتۇستىك شينجياڭ ءوڭىرىنىڭ الەۋمەتتىك كاسىپتىك شەبەرلىككە تاربيەلەۋ قابىلەتىن كۇشەيتىپ، بۇكىل شينجياڭنىڭ جوعارى ساپالى، تولىق جۇمىستانۋىنا بەرىك نەگىز قالايدى.

كەلەسى قادامدا، شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى جىلدىق ونىمدىلىك نىساناسىنا نەگىزدەلىپ، مەملەكەتتىڭ كەلەلى قۇرىلىس نىساندارى قامباسىنان پايدالانىپ، جەلىدە باقىلاۋ ـ تەكسەرۋ جۇرگىزەدى ءارى دەر كەزىندە ناق مايداندا تەكسەرۋ جۇرگىزىپ، نىسان ورىندارىنىڭ تەز ارادا جۇمىس باستاۋىنا قۋزاۋشىلىق ەتىپ، ورتالىقتىڭ قارجىسىنىڭ جۇمىستانۋدى جەبەۋدىڭ ناقتى ونىمدىلىگىن ەرتەرەك ساۋلەلەندىرۋىنە كەپىلدىك ەتەدى.

كەلۋ قاينارى: حالىق تورابى